「伙記」fb轟上頭逼籌安家費
1 :
GS(14)@2017-02-19 12:19:21■有自稱警務人員在fb專頁「公務員Secrets」留言，不滿被迫捐款協助七警。互聯網
【本報訊】警務處處長盧偉聰批准職員協會為判囚七警進行內部籌款，又堅拒就案件道歉，有多名疑似警務人員昨在facebook「公務員Secrets」專頁發公開信，援引案例直斥其非，不滿接獲上司指令捐款，認為有關警員犯法並定罪，不應籌款給安家費，「打完佢（曾健超）仲有幾球嘢（幾百萬元）落袋？上面黐X咗線呀？」，獲網民紛紛留言認同。
「打完佢仲有幾球嘢落袋？」
署名「幾個不滿嘅伙記」昨在公務員Secrets專頁發公開信，指昨接獲上司WhatsApp呼籲捐錢予七警，直斥「上面真係儍X咗」，認為七警犯法並定罪「安乜X嘢家？」疑為老差骨的警員援引案例指，20年前曾有同袍因毆打癮君子「兩鎚」被控，當時內部並不容許捐款，當事人最後被定罪判囚數月及遭革職，「?家俾人打條友（曾健超），道友又唔係，犯事又唔係，打完（曾健超）佢仲有幾球嘢（幾百萬元）落袋？上面黐X咗線呀？」他指多名同事對上司行為「好燥」。該公開信獲網民留言支持，其中YC Ho指「拖埋暗角打明顯係有預謀唔係一時衝動，咁都淨係判2年，仲有公帑幫佢打官司，仲有安家費？即係鼓勵伙記濫用私刑！」網民Carl Chan表示「黑社會一哥公開呼籲手下籌安家費，臉不紅耳不熱，很有雷。邊個唔捐就唔係兄弟，明未？」警察公共關係科表示不評論網上傳聞。■記者蔡朗清
來源:
http://hk.apple.nextmedia.com/news/art/20170219/19933196