「What does Esprit mean to you（思捷對你有乜意義）?」已完全脫離「後邢李『火原』」時代嘅思捷環球（330）出咗本40周年特刊，裏面就印咗呢條問題，仲走訪咗40年嚟對思捷 發展舉足輕重嘅重要人物，前主席邢李『火原』梗唔少得，連突然劈炮唔撈嘅前副主席潘祖明都有份。
好似創辦人之一嘅Doug Tompkins就話，係一種態度而唔係年齡。主席高漢思就認為，喺思捷工作令人自豪，呢個亦係佢嘅工作動力喎。潘祖明就官腔啲，話思捷畀到佢最好嘅自由 度，講到好懷念咁。經已喺100元股價樓上全身而退嘅邢李『火原』又點呢？得3個字「Esprit is fun！」睇番佢o依家嘅股價，華華都好認同。