| ||||||
恒基地產（012）主席四叔李兆基上周六出席「香港兆基創意書院」開幕禮，噚日又主持恒地及恒發（097）兩間上市公司嘅股東會，但兩次現身都冇乜講股市，估個市冇乜奇迹出現o架啦。佢噚日仲自爆，收到股民投訴信，話跟佢買股輸咗錢，要佢賠咁話，所以佢都唔敢再講股市。 估計冇奇迹出現 四 叔呢兩次都畀足時間傳媒提問，雖然佢唔多願講，但仍然俾人追住問點睇股市，特別係噚日恒指大升過千點。點知四叔今次好謙，話投資者對中港股市係有番少少信 心，但到底未就唔敢講。佢強調自己一向都唔悲觀，希望個市慢慢復蘇，「個市跌到落萬一點，好多斬倉，搞到個個憂心，心理影響好緊要。o依家要還錢畀銀行 嘅、要計數嘅都七七八八，應該冇咁多跳樓貨。」又話：「美國股神畢菲特都入市，佢都唔係懵o架嘛！」 唔通轉講樓市？ 「旺極而 衰，衰極而旺」，呢個就係四叔噚日拋低嘅金句。其實佢早就同華華講咗，o依家費事諗股市，得閒休息吓，去吓旅行仲好。至於佢個投資組合，o依家仲守緊，最 近冇乜買賣，仲話自己最近冇咁八（去睇市），估計個市都冇乜奇迹出現咁話。講得興起，四叔又自爆最近收到封信，有股民向佢投訴，話之前跟佢買股票，結果輸 咗好多錢，要四叔賠番畀佢咁話。四叔睇完封信，加之o依家個市咁樣，總係令人摸不着頭腦，佢終於都話「唔敢講股市」啦。咦，四叔會唔會真係就此封嘴，繼自 認係「冒牌股神」後，真正唔再講股，淨係講樓市呢？李華華[email protected] | ||||||