同老公喺廁所齊齊驗Ella騷驗孕棒：我懷孕了
1 :
GS(14)@2016-10-24 04:20:5435歲嘅台灣組合S.H.E成員陳嘉樺（Ella）同馬來西亞籍老公賴斯翔結婚四年，曾多次透露「很想生小孩」，可惜因為太忙，一直冇時間專心造人。近日傳出Ella終於「中獎」，成功懷孕，之前應邀做烈酒代言最後都推咗，但日前傳媒向之其證喜訊時，Ella只係話回應：「時間到了就會生。」未有正面。直到昨晚9點幾，Ella突然fb貼圖，承認真的要做媽媽了！恭喜Ella！
Ella貼了同老公見到驗孕棒顯示係「有咗」嘅標誌，興奮若狂嘅樣，仲送埋驗孕棒兩支嘅相，一張圖講晒，恭喜！睇番啲相，今次驗孕行動係喺洗手間進行，Ella同老公一test，即test即影，仲有專人揸機添！
Ella寫道:「以我這個藏不住的個性，這件事真的把我給憋慘了！！！時間到了就會跟大家分享，真的是因為希望一切都穩定才跟大家分享，而現在是時候了！我要大聲的告訴大家：我懷孕了知道的當下真的是『驚嚇』大過於『驚喜』，因為一切來的太突然，呆坐在沙發好一陣子才清醒過來，謝謝大家一直以來的祝福，我們要變成一家四口了！！（爸爸、媽媽、布丁和寶寶）我好開心好開心好開心！」老公就喺微博出po，寫道:「是的！終於可以說了！終於輪到我們了！我們要當爸媽了！這種喜悅開心照片裡說明一切！結婚四年半，我們都很期待寶寶的到來！是的！我好興奮！非常興奮！極度興奮！我要當爸爸了！陳嘉樺要當媽了！布丁要當姐姐了！」好姊妹Selina亦有於fb share Ella個po，有嘢宣佈:「我要哭了！我也要告訴大家！我當阿姨了！」
來源:
http://hk.apple.nextmedia.com/entertainment/art/20161023/19809819
【馮仁昭四圍超】送驗孕棒畀姊妹留念Ella認陀B三個月
1 :
GS(14)@2016-10-24 06:12:17■Ella前晚喺社交網宣佈有BB，仲同老公笑到四萬咁口展示驗孕棒。互聯網圖片
現年35歲嘅女子組合S.H.E成員陳嘉樺（Ella），同老公賴斯翔結婚4年終於有喜，前晚佢喺facebook宣佈懷孕，噚日S.H.E就合體，Ella同Selina（任家萱）及Hebe（田馥甄）一齊出席台北World Gym活動。雖然Ella有咗BB，但噚日仍然跟Selina及Hebe一齊做健身操。Ella話：「我懷孕3個月了，是等一切穩定，才跟大家分享，我很開心跟驚喜，等下次記者會，我們自己的場子，一定有問必答。」跟住就話星期五記者會，佢就會公佈BB性別。
■有咗3個月身孕嘅Ella（中），噚日同Hebe（左）及Selina出活動時做健身操。台灣《蘋果日報》
下月停工養胎
Ella又話8月21號連用兩支驗孕棒先至清楚確定有BB，為咗同姊妹分享喜悅，佢再買兩支驗孕棒，等S.H.E拍廣告時，就送咗畀Hebe同Selina留念。Hebe話嗰日喺餐廳收到驗孕棒時，真係不知所措，想喊但又驚俾侍應發現，而Selina就話：「我驚訝到，如果有人拍我一下，眼珠會立刻掉下來，隨後眼淚噴到鍋裏。」Ella話而家胃口好好，冇害喜症狀，下個月佢完成工作後，會安心養胎。撰文：馮仁昭
來源:
http://hk.apple.nextmedia.com/entertainment/art/20161024/19810181