📖 ZKIZ Archives

連詩雅煮西餐冧仔

1 : GS(14)@2015-02-13 00:06:08





連詩雅（Shiga）近日趁近情人節推出全新情歌，昨日到商台宣傳，自稱未加入娛樂圈時喜歡製造驚喜浪漫，最難忘以前曾為男友煮西餐，包括意大利飯、羊架和芝士火鍋等高難度挑戰。
Shiga今次推出新歌向公司要求製造網上遊戲，粉絲可將浪漫照片標籤在指定互聯網，被選中頭五位可以獲得Shiga親手自製的曲奇餅。情人節Shiga有工作在身，她說：「都未諗點過，時間咁近又唔會訂到位食飯，要再諗吓先。」採訪、攝影：卓寶花





來源: http://hk.apple.nextmedia.com/entertainment/art/20150212/19038413
PermaLink: https://articles.zkiz.com/?id=287808

連詩雅遭釗峰撇甩

1 : GS(14)@2015-03-31 08:24:38





連詩雅與組合C AllStar昨日在大埔出席慈善街跑活動，他們要揹起一袋物資跑4.5公里，跑過馬拉松的連詩雅跑到臉紅紅，她說：「雖然我係女仔，但冇諗過相差咁多，跑咗一公里就連釗峰尾燈都見唔到。」釗峰笑說：「只係諗快啲跑完就有得休息。」另外兩位成員Jase和King就跑得比連詩雅慢，King尷尬說：「因為望住佢個背影好靚，唔捨得超越佢。」連詩雅表示想請C AllStar寫歌，被笑指要為她寫首《尾燈歌后》。採訪、攝影：馬建華





來源: http://hk.apple.nextmedia.com/entertainment/art/20150330/19094586
PermaLink: https://articles.zkiz.com/?id=289152

連詩雅

1 : GS(14)@2016-02-09 12:17:02

連詩雅、周柏豪、陳詠謙及Dear Jane等眾華納歌手相約在灣仔食開年飯，祝願猴年心想事成，原來大家都想做業主，新一年當然希望財源滾滾來。同門中暫得官恩娜和Dear Jane成員黃天翱（Tim）已結婚，他們笑指會相約到Tim家團拜，Tim笑說終於感受到愛。


■華納眾歌手今年都向做業主目標出發。


連詩雅表示想買樓或換車，但不會做拜金女釣金龜：「有一日唔知會唔會離開你，我要自己努力得番嚟。」她並希望早日擁有個人音樂會：「做嘉賓就多，始終未擁有個人騷，要儲啲快歌，或者會配合學埋跳舞。」此外，同樣想置業的柏豪現時與女友同住，但暫未打算結婚：「我係傳統人，想成家立室，但唔知幾時，突然間衝動想都未定。」採訪：王連連攝影：陳俊強場地提供：上海佬蟹莊





來源: http://hk.apple.nextmedia.com/entertainment/art/20160209/19484462
PermaLink: https://articles.zkiz.com/?id=295657

連詩雅認拍過6次拖

1 : GS(14)@2016-05-08 14:54:01

連詩雅（Shiga左）及王灝兒（JW）昨日到銅鑼灣出席籌款活動，Shiga心情輕鬆，似乎未受分手影響。此外，Shiga前晚在銅鑼灣出席公司派對活動時，提到被爆有20次拍拖紀錄，她說：「我都唔知自己拍過咁多次拖，身邊出現過嘅男性都俾人界定係男朋友。其實我拍拖唔多，總共只係6次。」港女形象會否嚇怕追求者？她說：「識我嘅人知我係點。」





來源: http://hk.apple.nextmedia.com/entertainment/art/20160508/19602307
PermaLink: https://articles.zkiz.com/?id=300080

連詩雅跑步跑上癮

1 : GS(14)@2016-05-22 12:16:15

連詩雅（Shiga）、曾若華（Jude）昨日在科學園出席「跑出未來」慈善夜跑活動，他們參加三公里賽事。Shiga自稱每星期跑步三、四天：「跑步真係會上癮，雖然有啲舊患，但想跑半馬，所以唔想停練習。」她又自爆很怕冷：「我仲着緊保暖衫，見啲人着bra-top短褲跑步，我都好想，覺得好型。」緋聞多多的Shiga笑謂異性朋友都怕了她，所以沒受異性邀約跑步：「就算冇人陪自己都會跑。運動型男仔會加分，覺得體魄fit，好吸引，但就唔鍾意大隻男。」此外，Jude自言愛行山多過跑步，不過從未遇過周潤發：「可能行得唔夠，都撞唔到發哥，希望可以行多啲撞吓佢。」採訪：盧妹攝影：沈健程





來源: http://hk.apple.nextmedia.com/entertainment/art/20160522/19622295
PermaLink: https://articles.zkiz.com/?id=301102

連詩雅木瓜豐胸冇效

1 : GS(14)@2016-07-09 06:36:06

連詩雅昨天於灣仔數碼電台擔任「蘭茱美食音樂會」表演嘉賓，身形纖瘦的她，正為下月舉行的音樂會閉關操練，她說：「上星期生日食咗10餐，肥咗4磅，即刻跑步跑到癲。而家唔可以肥，已經練到有馬甲線。」上圍是否保持A cup？她笑說：「細個時介意心口冇肉，試過食木瓜同按摩，但唔work，已經放棄。」她透露已邀請黎明當音樂會嘉賓，對方回覆要看工作安排。採訪、攝影：羅慧敏





來源: http://hk.apple.nextmedia.com/entertainment/art/20160707/19684068
PermaLink: https://articles.zkiz.com/?id=302916

【馮仁昭四圍超】連詩雅又串錯Piece

1 : GS(14)@2016-07-09 06:47:31

互聯網圖片








高登瓊姐又喺fb發功，話說連詩雅去咗海賊王（One Piece）個展覽，仲好開心同主角嘅公仔Luffy影合照。跟手佢就用英文寫「Stretching like luffy, One Peace Carnival」。


互聯網圖片


雖然佢好快佢改番，但都逃唔過瓊姐法眼，笑佢「One Piece」變「One Peace」，話要罰佢抄一千次。知錯嘅連詩雅不忘自嘲，發文話會自罰抄一千次喎。撰文：馮仁昭





來源: http://hk.apple.nextmedia.com/entertainment/art/20160708/19685672
PermaLink: https://articles.zkiz.com/?id=303010

連詩雅打錯字誤變粗口

1 : GS(14)@2016-07-12 03:19:29

■連詩雅昨日在中環帶頭跑5公里的賽事。





■葛民輝戴上草帽化身One Piece團長路飛。


連詩雅（Shiga）、陳蕊蕊及張致恒等昨日在中環參加「One Piece Run」舉辦的5公里賽事，葛民輝則擔任鳴槍嘉賓。日前Shiga串錯「One Piece」做「One Peace」，昨她稱為賽事擔心至失眠：「我擔心天氣咋，驚自己瞓過時間。」她直言無懼錯字陰影，會繼續貼相。
Shiga更在facebook直播罰抄1,000次「Piece」字找數，她自爆平日傳短訊都會寫錯字：「手機有自動改正功能，試過原本講工作嘅嘢，點知打咗粗口，同事仲問我係咪發脾氣。」而葛民輝笑指跑步只能維持兩秒，平日做最多的運動是在電腦面前8分鐘極速郁mouse。採訪、攝影：盧妹





來源: http://hk.apple.nextmedia.com/entertainment/art/20160711/19689310
PermaLink: https://articles.zkiz.com/?id=303271

連詩雅被騙濕身透Bra

1 : GS(14)@2016-07-12 22:08:16

上星期香港受熱帶氣旋影響，又熱又焗，令人透不過氣。連詩雅上周五被安排在赤柱拍MV《一走了之》，剛好攝製隊預備了一架淋雨車為拍MV備用，但在拍攝中途突然天降大雨，連詩雅本來就要一邊淋雨一邊嚎哭，因天氣關係拍得她好慘。最搞笑是要拍淋雨戲的連詩雅，竟然沒穿打底衫，幸好她的衣服是深色，逃過濕身透bra一劫，但是一班工作人員為了整蠱這隻大頭蝦，拍完之後齊齊指她的衫濕身透視。連詩雅接受本報電話訪問：「佢哋話我透，搞到我心離一離，我知自己大頭蝦，係囉！知道有落雨戲，但完全唔記得要攞多套衫去換，好彩夜晚拍，之後冇嘢做，唔係唔知點算。」採訪：小米





來源: http://hk.apple.nextmedia.com/entertainment/art/20160712/19690651
PermaLink: https://articles.zkiz.com/?id=303430

【馮仁昭四圍超】連詩雅鍾浠文　嘴唇互擦性起

1 : GS(14)@2016-08-16 06:11:23

■Shiga同着deep V嘅鍾浠文（左）火辣激咀，笑言好享受。





連詩雅（Shiga）前晚喺九展開處女騷，着上露肩長裙出場，唱完《到此為止》即喺台上除裙騷長腿，佢自爆：「頭先太興奮，bra帶都爆咗。」到嘉賓周柏豪上台，唱《黑》嗰陣，Shiga瞓喺梳化畀柏豪由腳摸上膊，仲疑似掂到Shiga波邊，柏豪又壓喺Shiga身上鼻碰鼻，但係兩人嘅纏綿互動，表現有啲生硬。跟住Shiga演繹《血一般紅》，輪到柏豪過氣緋聞女友鍾浠文（Zelia）伴舞，着住deep V嘅Zelia，同Shiga激情互摸波撞波兼掃pat pat，Zelia仲瞓喺Shiga大髀上，最後兩女嚟個火辣激咀，Shiga錫到唇膏都花晒，觀眾當然尖叫拆天。Shiga話：「相信我攞咗Zelia台上初吻，大家見我好似儍更更，但我都有陰暗一面。」



■Shiga喺處女演唱會騷長腿，仲興奮到爆bra帶兼甩耳環。

■Shiga同柏豪生硬纏綿鼻碰鼻，因為柏豪感冒取消玩咀嘴。

■Shiga媽咪聽到女兒自彈自唱，感動到喊。


多謝媽咪

前晚Shiga仲多次爆喊，佢多謝媽咪話：「我哋相依為命，有困難時都係佢一個人承受，唔會畀我捱任何苦。」兩母女台上台下齊喊，之後Shiga感謝同事、朋友支持又再喊，場面感人。完騷後，Shiga坦言同Zelia咀嘴好享受，但否認轉軚鍾意女仔。問佢有冇畀柏豪掂到波邊？Shiga話：「自己有打底，入面係girdle，相信佢摸到鋼線。」撰文：馮仁昭




來源: http://hk.apple.nextmedia.com/entertainment/art/20160815/19736182
PermaLink: https://articles.zkiz.com/?id=305950
Next Page
ZKIZ Archives @ 2019