2010-8-5 AD
| ||||||
嗰頭有人愁緊三餐溫飽,呢邊就有個CEO嫌公司未夠勁。老牌地產股遠東發展(035)6月底宣佈,分拆旗下嘅酒店業務上市,遠展CEO、邱家二公子邱達昌(圖)開完股東大會,就坐定定同傳媒解釋分拆上市呢招有幾咁用心良苦。 邱 達昌又自爆,話10年前曾經同一個記者誇下海口,話遠展嘅市值,10年內要翻10倍,變身超過100億元嘅上市公司!但截至噚日,遠展既市值只得44億 元,佢好激動咁話「好鬼㷫」,明明計埋啲酒店,資產值過百億都唔止啦,但係市值就硬係追唔上,激鬼死佢咁話,所以分拆咗就可以解決呢個問題喇! 查實邱二公子使乜咁㷫呢?數字呢啲嘢如浮雲,再講,雖則話當年聽佢許下宏願嘅記者依家仲響行內,但話唔定人哋根本唔記得你當年講過乜。 李華華 |