ZKIZ Archives


老闆嘈交《葉問2》勁收冇慶功

2010-5-06  NM





挾上集餘威,《葉問2》上畫(四 月廿九日公映)四日,勁收一千三百萬,內地上映三天,票房亦超過三千五百萬人民幣,行內人估計內地票房走勢,可達2.5億人民幣,更有機會破本地票房全年 紀錄,直指三千萬,氣勢驚人。

電影收得,應該大搞慶功宴,今次卻一反常態,乜都唔搞;皆因兩位幕後話事人黃百鳴及老闆鄭強輝鬧不和,連累全 世界包括甄子丹,想話慶功威番一次,都冇機會。左右為難

黃百鳴自退出東方電影後,已傳出跟現任老闆鄭強輝鬧得很不愉快,上週(四月廿六日) 《葉問2》舉行首映禮兼派對,身為該片監製的黃百鳴卻在同一晚搞生日派對,兩人不和白熱化,搞到左右做人難的甄子丹、熊黛林兩邊頻撲,至於導演葉偉信和洪 金寶則明撐黃百鳴,缺席首映禮的派對。

「其實百鳴四月八日已經慶祝生日,但突然又話慶祝農曆生日,擺明搶人,本來熊黛林唔想得失人,諗住兩 邊都唔去,後尾去咗after party,咪要撲埋去生日宴囉,導演同三毛(洪金寶)都唔到,鄭老闆見到咁嘅情況,梗係覺得好冇癮喇。」知情人說。

據 知,東方電影亦因此決定與黃百鳴劃清界線,於首映禮翌日修改《葉問2》的宣傳海報,將原本印有「監製黃百鳴」五個大字刪去,改為「出品人鄭強輝」。

見 好就收

「部戲咁收得,本來應該一條心搞慶功宴威吓,但如果到時情況又係咁,咪盞搞。鄭老闆話會私底下同班演員慶祝,唔會公開搞喇!」知情者 說。

《葉問》系列開拍以來,不但電影鬧雙胞甚至三胞,幕後幾位老闆也是非不絕,先是老闆之一冼國林,因彼此意見不合退出,另起爐灶開拍《葉 問前傳》,餘下的黃百鳴亦於去年辭任東方電影董事局主席,另組天馬電影公司,不和更趨白熱化。

由於票房走勢強勁,已有人提議開第三集,不過 導演葉偉信擺明埋黃百鳴堆,亦有指二人會再合作,開拍「李小龍傳」,至於甄子丹日前亦放風,聲稱無意再拍葉問,見好就收;要原班人馬再開第三集,微乎其 微。

雙胞是非

電影《葉問》開拍以來,是非多多,身為《葉問1》監製的黃百鳴於08年5月宣布開拍計劃,跟在02年已經大鑼大 鼓表示要拍《一代宗師.葉問》,但遲遲未開過工的「澤東」老闆王家衞隔空展開駡戰,王家衞指對方用同一片名開戲魚目混珠,操守有問題;不過黃百鳴即回應 「葉問」沒有登記戲名,亦沒有版權,就算同身為兩部電影顧問的葉問兒子葉準,也贊成盡快開拍。如今《葉問2》再大收,相反王家衞執導的《一代宗師》至今仍 未拍完。



PermaLink: https://articles.zkiz.com/?id=15466

Next Page

ZKIZ Archives @ 2019