hw兄論炒股
提示:並無徵詢過hw兄是否能取得其留言。
http://www.inv168.com/phpBB3/viewtopic.php?f=21&t=53652&p=1309388#p1309388
選股既野, 每個人既方法都有唔同, 原因亦可以好獨特, 但係成功與否, 唔係你睇得準唔準, 而係有幾多人認同. 好多事係無所謂對與錯, 只有信既人多定少. 一d野可以炒到天咁高全因為有太多人信.
1211 真係咁勁? 我唔知, 但係一個 "自助餐埋台" 概念已經炒到反轉, 你敢唔敢沽呀?
前瞻性選股對本錢少既散戶黎講最辛苦既係捱價. 你睇既野可以200%準確, 但係如果當時市場無人認同, 最後你可能先輸5成再升一倍 = 打和.
本錢不足既, 首先唔好當正自己係 Value Partners 或 "自助餐". 你無號召力, 你無財力, 你無宣傳渠道. 買隻冷野黎坐下先唔係一般散戶可以做到, 本錢少既時候, 都係跟大圍買大路野, 當有本錢先再慢慢搵野坐.
想一夜發達既, 不如買張六合彩, 再唔係過大海, 白手興家既人既財富都係捱過, 慳過, 博過, 刻薄過咁 accumulate 返黎架.
炒股係眼明手快, 但係坐貨又係另一種藝術. 坐左幾時走又係更高既情操.
Next Page