| ||||||
| 前金管局總裁任 志剛離任後，受前中大校長劉遵義教授力邀，到中文大學工商管理學院做榮譽教授兼中大環球經濟金融研究所傑出研究員，呢個職位當然並非全職，據講任教授會抽 出私人時間約四分之一畀中大，其他四分三時間就為國效勞，例如上北京，做建設銀行獨立非執董，及到外國訪問、演講。全世界都視祖任（Joseph Yam）為中國匯率一等專家，中國現在發表乜嘢數據都可能影響環球股市，祖任在國際舞台嘅發言，自不然大把人聽。 任教授到新城財經台接受訪 問，吸引力十足，三個電視台，三個電台，全港報紙，全部到場恭候。在現任、退休高官之中，祖任嘅口才最掂，講人民幣匯改，講人民幣離岸中心，直情係自動 波，一撻就着，流暢異常，而且絕少用到英文名辭，呢樣其實最蝦人，試問中環金融才俊之中，有幾多人講金融唔駛講幾個英文字o架，相信此乃上京匯報頻繁，日 子有功之故。 唔駛做總裁，只係做吓教授、董事，會唔會比較得閒，到馬場見吓老友，養番隻馬呢？大法官李國能以前與任教授同時坐在馬會董事 會，自宣布退休離開終審法院之後，已經抽番隻馬，再做馬主啦。祖任話現在好唔得閒喎，冇時間去馬場，冇咗個辦公室秘書之後，自己每日拆信及睇電郵都用咗唔 少時間咯喎！ 高級行政人員一旦退休，就有此問題嘞。在任時，個個有位跟隨多年嘅私人秘書，公事、瑣事、麻煩事，一一代解，自己只係睇住啲重 要事務、策略、開會等等。退休與秘書講拜拜之後，自己面對一大堆書信、文件、電郵、購單、銀行戶口，以至打電話訂餐廳、訂機票、安排約會、演講等等，全部 自己跟番，一跟就可能要兩三個鐘頭，成個上午冇咗，辦事效率自不然大減。老友記賓架W與財務L兩位同於六月正式離開公司，一早預料有此情況，索性在灣仔大 佛口租咗寫字樓，開設私人辦公室，請一個秘書打理，兩個老友，波友變成「同事」，幾好玩。 | ||||||