|
||||||
中環鏞記酒家的家族風波，發展至今，只餘下一聲嘆息。 今年初，鏞記清盤官司開審。庭上的兩名第二代掌舵人，大哥甘健成及二哥甘琨禮，大數對方不是；庭外一眾子孫亦連場好戲，在鏡頭前「淚鬥淚」；幕幕經典，印象深刻。惟官司還未判決，甘健成突於上週五猝死，距離鏞記踏入七十周年慶典，只差不到一個月。 二哥一方，幾乎不戰而勝，但作為鏞記現任財務總監、甘琨禮的女兒甘蕎因，本週一向本刊低泣透露，這場官司輸了兄弟情、母子情及所有親情，她想放下恩怨，與自小湊大她、站在甘健成一方的嫲嫲甘老太講和：「我哋可以破冰嗎？」 本週一，甘蕎因含淚說：「上星期四，伯父（甘健成）仲喺公司出現，點知星期六伯娘就打電話嚟，話佢早一日走咗，我哋真係唔相信，一直唔敢向同事公布。」甘 蕎因說，自從官司之後，甘健成的健康開始轉差，「喺公司見到佢，頭髮白晒，瘦咗好多，行路同食嘢都好慢好慢。」有傳甘健成有吸煙習慣，患上肺癌，甘蕎因坦 言不知伯父病情：「不過佢由五月開始，間中有兩、三個星期唔返工，跟住又返嚟幾日。爸爸（甘琨禮）有問過佢咩事，佢唔想答，只話：『無嘢，小事』，我哋唔 可以逼佢講啦。」 甘老太跟身邊人說不相信兒子已死的事實，記者週一在其家門外欲探訪，她透過孫兒回覆不願接受訪問，記者在門外聽到其家中傳出超大聲的電視聲，或者她不欲家中太寧靜。 琨禮情緒低落 今年二月，甘健成入稟的鏞記清盤案開審，意味着他務求與甘琨禮一拍兩散；兩家不和，但最慘莫過於大家還要在鏞記工作及每日與酒家職員傾公事，日見夜見。甘 蕎因坦言和大伯常碰頭但甚少溝通，「其實公司上晒軌道，好耐無開董事會。」每週的行政會議，甘健成都無出席，「佢唔嚟都唔需要刻意打電話俾佢。」即使鏞記 七十周年，找來公關公司搞慶祝活動，要找他們開會，但都是各有各開。這半年來，兩家人老死不相往來，不過說到有否為伯父的離世感到傷心，本來冷靜的甘蕎因 突然落淚，她一邊以手拭淚邊說：「我爸爸都無晒心機，始終佢哋係幾十年拍檔。今日喺公司，我同爸爸講到『伯父』兩個字，佢即時唔出聲，好想喊，我唔可以喺 佢面前再提。」她說父親提過年幼時，和伯父感情要好，「爸爸話伯父係大佬格，成日帶佢同姑姐周圍去，請朋友食飯，都會叫埋細佬妹。」白頭人送黑頭人，最傷 心的當然是八十一歲的甘老太，早年她的一名女兒潔玲英年早逝，○四年丈夫過身，○七年幼子琨岐去世，今日又輪到長子，兒女只剩已反目的琨禮及美玲，「伯父 一死，我細佬即時打俾阿嫲，問佢有無事。阿嫲喊到七彩，話到而家都唔信伯父離開嘅事實。」這番慰問的說話，竟是她們這一家和嫲嫲這半年來的第一句話。甘蕎 因和嫲嫲住同一幢樓，她自官司開始之後，曾在大廈碰見嫲嫲，雙方連招呼都沒打：「我嗰時都好嬲，佢使唔使對住傳媒講到咁盡呢？佢見到我都好尷尬，不過件事 都過咗去，我都無再嬲。」甘蕎因這時頓了一頓，跟着她說：「其實我都希望同嫲嫲有一個ice-break（破冰）。」她又補充：「有時你好想，都要人哋肯 接受先得。」甘蕎因指官司曾令甘家勢成水火：「而家諗番，一家人何必搞到咁，其實唔單只伯父搞到病咗，我哋都好stressed，連爸爸都病埋。」當記者 問到其父什麼病，「感冒囉，佢呢幾日都病得好辛苦。」她尷尬回應。她說父親不願接受傳媒訪問，但也感嘆全家都輸，「總之呢單官司一開始，全家都輸晒，輸親 情、母子情、兄弟情。」 鏞記第二代掌舵人甘健成，自官司後已甚少公開露面，記者在他臨死前一個星期（上月二十九日），巧合地見到他氣若游絲，在養和醫院看病，要護士攙扶坐在輪椅上。（嚴寶權攝） 官司未了勝負已分 健成一方大勢已去 感情上，各人都成為輸家；但甘健成離世，令甘琨禮一家更能牢牢控制着鏞記。甘蕎因的父親甘琨禮持有百分之五十五鏞記股份，而甘健成則只有百分之四十五。會 計出身的甘蕎因，現時是鏞記的財務總監，而其弟甘連宏亦是公司董事，負責鏞記的設備及物流等事，而廚房出品及採購都由其父負責；雖則甘健成是鏞記董事，但 由於董事會只有甘健成、甘琨禮及甘琨禮兒子甘連宏三人，甘健成永遠是無話事權的少數。甘健成一直想把兒子帶入董事局，都被拒，問到伯父兩名兒子在公司的職 位，甘蕎因說：「大仔係Personal Assistant，細仔係Assistant to Director。」（有咩分別？）甘蕎因答：「個名都係伯父改o架咋，都係佢助理啦。」（負責做咩？）她想了又想：「其實大伯叫佢做咩佢哋咪做咩囉，我 真係唔知。吖，佢細仔有份做衞生經理，係政府要求每間酒樓都要有，我哋公司都有幾個。」兩家人的官司快將判決，甘蕎因說由於其一家只是答辨人，角色被動， 「我哋好被動，未知會點。」本週一晚，本刊找到甘健成兒子甘崇軒，他回應指：「官司會繼續，官司還官司……同今次兩件事。」至於他們持有的股份會否出讓， 他指過了喪禮才會考慮，提到甘蕎因想兩家人破冰，他只是不屑道：「哦！」但說起父親過身，甘崇軒開始眼濕濕，遺憾指自己當時不在父親身邊，「我而家只想專 注處理身後事，對亡人嚟講，官司已經不重要了。」 |
||||||