2010-05-11 AD
| ||||||
| 上星期美股急挫 後迅速V形反彈的動魄驚心，沒有人知道究竟發生了甚麼事。 「有冇兒戲啲呀？Keyboard上面個M字同個B字，中間都仲有個N字吖，邊有 咁易打錯？」阿輝是專業散戶，最主要的消息和分析，都來自美國金融博客。「不過，好似之後間銀行都澄清咗，話無人落錯盤。利少，咁即係發生乜嘢事？」 世 民：「你知幾多，我就知幾多。我諗呢次都應該係世紀懸案，永遠都唔會有答案。」阿輝：「我又見有人話，一日都係High Frequency Trading累事。睇CNBC，訪問有個喺交易大堂嘅阿哥，破口大罵啲人炒Momentum，搞到個市波動咁大。」 世民：「話唔定佢輸咗 錢先至咁勞氣。我又聽講，嗰日有間Market Maker唔知點解無上線，結果市場唔夠貨，先至有咁大波動。」阿輝：「其實我真係覺得，有人想試吓希臘危機會唔會對美股有影響，所以捽低個價。」 炒 家整新聞屠宰散戶 世民：「做戲咩？點捽啊？你都要真金白銀攞錢攞貨嚟捽，睇錯咗，咪等於送錢畀人使。嗰晚美股都唔使十分鐘就回晒氣，如果真 係有人咁癲，要試吓捽低個市，佢應該喺嗰晚將副身家送晒畀人使。」阿輝：「你唔畀啲炒家，用財技喺另一邊賺番？即係用衍生工具對冲咪得囉。」 世 民：「如果個市場可以咁屈機，日日都㩒機有錢攞，又使乜做到咁揚？梗係日日屈少少，直到永遠啦！」阿輝：「呢排先至有歐豬危機，炒家都要借題發揮，先可以 上下其手嘛！」世民：「哥仔，你諗多咗喇。如果好似你咁講，日日都有新聞，日日都可以炒上炒落。」阿輝：「你講得啱，我真係覺得啲炒家得閒就整啲新聞出 嚟，然後屠宰我哋啲散戶。」世民：「咁你做乜仲買股票？快的離開地球啦，危險呀！」 利世民 http://hkliberty.wordpress.com | ||||||