中環在線：市值勝和黃恒生做一哥 李華華
2008-08-11 AppleDaily
受 美股拖累，上個禮拜五港股下跌218點，唔少藍籌股亦錄得相當跌幅，但恒生銀行（011）就逆市升1.5蚊，公司市值急升至3078億港銀，反而超人李嘉 誠旗下嘅和黃（013）跟隨大市下跌，市值得2995億銀，唔覺唔覺，恒生就過咗和黃，市值高出83億銀，成為以本港為總部嘅上市公司中，市值最高嗰一 間。
恒生有咁好成績，相信最高興莫過於公司副董事長兼行政總裁柯清輝。柯大班真係幾好腳頭，自佢獲委任為恒生副董事長後，公司股價就不斷升，無懼今年逆市。今年2月恒生先至慶祝75歲生日，公司股價表現咁好，柯大班可以向班股東交代，真係飲得杯落。