ZKIZ Archives


搬龍門 Money Cafe

http://moneycafe-icable.blogspot.hk/2014/07/blog-post_5.html
股票市場好奇怪,作為散戶,往往升市時嗌! 跌市時怨!

老散何解輸多贏少!? 並非在於功力不足,瞭解不深,而是市場太多信息、太多分析、太多事情充斥左右原有決定,正正係咁,可能係出事原因!

截至七月二日為止一星期,中資股資金淨流入減少四億多美元,降至只得二千多萬。

港股流入四千多萬,扭轉前一星期淨外流。如果將兩星期數字,再跟其他區內市做比較,憧憬資金流入,單單基金層面上,原來中港股市僅屬中游份子。

個個都曉炒股,個個都話識市,但真係read到market人,到底有幾多? 

即使專業分析,往往被市場情緒主導而作出判斷,而非走在市場之前!

澳門股、內房股、甚至本港地產股,其實的確是市場經典預期擺動的好教材。

今日跌,可以理解為基本面轉弱! 明日昇,卻說成為原有預期過份悲觀,估值吸引云云。

估值吸引呢家野,要掌握是相當困難,到底用咩,作為估值吸引指標? 已屬一大學問。

譬如,推強勢股,由於市盈率比最高峰期,或另一隻同類股最高峰期為低,即時符合估值吸引概念。

至於推落後股,由於股價對帳面值折讓大,亦當然吸引。現時氣氛好,一紙報告點石成金,有幾多屬於推介增長概念,有幾多屬於推介無得再殘概念,其實相當明顯。

好多人搞錯,一隻股份由殘、到無得再殘,之後就會有增長概念!! 呢樣完全錯。一個學生,無再攞零分,唔代表可以攞番九十分! 一隻股左見底後不代表會重拾光景。匯豐、利豐、太多太多例子。

央行印錢,而監管機構又加強監管,結果貸款不足,印錢成效有限,到頭來成為永無止境印錢。

耶倫會否永無止境搬龍門,無人會知。但現時美國最大概念是,美國就算加息,基於長期債券供應有限,其他央行供應資金充裕,債繼續有人搶,息高極有普。

美企利用低息再融資,繼而回購股票提升回報,就令其近乎立於不敗之地。

任志剛提過,曾經向美國財金官員表達關注資金氾濫影響,對方二話不說,回應白頭指:要學做一個好球員,先要學識,點樣接高手的發球!!

聽完,無野講啦!!!
PermaLink: https://articles.zkiz.com/?id=105392

Next Page

ZKIZ Archives @ 2019