ZKIZ Archives


長江7號VS長江1號記招股東會撞時間爭記者 李華華

2001-05-27  AD






 

長江實業 (001)同和記黃埔(013)嘅股東會今日舉行,下晝兩點九開晒兩個AGM之後,又係超人響紅磡海逸酒店發表「國情諮民」嘅時間,按照慣例,無上市公司 夠膽同佢老人家硬撼,無論咩生肖咩冧巴都要迴避。

估唔到,真係有人個膽比天高,夠膽同超人撞時間爭記者,邊個咁夠薑?咪就係升呢做咗上市公 司(帝通,8220)董事嘅「周董」周星馳囉!

周董處男下海主持發佈會

據周董身邊人講,佢哋真係唔知李生幾時開AGM幾時發 表講話,咁o依家又無理由無厘頭改期o架,所以聽日周董仍然會如期喺下晝兩點半,喺對面海金鐘同超人打對台,實行同大家分享吓佢未來點喺帝通大展拳腳,當 然唔少得show一show佢得意之作《長江7號》套卡通啦……呢勻真係長江7號大戰長江1號咯!

咁班行家又會點樣取捨呢?Well……一 邊係我哋香江嘅首富,一字一句往往觸動香港政經兩界嘅神經。另一邊嘛,話晒係港產「國寶級」喜劇之王,加埋周董處男下海第一次host上市公司嘅發佈 會……你話邊面吸引力大啲嘞?

李華華

[email protected]



PermaLink: https://articles.zkiz.com/?id=15792

水舞間記招話搞show要有中文名小賭王暗踩對手 李華華

2010-9-16  AD




 

小賭王何猷龍檔新濠天地贊助嘅「水舞間」大型水上滙演,好多人都話想過大海睇睇,小賭王噚日仲隆重其事,邀請傳媒先賭為快,參與「水舞間」……個記者會!

海嘯無停工望澳門體諒苦心

一向口才不俗嘅小賭王話,贊助「水舞間」,絕對係同佢哋啱晒嘴形,事關新濠天地都係充滿水嘅元素……如果華華無估錯,佢口中所謂水嘅元素,會唔會係客人輸畀佢嘅錢呢?

講 講吓,小賭王又提到隔籬街威尼斯人搵法國馬戲團搞嗰壇ZAIA,佢話ZAIA無改個中文名,就已經係fundamental mistake,仲一開始就主力sell太陽劇場(又錯喇!),而佢哋就唔會咁做,會主力sell「水舞間」,提高新濠天地嘅知名度……聽落,都幾「暗 踩」對家喎。

講完對家,小賭王又再講番自己,佢話喺金融海嘯期間,佢哋係唯一一間無停工嘅賭場,所以佢希望澳門政府體諒佢哋呢番苦心同努力,第陣時畀多啲機會佢哋發展咁話。講到咁感人,澳門政府應該都收得好清楚啦!

講番噚日小賭王個記招,「水舞間」華華就睇唔到,咁惟有望實小賭王啦!點解?佢對襪囉,長到好似女人絲襪咁嘅款!

李華華

[email protected]


PermaLink: https://articles.zkiz.com/?id=18137

中環在線:杜鵑重出江湖下周現身記招 李華華




2011-1-13 AD


 

國美(493) 爭奪戰中黃家軍主帥、黃光裕老婆杜鵑(圖),由舊年9月被改判緩刑放番出嚟之後,一直都「潛水」,但似乎好快佢就會上番水面!內地《第一財經日報》噚日 話,杜鵑即將「重出江湖」,喺呢個月18號(即下周二)會出席一個國美母公司喺北京開嘅記者會,如果係堅嘅話,呢次將會係佢恢復自由身以嚟首次公開露面。

據內地媒體嘅講法,北京國美集團旗下嘅國美體育,將會喺18號公佈擴張戰略計劃,到時杜鵑唔單止會現身,仲會上台講嘢,就連佢個姑仔、黃光裕三妹黃秀虹都會蒲頭,都好隆重其事咁喎。杜鵑幾年無去過呢啲場合,今次演講唔知會唔會有咩微言大義呢?不妨拭目以待!

 


PermaLink: https://articles.zkiz.com/?id=21351

中環在線:恒隆「大細陳」記招互送高帽 李華華


2011-1-27  AD




 

恒隆地產(101)噚日公佈中期業績,「大細陳」照例齊齊出動!接手做恒隆董事總經理大概半年左右嘅陳南祿,同埋老闆陳啟宗,繼續喺記者招待會上,鬼死咁肉麻咁互送高帽,連講新年願望,都要乘機讚吓對方,聽到華華打晒冷震。

咁「雙陳」合作半年大家各自有咩感想呢?大陳佢只係得一句,就係「好勁」或者「好極」。細陳即刻嗒晒糖,回大陳一句,喺恒隆工作感覺係「極好」。

到講新年願望嘅時候,大陳希望自己搵咗個得力助手返嚟之後,今年可以瞓番多啲。

細陳仲勁,佢話自己嘅新年願望係希望恒隆可以繼續騰飛,話集團呢啲道德水平咁高嘅公司,係商界成功嘅典範,佢個人非常佩服……雞皮起晒,華華唔能夠寫落去喇!


PermaLink: https://articles.zkiz.com/?id=21858

爆內地投資陷阱刊物 遭深圳沒收 神秘人冒《蘋果》記者闖記招監聽

1 : GS(14)@2010-09-20 22:33:02

http://hk.apple.nextmedia.com/te ... 867&art_id=14468344


【本報訊】港商薛寶仁出版刊物大爆內地投資陷阱及寃案,結果被深圳當局以「非法刊物」為由沒收,刊物改於香港重印,但仍難逃內地法眼。他昨日召開記者招待會交代最新進展時,有兩人自稱《蘋果日報》記者與會,其間未有進行任何拍攝及採訪工作,記者上前對質,二人即否認是《蘋果》或任何報章之員工,其中一人留下的聯絡電話證實為空號。薛寶仁推測二人與內地部門有關,「我在明佢哋在暗,邊驚得咁多?本書一定會照出。」
曾於大陸投資受騙的薛寶仁,多年來向內地申訴不果,今年 5月決定籌資推出月刊《投資與陷阱》,主要轉載本港及內地雜誌的文章,披露內地各種投資黑幕,於本港、台灣及美國發行。為省錢刊物選擇於深圳印刷, 2,000本創刊號原訂上月 27日面世,但當日即遭深圳文化局全數沒收,印刷廠被查封,至今未獲官方交代。薛寶仁本月初再返深圳,即成為內地海關目標人物,遭對方扣查,氣得他決定短期內不會再返內地。



兩名神秘人自稱《蘋果》記者參與記者會,席間不發一言,中途更悄然離開。


神秘人否認自稱本報記者,但於記者登記欄上,卻於機構欄寫上 Apple一字。


薛昨日召開記招,公佈在港重印的 2,000本雜誌順利面世,首三期免費發行,更會在本港推廣內地投資活動上派發。記者會開始後 10分鍾,一男一女慢條斯理到場,薛詢問兩人代表機構,女的即謂「《蘋果》嘅」,薛狐疑並向兩人索取名片,兩人表示剛好派完,他們逗留約 30分鐘,沒有進行採訪,但男的不停在女的耳邊竊竊私語, 30分鐘後兩人不發一言離開。
本報記者上前與兩名「同事」對質,女的隨即反口,指從沒有自稱《蘋果》記者。記者再問對方為哪一間媒體的代表,對方支吾以對,「我唔係喎……咩你哋咩嘢……」二人隨即乘電梯遁去,記者在現場登記冊發現有人於採訪團體一欄寫上「 Apple」,但登記的電話號碼證實未有用戶登記。
薛寶仁指,二人可能是內地探聽人士,早於記者會前一小時已在電梯大堂徘徊,但當時不以為意,「以前都成日有國務院代表搵我食飯了解,今日都有人問我攞咗幾本雜誌走,擔心都冇用,我在明佢在暗,防不勝防呀!」
2 : 龍生(798)@2010-09-20 23:18:44

湯兄, 可知道內容大致講什麼?

另外那兩人的相貌可謂相由心生....
為讓宗新聞畫龍點睛
PermaLink: https://articles.zkiz.com/?id=270830

規矩多多:RM記招不設提問

1 : GS(14)@2015-07-01 09:51:25

少女時代出新碟,當然落力曝光宣傳,包括亮相本月5日播出的綜藝節目Running Man(RM)。成員Tiffany早前就在網上公開和《RM》成員HaHa的合照,兩人於節目中同屬橙組,更擺出鬼馬甫士。而《RM》七名成員除了會分批於明晚及後天早上到港外,在後天(3日)下午一時半,亦會齊人於天際萬豪酒店為當晚在亞博館舉行的粉絲見面會舉行發佈會,但規矩多多不設記者提問,亦因他們趕往綵排,發佈會後不會接受任何訪問。





來源: http://hk.apple.nextmedia.com/entertainment/art/20150701/19203995
PermaLink: https://articles.zkiz.com/?id=291215

記招晒500萬現金加500萬支票亞視篋底「裝假狗」?

1 : GS(14)@2016-03-06 02:15:43

亞視新投資者、中國文化傳媒國際有限公司(下稱中國文化)股東司榮彬,昨日凌晨五時左右向員工發短訊,呼籲他們「千萬別收德勤解僱信,靜候司總的好消息。」又指會繼續無償注資1000萬元資金,並聲稱「也剛跟德勤總部溝通,力求矯正香港德勤的錯誤決定,支持亞視重組發展。」昨日亞視股東於亞視大埔總台舉行記者會,展示500萬現金及由司榮彬簽署的500萬支票:「總數係我哋commitment(承諾)嘅1,000萬,當係送畀亞洲電視。」何子慧指員工薪金會用現金發放,其餘會存放夾萬,日後再動用。亞視力證有資金可營運下去。不過有網民就質疑,呢篋金牛,有古怪,疑在篋底「裝假狗」,而且左下方底部嘅紙幣條邊係紅色,好明顯唔係$1,000紙幣。若果全部都係1000蚊紙,500萬就有5,000張。個箱約莫有9疊,每疊500幾張,所以箱底有嘢墊起亦唔奇。但紅色綑邊嘅鈔票又係咪$100呢?





來源: http://hk.apple.nextmedia.com/news/art/20160305/19517660
PermaLink: https://articles.zkiz.com/?id=296868

卓韻芝遇車禍缺席ViuTV記招鄒凱光教小學生蒲老蘭

1 : GS(14)@2016-05-21 18:29:52

【ViuTV風雲】女子組合Robynn& Kendy(R&K)與導演鄒凱光昨日下午,出席ViuTV在觀塘舉行新節目《同2047特首上學去》的記者會。原先答應出席的卓韻芝,因發生交通意外而缺席,可幸她沒有受傷。原來卓韻芝在銅鑼灣禮頓道遇上交通意外,有貨車司機差點鏟上行人路,倒後鏡險撞倒她的化妝師,卓韻芝昨在電話中說:「好彩我一手拉住化妝師,佢事後都話心寒。」雖然冇人受傷,但卓韻芝被司機控告撞毀其車門,卓韻芝無奈說:「架車鏟埋嚟,我隻手好自然掂到佢車門,係對方要求報警,話我毀壞佢架車。我都有打畀ViuTV道歉,話晒自己係主角,唔能夠出席。」鄒凱光及R&K均穿着校服現身,配合早前他們以學生身份返學,體驗現今學童苦與樂。會上鄒凱光獲頒「最喊得大獎」,Robynn跟拍檔Kendy獲發「堅離地大獎」。鄒凱光接受訪問時透露,在節目中要跟一名跨境學童返學校上堂,同時住在該學童位於深圳的家,他說:「嗰個學生讀小三,每朝返學都要搭校車,一朝早5點幾就要起身去天水圍。」他表示幸而學生不覺有壓力,自己更教班小朋友去玩,還帶他們到蘭桂坊識女孩子,他說:「喊係因為拍完之後,班學生逐個同我擁抱,仲喺我耳邊叫我『畀心機做嘢』、『快啲攞金像獎』,個心即時軟一軟就忍唔住喊,最後仲要停機。證明自己仲係有血有肉有衝勁嘅人,仲有童真。」



■卓韻芝事後獲頒「最好勝大獎」,以表揚她「唔輸得」性格。

■Robynn(右)和Kendy笑言拍攝時,將自己調整至10歲心智融入同學中。



「男同學好早熟」

R&K表示跟足一班小五學生返學一星期,Kendy說:「真係同佢哋做咗朋友,仲開咗群組交談。我哋任務係講兩性,青春期小朋友好多鹹濕笑話,發覺有男同學好早熟。」採訪、攝影:王連連、嵐山





來源: http://hk.apple.nextmedia.com/entertainment/art/20160520/19619434
PermaLink: https://articles.zkiz.com/?id=300872

田少又爆料CY薯片「做場戲」假記招

1 : GS(14)@2016-09-28 04:51:35

自由黨榮譽主席田北俊接受《香港01》專訪,直指特首梁振英及財政司司長曾俊華日前召開橫洲事件記者會,據聞是由北京下令,要求二人「做場戲」,以消弰港府高層內部不和的形象,「唔係佢自己想開,係北京迫佢,仲迫埋鬍鬚(曾俊華)出席,你兩個做返場戲」。他指北京十分避忌將政府內部矛盾公開,「點可能最高領導一人一句?」他並預計中央可能遲至11月始就特首人選表態,因為若中央不挺梁連任,不會太早發放訊息,以免梁振英政府「跛早一個月」。田北俊亦估計商界至少150人是「ABC」(Anyone But CY),指商界主流是支持財政司司長曾俊華擔任特首,相反曾任社署署長的政務司司長林鄭月娥,商界怕她「太過民粹」。曾俊華與梁振英上周三一同出席記者會,為橫洲事件解畫,當時有指曾俊華是「被出席」。他在記者會上被問到是否跟梁振英「唱反調」時,指「You always agree with your boss. No question about that.(你總會認同你的上司,這是毋庸置疑的。)」




來源: http://hk.apple.nextmedia.com/news/art/20160928/19784561
PermaLink: https://articles.zkiz.com/?id=310350

中宣部記招變「習核心」吹捧會

1 : GS(14)@2016-10-29 13:20:17

【六中全會】中共十八屆六中全會前日閉幕,官方公報除「確立習核心」,其他乏善可陳。昨午中宣部罕有開記者會,更請中紀委、中組部負責人出席「解釋六中全會」並答記者問。殊料全場又是重唱「習核心」。中組部副部長稱,有高官「搞謀取權位等陰謀活動」,但所言不詳。六中全會公報曾提到「對領導人的宣傳要實事求是,禁止吹捧」。過去三年宣傳部門有令,內地新聞網每日頭條定是習近平,二條定是李克強,六中全會一過,昨即有新聞網不再守規,外界一度期待是「此風可止」的訊號。昨午這場發佈會沒有任何驚喜,依然是充滿對習的吹捧(或許是某些人眼中這就是「實事求是」)。有本港親中報紙記者問及「習核心」提法的背景及考慮,獲中宣部常務副部長黃坤明深有感觸地讚說:「這是一個非常重要的問題!」


指少數幹部搞政治陰謀

有外國記者問:「可否介紹中國領導體系哪些方面比美國的選舉體系更適合中國國情?」中組部副部長齊玉引習近平「名言」擋駕:「鞋子合腳不合腳,只有穿的人自己知道」,稱一國實行甚麼政治制度、走甚麼道路,必須與該國國情和歷史文化相適應。齊玉會上提到,有「極少數高級幹部搞謀取權位等政治陰謀活動,教訓十分深刻」,但又沒有詳加說明指誰。中紀委副書記吳玉良則表示,要嚴禁黨內結成利益集團,官員也要注意家庭家教家風。新華網/《蘋果》記者




來源: http://hk.apple.nextmedia.com/international/art/20161029/19815926
PermaLink: https://articles.zkiz.com/?id=313954

Next Page

ZKIZ Archives @ 2019