📖 ZKIZ Archives

盈富基金 CKM001

http://hk.myblog.yahoo.com/ckm001/article?mid=41297

上星期chris問我我一隻股票可以長揸幾耐? 我發一張本人持有的盈富基金(2800)股票給大家參考(圖一)，面值兩萬股，股票上的發出日期是1999年11月12日，我自盈富IPO持有這張股票到現在，歷時近11年(圖二)，話說香港政府1998年用公帑救市，在恆指7千點邊一路掃貨，買入了大量藍籌股票，獲利豐厚，到1999年，香港政府成立盈富基金，並順手沽出公家持有的股票，當時盈富基金只有香港居民先可優先認購，兼有紅股送，連紅股IPO買入價約$11.8，盈富發行之時恆指約萬四點，但當盈富基金發行之後，就遇上二千年科網股災，之後03年又有SARS，盈富股價到05年才再見家鄉，至上星期收市價$22.95計，回報95%，化作年回報是6.3%，如果再計算每年收取的股息，以股息再投資，複利年回報有9厘幾，簡單買入並持有一隻盈富基金已經與大市同步，再計算進股息收入，持盈富基金每年跑贏恆指約3%。

散戶投資最重要係概念清晰，買一間公司的股票就等於做一間公司的小股東，如果買入盈富基金，就是做以中、港兩地的40多間大藍籌公司的股東，如果未來中、港兩地經濟持續增長，恆生指數自然水漲船高，持有盈富基金自然回報豐厚，大家不要看輕年複利增長9%的回報率，事實上8成投資人都跑輸大市，其中包括老散、大戶與基金，投機賭徒更9成9跑輸大市，對唔懂選股的散戶來講，買盈富基金已經是最佳選擇。

你身邊的一班財棍一定會同你講，求其炒一轉已經賺多過9%，並引誘你進行各種投機炒賣，其中當然包括孖剪與衍生工具，令你淪為那99%跑輸大市的投機賭徒，那些二打六最喜歡貶低盈富基金的投資價值，因為佢地知道自己每天炒出炒入，筋疲力竭，年年復年，也不能跑贏大市，但一個傻瓜散戶，只需要聽CKM001講，長揸盈富基金，就能夠輕易做那20%跑贏大市的成功投資者，呢班二打六條氣一定唔順，結果當然老羞成怒，化成豬八戒到處倒蛋，實在可悲。物以類聚，族以群生，識行長線投資嘅都係成功人士，當然係追求比盈富基金更高回報，由TOP 20% 升呢到 TOP 10%、TOP 5%.....，如此類推，這篇文章只是《長線跑贏大市之法篇》的一個開始，未來我會用更多實例講解各類長揸跑贏大市之法，讓大家更上一層樓。


PermaLink: https://articles.zkiz.com/?id=18379
Next Page
ZKIZ Archives @ 2019