📖 ZKIZ Archives

中環在線：達創私有化成功靠銀彈戰術 李華華

2009-08-21  AD






 

私 有化呢三個字可以話係今年以來市場上嘅焦點，過去幾個月，電盈（008）、自然美（157）、鱷魚恤（122）同華潤微電子（597）等都相繼私有化失 敗。雖然話難，但都有成功嘅例子，繼南太電子（2633）之後，達創科技（722）就成為另一間成功通過私有化嘅公司。達創噚日召開法院會議，為私有化進 行表決，最後有88.12%獨立股東贊成、4.38%反對嘅情況下成功通過私有化，公司將會喺9月28日正式撤銷上市地位。主席梁克勇話公司成功私有化感 到好開心，又話股票喺市場嘅流通性低，股價又曾經低見6毫6仙，提出私有化係一個有衡量過公司同股東權益嘅決定。

每股$2.2合小股東心意

不 過，佢哋都擔心過班小股東唔肯接受私有化，所以之前將私有化作價由每股1.83元提高至2.2元。噚日華華都有問過幾個小股東，佢哋都話，如果唔喺加價去 到2.2元，佢哋一定唔會考慮投贊成票！咁睇嚟達創今次加價真係有計過數喎！梁主席仲話，自己噚晚特登由台灣飛過嚟香港主持大局，完成私有化之後，今日下 晝就會飛返台灣。唔知佢喺咪擔心台灣嘅災情，所以間唔中會愁眉深鎖呢？李華華[email protected]
 



PermaLink: https://articles.zkiz.com/?id=10493

中環在線畢菲特被拒之謎解開比亞廸王傳福欲拒還迎 李華華

2008-10-14 AppleDaily股神畢菲特8月接受美國CNBC電視台訪問時，自爆曾經出價5億美金，入股一隻中國股票被拒。呢單嘢當時震撼整個中環金融圈，仲成為唔少投資者茶餘飯後嘅話題，究竟係邊間公司咁大牌，竟然拒絕股神，呢個謎終於開估喇！

8蚊買入2.25億股

噚 日《證券時報》解開咗呢個謎，向股神say no嘅原來係上個月同意股神入股10個巴仙嘅比亞廸（1211）。哦，原來比亞廸主席王傳福鍾意跳草裙舞，不過最後都係抵受唔住股神嘅誘惑，呢招叫欲拒還 迎！當日股神唔肯講睇中邊隻股票或者行業，以一招mind blankout大耍太極，中環人惟有喺佢漏出嚟嘅口風，按前文後理推敲。股神一句「 It's bigger than……」，唔少人估股神睇中大陸銀行股，包括中行（3988）、工行（1398）同建行（939），就連中信銀行（998）都唔知點解俾人傳係股神 目標，結果股價一度急升5%。不過，原來大家搞錯晒，股神嘅心思真係唔易揣摩。據報道，王傳福解釋當時拒絕係因為巴郡提出投資至少5億美金，但比亞廸管理 層唔係咁願意賣出太多股權，所以say no。後嚟經過內部評估，認為有利開拓比亞廸北美業務同打響品牌，最後決定向股神出讓10個巴仙股權。股神當時仲話，如果比亞廸願意，佢會繼續增持公司股 權。就係咁，股神上月底斥資18億港銀，以每股8蚊買入2.25億股比亞廸，按噚日13.7蚊收市價計算，股神短短半個月，賬面已獲利近13億銀。李華華 [email protected]
PermaLink: https://articles.zkiz.com/?id=2626

中環在線：康師傅魏家8.7億買台北101 李華華

2009-07-08  AppleDaily






 

舊 年4月，中國內房大佬高調怱怱赴台視察4日，台灣地產股及樓市曾借此消息炒過一輪，最後冇一家內房公司出手吸納過一個單位。o依家大陸樓市終於好番好多， 佢哋一樣唔會去台灣買樓買地，點解？因為手續煩，係都等人家做先頭部隊開路先啦，而且你睇吓呢排內地不斷出現新地王嘅新聞，有錢都留番喺內地買土儲啦。反 而台灣地產界應考慮吓喺大陸發咗嘅台商，邀請佢地「返攻台灣」好過，前日開發金控就公布，康師傅（322）大股東魏家兄弟斥資8.7億港銀，買下佢哋所持 嘅台灣地標建築台北101金融大廈近20%，成為大股東，創台灣歷年來摩天大樓最大金額股權交易個案，就係一個絕佳例子！



PermaLink: https://articles.zkiz.com/?id=9530

德國雷曼票據 左丁山

2008-10-20  AppleDaily

陶 傑寫外國先例，十分幽默。香港人甚為崇洋，講經濟文化、政治、建築等等，總以外國先例為大道理，政府亦一樣，講乜都話外國係咁咁，例如環保、碳排放。特區 政府只有一件事不敢引用外國先例，就係民主選舉及取消功能組別。金融方面，最近又有人指責香港證監會仍然准許沽空，大大聲話歐美都禁止沽空咯，點解香港唔 禁止？當然亦有雷曼迷債，口口聲聲話外國禁售予散戶，香港唔禁，就係任志剛監管不力。

十月十六日嘅《國際先驅論壇報》第十一頁有篇報導，成日引外國先例嘅 崇洋人士不妨睇真吓。據報導，德國亦有雷曼風波，雷曼在九月十五日宣佈破產後，德國散戶投資者，其中好多係退休人士，發覺佢哋買入咗一間公司發行嘅 Zertifikate即係英文certificate（證書、票據），法律上屬於bearer bond（不記名債券）類，呢批票據係由雷曼兄弟擔保嘅，雷曼執咗，無人認頭，估計六萬名德國散戶中招，五億歐元（約五十餘億港元）就咁蒸發咗。

德國市場 上，類似票據充斥，共有三十四萬種，發行量高達一千三百億歐元，全世界最多最大。德國人一向性格保守，唔鍾意冒險，所以德國啲街坊儲蓄銀行以「低風險，高 利息」包裝嚟努力推銷不同種類票據，買中雷曼票據嘅就最唔好彩，有好多雷曼苦主就係聽銀行職員講而買入嘅，情況與香港非常相似。實質上，德國市場流行嘅票 據完全係衍生工具結構性產品，甚為複雜，但過往投資者收息收得高興，無人理會，呢次雷曼破產嘞，德國散戶先至如夢初醒，睇真吓張cert原來係結構性產 品。

雷曼票據在德國市場佔好少份額啫，比例上微不足道，但都有六萬散戶損失五億歐元吖，點解唔見德國監管當局、德國財長、總理出嚟發話呢？德國國會議員又 唔指住德國央行行長嚟鬧呢？呢啲就係外國例子嘞！報導說德國散戶依法辦事，搵律師投訴/控告銷售銀行誤導，要求賠償，德國央行至今未曾要求銷售銀行回購雷 曼票據，因此例一開，一千三百億歐元票據如何處理？
PermaLink: https://articles.zkiz.com/?id=2712

審評兩大內銀股 東尼

2008-09-04  NextMagazine

對投資者而言，剛過去的中期業績公布期，無疑令人失望，縱使有部分企業如中移動及思捷（330）交出亮麗成績，也同樣被人摒棄。

兩星期之前，我在此預測中資銀行股會是市場的焦點所在，雖然中資銀行股公布的業績對辦，但悲觀者仍害怕下半年前路茫茫。

第 三季度的成績，將在十月下旬或十一月初陸續公布，惟要作出盈利預測較以往困難。就以工行過去的數據為例，○七年上半年賺四百一十億元人民幣，下半年幾乎不 變，賺四百零五億元人民幣；而○八年上半年則急速上升至賺取六百四十五億元人民幣，若再細看，其實今年首季賺三百三十億人民幣，次季則賺三百一十五億元人 民幣。逢低吸納銀行股

工行○八年盈利得以大幅上升，很大程度歸功於息差擴闊。雖然息差難再進一步拓展，但我亦不擔心盈利增長步伐會回復到○七年水平，何況銀行已累積更充裕的資金借貸給顧客。經營銀行，能年復年將盈利聚沙成塔，有助長遠持續發展，因此我很喜歡趁低吸納銀行股。

刻 下工行市值一萬八千億元，○八年市盈率十五倍，實屬抵買，假設未來兩年盈利仍繼續增長，全年料賺一千二百億元。我不認同悲觀者的看法，他們認為工行盈利無 以為繼。我無意預測人民幣兌率的走勢，但以一點一二港元兌換一元人民幣計算，一千二百億港元約等於一千零八億人民幣。換句話說，下半年工行只須維持○七年 的盈利水平，賺取四百三十五億元人民幣，便可輕易達標。

中行的情況更具魅力，雖然有人質疑它的增長速度遠遠不及其他中資銀行股。中行市值約八千六百億元，剛公布的半年業績，盈利達四百二十二億元人民幣，折合約四百七十億港元。假設下半年賺三百七十億港元，市盈率只是十倍，非常超值。

中行預測市盈率僅九倍

相對其他中資銀行股，中行的業務更為國際化，惟它不幸買入了小量高息結構產品，以及在次按風暴中受損。但不幸之中的大幸是僅受輕傷，並已為此進行了撥備。

過 去的三個半年，中行分別賺二百九十五億元人民幣、二百六十七億元人民幣，以及最新公布的四百二十二億元人民幣；若以賺二百八十億元人民幣來做中位數，最壞 情況全年打算亦可賺五百六十億元人民幣，市盈率約十四倍。但若進取一點，下半年中行盈利只要保持今年上半年的水平，全年便可賺八百四十億元人民幣，預測市 盈率便只有九倍。

工行現價五元四角，每股資產淨值一元六角四分人民幣，股價是資產淨值的三倍；而中行現價是三元四角，每股資產淨值是一元七角人民幣，股價是淨產值的一點八倍，因此中行安全度較工行為高。

我相信這兩間公司的股價早晚會飛升，屆時投資者便不再苦臉，笑容便會重現。

東尼Tony Measor

在證券界有三十五年經驗，八七年股災及八八年股市冒升時，他所管理的香港基金表現都是香港最出眾的。

他之前是財經網站Quamnet的總編。在此之前，他在嘉洛證券工作，管理客戶二億五千萬元資金。
PermaLink: https://articles.zkiz.com/?id=2031

銀行家言　李國寶：當年好多人搵着數

2008-08-11  AppleDaily

曾任外滙基金諮詢委員會成員20年之久的立法會（金融界）議員李國寶，評價98年政府入市殺鱷，是前特首董建華任內，最值得稱許的行動。

對於現時美國監管機構，救市干預層出不窮，當年卻狠批本港入市，他憤憤不平說：「你可以話李國寶講嘅，啲美國佬係double standards（雙重標準）。」

外滙基金諮詢委員會，是財爺行使動用外匯基金權力時，最重要諮詢對象。身兼東亞銀行（023）主席兼行政總裁的李國寶，接受訪問時指，依稀記得十年前的8月14日，「晏晝兩點幾三點鐘，任生（金管局總裁任志剛）請晒我哋（外滙基金諮詢委員會成員）去金管局，話有要事傾。」

等任總兩小時唔准開電話

結果，他一等就兩個多小時，「放我哋喺間房度，唔准開電話，又唔畀我走……」直至收市後，任志剛終於露面，通知各成員並解釋政府動用外匯基金入市的原由。

官鱷決戰曾惹來本地及海外不少劣評，李國寶卻充份肯定。他說批評者不乏既得利益團體，「當年好多人take咗advantage（搵着數），尤其係唔少外資行」。政府入市獲勝，他覺得幸運因素佔三、四成，但政府決心及調撥資源亦很重要。

對於當年成功勸說董特首拍板入市的前財爺曾蔭權及任志剛，李國寶亦認為功不可沒，國際炒家雙邊操控，已接近摧毀香港經濟，「越遲（入市）越弊」。他又透露，政府行動前數星期，已私下跟曾蔭權及任總進言獻策，「如果政府唔做啲嘢（干預），香港會好大問題」。

歷史雖然經常重演，但他相信本港已回歸中國，在內地經濟強勁增長的後盾下，港滙被狙擊的金融危機，重演機會較低。
PermaLink: https://articles.zkiz.com/?id=1679

中環在線：高盛「劊子手」劈炮 李華華


2009-02-19 AppleDaily




 

華 爾街精英今時唔同往日，高薪不再，壓力又重，仲隨時要做劊子手。華華噚日睇彭博報道，話曾經年薪高達6750萬美金、07年華爾街最高薪管理層之一嘅高盛 集團聯席總裁Jon Winkelried，將會喺3月底離開。49歲嘅Winkelried，82年加入高盛，開頭做投資銀行，升到部門聯席主管，06年更被提拔做集團嘅聯 席總裁兼首席營運長。舊年高盛因信貸危機陷入財困，佢親自操刀裁咗差唔多一成、近4700個職位。不過佢都好有良心，同埋班高層一齊放棄舊年嘅花紅。 Winkelried冇透露退休原因，但外界估，可能係佢自知出任首席執行長機會唔大，所以辭官歸故里。彭博引述高盛發言人話，Winkelried舊年 夏天已經考慮退休，但撞正金融海嘯先推遲退休大計。



PermaLink: https://articles.zkiz.com/?id=6040

礇控10年 財息兼收 10萬變45萬 何車

2007-05-26 AppleDaily

《蘋果》 10年前創刊，當時買入豐控股（ 005）， 10萬元投資今日變成 36.7萬元（加入 10年股息逾 8萬元，總共變成 45萬元）。期內控股價由 33.50元升上 123元，升幅 2.7倍，大大跑贏生指數；指期內由 9407升至 13562，升幅僅 44%。
■控贏得股東的掌聲，但在與其他主要股市的龍頭銀行股相比，表現只是「貌僅中姿」、「比上不足，比下有餘」。美國、西班牙、加拿大、英國（不計控，控亦在英國上市）與意大利的當地龍頭股，都跑贏控。過去 10年，買入大型銀行股，長期持有，腳仔搖搖，買入日本銀行股例外。
■過去 10年升幅最大的巨無霸銀行股，是美國花旗銀行，由 6.51美元升至 47.71美元，升幅高達 6.3倍，現時市值高達 19359億港元。同類股中，控 市值 13764億元，僅次於花旗，約為花旗的 7成。若將 Investment Banking算在內，雷曼兄弟更厲害，由 9.88美元升上 92.27美元，升幅 8.3倍， 10萬元變 93萬元。其他港人熟悉的貝爾斯登、摩根士丹利與美林，升幅依次為 5.9倍、 4.9倍與 3.6倍。

買日本銀行股蝕 7成

■日本銀行股過去 10年獨憔悴，代表東京交易所第一板所有銀行股的 Topix Banks Index，由 700跌至 277，跌幅 60%。外國人投資日本銀行股，輸得更慘烈，期內美元兌 84日圓升至今天 108日圓，計入價因素，以美元做本位的投資者買日本銀行股，大蝕 71%。
■艾爾敦在豐服務 37年前後，昨日職務告一段落。 1968年豐（未成為「控股」）股價多少，已難計算。我的資料「去到」 86年 3月，為 5.71元， 19年升幅 20.5倍。艾爾敦現時持有 45.2萬股控股份（值 5560萬元），不知會否有少少遺憾「得少」？
■本港 1973年發生股災，本港股民捱了痛苦的 21個月。美國 1929年發生股災，美國股民捱了痛苦的 32個月。兩地股民在兩地股災中，究竟誰輸得慘？答案明日揭曉。
趣味統計系列﹙之七﹚
何車

PermaLink: https://articles.zkiz.com/?id=461

中環在線：南聯有「不可能的任務」 李華華

2008-11-19  AppleDaily


曾 經喺新地（016）同希慎（014）做過物業租務同管理嘅朱松溪，10月2號啱啱轉咗去南聯地產（1036）做高級租務總監，佢過檔之後第一個接手項目， 就係集團喺觀塘全新發展嘅甲級寫字樓Landmark East，南聯高層仲落埋指令，出年年底前要項目出租率去到80%。

一上任即博炒？

不 過家陣經濟咁差，好多公司都唔諗住擴充，寫字樓前景暗淡，所以朱松溪「直諫」話冇可能，最多都係租到七成喎。嘩！咁嘅時勢，朱松溪竟然夠膽大大聲話一定做 唔到老細嘅要求，唔通諗住博炒？佢解釋話o依家經濟環境唔好，好多公司對寫字樓需求都少咗，但係東九龍新寫字樓供應陸續有來，嚟緊會有成1200萬方呎樓 面推出，供過於求，都幾難咁快租得出80%。所以佢哋o依家都諗晒計，出盡法寶去撈租客，包括將租金勁減近40%，去到十零蚊呎。唔知佢老細接唔接受佢嘅 解釋呢？佢跟住乘機宣傳，話Landmark East係五星級質素寫字樓，但只係三星級價錢，抵到爛！
PermaLink: https://articles.zkiz.com/?id=3315

等待雷曼 左丁山

2009-06-26  AppleDaily






 

本 欄在六月十六日講「證監會要硬起來」，內裏提及：「證監會可能乘勝追擊，進入金管局監管地盤，直情要銀行向新鴻基、凱基學習，與散戶簽訂類似協議。」所謂 類似協議，就係向散戶回購雷曼迷債啦。六月二十二日，《信報》與《明報》報導中銀香港考慮以六成收回迷債，但證監會要求十足收回，於是銀行與證監談判成為 僵局。左丁山閱報後，向銀行界人士查詢，佢哋不置可否，但放出消息話，以六成價收回（長者投資者可望收回七成）本來係監管當局最初嘅意思，銀行考慮再三， 唔想拖落去，於是有意跟從，點知監管當局竟然話唔制，你哋要賠十足，且向銀行界發信，態度強硬，銀行唯有立即搵律師研究，預備與證監會打官司，呢場仗打起 嚟，對香港金融中心聲譽，定無好處；對散戶而言，呢場官司亦唔係好消息，有排都唔慌有回購。


純以投資角度講，六折收數唔算曳，滙豐股價至今未回復股價高峯 之六成呀！雷曼原來之資產究竟誰屬，喺美國仲係打緊交，啲無抵押債權人（如對冲基金）正在要控告有抵押債權人（如摩根大通），誓要取回一部份資產；美國嘅 雷曼清盤人要阻止雷曼債券信託人（滙豐美國）將啲迷債資產轉回香港；英國清盤人要阻止英國雷曼資產交畀美國清盤人，官司複雜之程度，幾乎係前所未見，要全 部解決嘅話，相信要等多三至五年。


本欄曾於六月十七日引述大馬主W之言講行山保健康，資深行山人士何伯來函有補充。何伯云；「昨天得閱貴大作『行山保健 康』編（篇），小弟有些少補充以供參考，以策萬全：──（一）要帶一枝長短適中手杖，可以撥草驅蛇，可以支撐；（二）要帶備少許繩索，以便必要時使用； （三）一定要帶火柴、哨子及電筒；（四）一定要帶一個小型急救箱；（五）如果可以，最好至少三個人一同去行山，因為：──假如有人跌傷，一個人可以留下陪 傷者，另外一人去求助；假如傷得嚴重，兩個人可抬傷者至適當地方，等待救援。」原來行山人士個背囊要裝好多嘢，懶人如左丁山見到馬主W與何伯之必需品，已 經覺得：好難行啫，孭住咁重磅。這所以人哋健康得多也。



PermaLink: https://articles.zkiz.com/?id=8829
Next Page
ZKIZ Archives @ 2019