📖 ZKIZ Archives

中環在線：俄鋁中環開騷有歌聽有禮送 李華華
2010-06-7 AD




 

自從俄鋁 （486）今年初嚟香港上市之後，同香港嘅關係都密切咗好多。嚟緊呢個禮拜三，佢哋又有新搞作嘞，嗰日係俄鋁首次喺香港舉行股東周年大會，同日中午1點嘅 食飯時間，佢哋會喺中環皇后像廣場搞場俄羅斯民歌表演，將俄羅斯文化帶到香江。

今次演出嘅俄羅斯庫班哥薩克歌舞團，啱啱去完上海世博表演， 佢哋將會表演俄羅斯同哥薩克嘅歌曲。

唔單止有騷睇o架，現場仲會送出一批俄羅斯套娃鎖匙扣做見面禮；另外，仲搞咗個歌名競猜遊戲，送出俄羅 斯手信套娃公仔，歌舞團到時會唱一首中文歌，如果聽得出係邊一首，可以將歌名連同個人資料電郵去[email protected]。有騷睇有嘢 送，俄羅斯人做生意係有啲噱頭喎！



PermaLink: https://articles.zkiz.com/?id=16027

中環在線：Prada今晚開騷中環人撲飛難 李華華

2011-6-7  AD



 

意大利名牌 Prada（1913）嚟香港上市，已經去到如火如荼嘅階段，噚日開波喺新加坡做投資者推介，今日輪到香港，聽聞行政總裁Patrizio Bertelli同總裁Miuccia Prada兩夫婦都會齊齊現身推介會，金融界嘅Prada擁躉有幸一睹佢哋嘅風采。

基金打人情牌都冇面畀

至 於今日傍晚喺灣仔君悅舉行嘅投資者推介會，華華收到風，唔止推介會咁簡單，開波前會有半粒鐘花生騷。唔知係金融界有太多Prada擁躉，定係佢哋知道 Prada今年秋冬系列有「睇頭」，吸引大批基金經理想出席，喺中環可謂一票難求，即使大型基金嘅基金經理出動人情牌、話自己個fund規模幾大，有關方 面都冇面畀。

今晚嘅推介會由保薦人高盛同里昂負責，得幾百個位，佢哋梗係精挑細選，邀請最優質、最大嘅客戶出席。除咗基金客，仲有大批私人銀行客戶，呢班客畀咁多錢佢哋管理，點可以待慢？

根據行程，Prada呢兩日喺香港做完推介，之後會去倫敦、米蘭、紐約同波士頓，全程由Bertelli帶領一班管理層進行，聽聞Miuccia Prada未必全部隨行，因為香港有時裝表演，Miuccia Prada先至要跟足。所以話，香港嘅投資者真係幾幸運o架！

李華華

[email protected]


PermaLink: https://articles.zkiz.com/?id=25612

要靠開騷支撐營運 體育城淪演唱會場地

1 : GS(14)@2012-11-10 13:47:57

http://hk.apple.nextmedia.com/news/art/20121110/18062975

啟德體育城耗資近200億元，有消息指體育城將來舉辦能填滿5萬座位的大型體育賽事不多，全年估計僅10至15項，要靠同數目的演唱會支撐，加上外借舉辦社區活動，全年估計只出租50天。不過，政府認為使用率不低，因為外國有大球會作主場的體育場每年能出租30天已算不俗。
PermaLink: https://articles.zkiz.com/?id=281891

古惑佬澳門開騷 小春催伊健生仔

1 : GS(14)@2014-05-14 01:12:19

http://hk.apple.nextmedia.com/entertainment/art/20140512/18716995

                【澳門直擊】鄭伊健、陳小春、謝天華、錢嘉樂及林曉峰五位古惑佬，前晚又合體在澳門舉行「歲月友情演唱會」，今次澳門站與香港站的演出編排大致相同，五位古惑佬以一輪快歌為演唱會展開序幕。

應采兒蒙嘉慧冇現身

                錢嘉樂繼續以鋼琴自彈自唱《同一秒》，太太湯盈盈和囡囡亦有在台下支持，與錢嘉樂同一餅印的Alyssa，戴上headphone兼拍手的模樣認真可愛，錢嘉樂說：「阿囡今次系特登嚟捧場，呢首歌系送俾澳門所有母親，祝大家母親節快樂！」

                                                                                                                        
            ■今次澳門站與香港演出編排大致相同。            ■小春開騷，老婆應采兒自掏腰包買20張飛，以示支持。            ■雖然太太蒙嘉慧未有現身，不過未有影響伊健的演出！


                他們在台上透露為何以澳門作為巡迴演出的第一站，謝天華說：「我哋第一套《古惑仔》系喺澳門氹仔大橋度拍，所以對澳門特別有感情。」因為應采兒要開工的關係，所以未有現身，不過她自掏腰包買20張飛，以示對小春的支持，小春冧爆地說：「我真系好少訂飛，點知佢訂完飛先話自己唔得閒，好彩喺澳門都有朋友！」在旁的錢嘉樂笑說：「而家小春識得關心人，改變咗好多，系非常好嘅改變。」小春聞言後笑而不語。見到小春的身形消瘦，於是問他湊仔是否辛苦？他指一指天華和伊健說：「唔辛苦，好enjoy，系另外一樣嘢，佢哋唔明㗎，快啲拿拿臨返去喇！」因為蒙嘉慧腳傷未癒，所以未有現身，伊健笑說：「佢吞pop呀，見其他人唔嚟咪唔嚟！」
採訪：藍文浩
攝影：陳順禎                                                        
PermaLink: https://articles.zkiz.com/?id=284540

RubberBand開騷齋唱

1 : GS(14)@2014-11-11 22:28:35



樂隊RubberBand（RB）於上周六、日在灣仔伊館舉行了一連兩場演唱會，側田、黃偉文、小肥等捧場睇騷。RB開騷前已聲明是次演唱會純粹以歌會友，所以沒特效舞台、沒舞蹈員勁歌熱舞、沒華麗閃亮歌衫。主音6號清唱《坦白》揭開序幕，之後又自彈自唱，6號笑說：「我哋RubberBand，今日係一個講好少嘢，純粹唱歌嘅音樂會，希望唔好悶親你哋！」騷後6號接受訪問說：「太耐冇開演唱會，好多歌手朋友都話開騷好難叫觀眾企起身，可能要叫好多次，點知一叫就起晒身，仲一齊跳舞！」馮庭正（阿正）自爆開騷前食太多臭豆腐，搞到肚脹脹。撰文：麥萍萍



【三個粉絲去首爾】追星實錄，即上韓劇讀: http://hk.apple.appledaily.com/kstar




來源: http://hk.apple.nextmedia.com/entertainment/art/20141111/18930388
PermaLink: https://articles.zkiz.com/?id=286432

只許用獨家手帶　G.E.M.開騷禁帶螢光品進場

1 : GS(14)@2015-01-16 08:25:11





■G.E.M.昨晚個唱甫出場，即大賣口乖表示終於可以說回廣東話。


鄧紫棋（G.E.M.）昨晚在紅磡體育館舉行一連五場「X.X.X. Live世界巡迴演唱會」香港站首場，早在演唱會開始前她在Instagram預示了一支新咪及設在後台只供購買了1,880元VIP套票觀眾參觀的展覽廳，廳內放有G.E.M.的蠟像和獎座等。



■絕對是零分重作之選的告示牌，充滿語病及反智。

■為求賺到盡場外除螢光手帶（箭嘴示），還有T恤(右圖)等紀念品出售。




紀念品少人吼

在場外的官方攤檔有名為Space Band的螢光手帶出售，取價280元，場內898元或以上的貴價座位每人送一條，但大會有專人手持告示牌表示「除了官方手帶Space Band以外，場內嚴禁攜帶螢光燈入場」，有人質疑告示有語病，先是「場內」兩個字，是否代表在場外攜帶入場就不受限制，而無情白事又為何要帶螢光燈入場，至於螢光筆又是否在限制之列，就有待考究。假如套用高登仔用語，該告示絕對是「零分重作」。其他紀念品有印上疑似露點海報印圖的T恤、雨傘及電話殼等，但購買的人不多。現場還見梁詠琪、徐小鳳及張敬軒等送上花籃，預祝G.E.M.演出成功。昨晚的演唱會完場後沒有如其他歌手般安排後台訪問，其實自參加完內地節目《我是歌手2》G.E.M.爆紅後，她已被指態度越來越囂張，更有指要求待遇媲美外國影星，而被網友封為「國際漿」。


■G.E.M.早前接受電台訪問，談到近日經常要出埠的生活。

執行李執到怕

另外，新城電台昨日播出一段G.E.M.的訪問錄音，她透露因為要經常飛執行李已執到怕，所以現在每次回家都只是更換某部份衣物，其餘的行裝如洗頭水，就一直在行李箱。採訪：盧妹　攝影：陳俊強





來源: http://hk.apple.nextmedia.com/entertainment/art/20150115/19002711
PermaLink: https://articles.zkiz.com/?id=287218

張惠妹二姐病逝　忍痛開騷

1 : GS(14)@2015-03-12 19:21:51





張惠妹的二姐昨日凌晨在台東病逝，據知下月在台北小巨蛋舉行演唱會的阿妹，昨午忍痛綵排後，已趕回台東奔喪，她又透過工作人員在facebook表示：「會堅強面對，也會準備好演唱會，再辛苦都不會辜負大家對演出的期望！」而其妹妹張惠春（Saya），亦在fb留言哀悼：「謝謝我親愛的二姊，妳為我們的付出……妳像母親一樣溫柔也像父親一樣堅強。」另外，早前透露姐姐患癌的AGA，昨日在ig留言透露姐姐已病逝，指姐姐是個真正戰士，永遠會在她心中，不少歌迷都留言悼念，又提醒AGA要好好照顧自己。撰文：小米





來源: http://hk.apple.nextmedia.com/entertainment/art/20150312/19072492
PermaLink: https://articles.zkiz.com/?id=288425

李敏鎬明亞博開騷

1 : GS(14)@2015-03-22 14:40:46





韓流在亞洲仍然吹得火熱，香港更成為韓星進軍內地的踏腳石，繼金英光於月頭來港後，今日就輪到另一「長腿oppa」李敏鎬襲港。將於明日在亞博舉行演唱會的李敏鎬，在內地一向人氣高企，近日在一個調查中就發現李敏鎬現身內地活動時，每分鐘酬勞就高達三十三萬人仔，而當日他只現身十五分鐘就即穩袋五百萬人仔，據知韓星在內地的身價比起在韓國高出三倍以上，難怪他們都密密來中港兩地搵真銀。另外，李敏鎬主演的《江南黑夜》於昨日在網上公開未刪減版本的視頻，當中包括李敏鎬除掉上衣的鏡頭及金來沅的床戲。





來源: http://hk.apple.nextmedia.com/entertainment/art/20150320/19082502
PermaLink: https://articles.zkiz.com/?id=288738

韓星三招：開騷各出奇謀

1 : GS(14)@2015-03-23 08:56:34







近年韓風強勁，「都敏俊」金秀賢再掀韓風熱，不少韓星各出奇謀來港掘金，賣唱功、玩遊戲或另類演出教跳舞、握手會都有，成為吸金必殺技。



賣唱功

韓國女團少女時代人靚聲甜，唱得又跳得，開騷經常趷籮兼晒腿；而男團BIGBANG、Super Junior（SJ）、2PM同樣唱功勁，SJ更會「犧牲色相」扮女人冧粉絲。



玩遊戲

部份好動的韓星會選擇親近粉絲，《Running Man》主持Gary、《急診男女》男星崔振赫分別來港開騷，唱完歌後亦會邀粉絲上台齊齊玩遊戲互動。




另類騷

唔賣唱功、唔玩遊戲但又想開騷，可以效法韓國塑身天后鄭多燕，去年她在灣仔教萬人跳塑身舞，但最後卻因入座率與搞手孫敬安發生罵戰。





來源: http://hk.apple.nextmedia.com/entertainment/art/20150323/19086011
PermaLink: https://articles.zkiz.com/?id=288806

【壹週刊】安仔開騷狂操許太Sammi素顏跟到實

1 : GS(14)@2015-04-24 08:51:14

【壹週刊】除咗陪許志安排舞，自認係『減肥達人』嘅Sammi，更日日陪老公跑步、健身，再加埋Sammi私人減肥餐單，幫安仔減咗12磅。想知更多？記住Download壹週Plus手機app，免費架！
iPhone版下載：http://goo.gl/1SDaWF
Android版下載：http://goo.gl/xfQS8D壹週Plus網頁：http://nextplus.nextmedia.com/





來源: http://hk.apple.nextmedia.com/entertainment/art/20150424/19123029
PermaLink: https://articles.zkiz.com/?id=289880
Next Page
ZKIZ Archives @ 2019