|
||||||
|
窮途未必係末路，絕處原來真係可以逢生！喺中信泰富（267）單世紀炒燶外滙奇案，太子女榮明芳上司、因為負責簽名落單買Accumulator而要「起身」嘅前執行董事兼副董事總經理兼財務總監張立憲，原來並無因為呢單嘢而倒下來！ 獲黃剛家族禮聘任執董 印 尼幫黃剛家族嘅香港建設（190）同埋香港新能源（987），噚日宣佈人事變動，前者委任張立憲做執行董事兼行政總裁（董事袍金10萬兼年薪720萬）， 後者委任佢做執行董事兼副主席（董事袍金7.5萬兼年薪120萬），另外，兩間公司除咗會畀佢酌情花紅，更會向佢授出購股權。如果華華喺張生，噚日應該好 似學生咁開心─新學年、新開始嘛！ 咁因乜解究黃剛咁闊綽禮聘呢位「高手」呢？兩間公司嘅通告就梗係無講喇，但華華敢講一句，肯定唔會係因為佢落單買嘢嘅眼光好囉！ 李華華 |
||||||