ZKIZ Archives


中環在線:繆美詩做完新娘做老闆 李華華


2010-10-08  AD





 

亞洲電視前新聞主播繆美詩自從去年底辭去領匯(823)企業傳訊主管職位後,沉靜一排,原因佢不知幾忙,今年5月新婚,7月就開咗間公關公司,35歲就自己做埋老闆娘,脫離打工仔行列,真係令人羨慕。

繆美詩間公司名為銘善顧問,佢同華華講,公司多數做同公共事務有關嘅生意,客戶包括小巴商會、速遞商會同埋藥廠等等,財經方面嘅客戶就唔係咁多。

不過,佢最近就幫上海財經大學同埋香港金融管理學院喺香港搞咗個「匡時財經論壇」,以促進港澳台與內地的金融財經才俊交流。

呢 個論壇將會喺今個星期六(10月9日)舉行啟動禮,仲會有啲「花臣」嘢,就係搵咗財經專欄作家曹仁超,同埋憑一句「跳出香港」成名嘅前「天氣女郎」黃婉曼 講吓理財之道,兼且作交流對話,作為呢個論壇嘅前奏。呢個部份令華華聯想到,之前科技大學請咗周秀娜出席一個學術講座,唔知今次呢個論壇會唔會因為咁而座 無虛席呢。

李華華

 


PermaLink: https://articles.zkiz.com/?id=18444

林日曦撐方健儀:沒有問題繆美詩斥前主播 將專業淪笑話

1 : GS(14)@2016-05-22 12:16:10

■方健儀曾以輕鬆形象為《100毛》做節目,「腦細」林日曦當然力撐。資料圖片


前亞視主播、其後開公關公司的繆美詩,前日在《信報》專欄撰文,題為《新聞主播的最底線》,文中直指有前主播食老本拍廣告搵錢,破壞整個行業的專業及公信力,寫着:「當年家喻戶曉的新聞人仍以同一主播形象兼用同樣報道手法,反過來去嘲笑新聞報道這專業,令專業淪為笑話橋段,形同向同行摑了一個大巴掌。」文中亦特別提到,除了離職主播的底線「低處未見低」,更開名直指《100毛》「學生幾乎完全不看電視新聞。」



■前亞視主播繆美詩在專欄上,斥前主播食老本拍廣告,破壞行業的專業及公信力。資料圖片

■柳俊江認為現今新聞質素下降,最大責任是新聞部的總監。資料圖片



柳俊江:我唔會咁做

雖然未有指邊個主播,但方健儀曾為《100毛》做節目,身在韓國的方健儀昨透過短訊回覆稱不清楚繆美詩的看法。而繆美詩昨日在電話中否認針對方健儀,她說﹕「當然唔係啦,我都認識方小姐,我講緊成個現象。我喺自己fb都冇named任何人。我嘅年代training一路都係,如果我離開呢個崗位,咁我就卸下呢個光環。」她覺得新聞從業員轉任何行業都不是問題,但要有底線,她解釋:「我都有睇毛記電視,覺得好好笑。但當一個曾經從事新聞嘅人用番呢個形象手法,稿件已經唔係新聞稿,咁就有問題。」林日曦用短訊回覆:「每個人都有投訴嘅權利。不過香港人好少就呢啲嘢投訴,因為我哋都有基本思辨能力。正如我哋睇《足球小將》,唔會話投訴『新一代誤以為《足球小將》就是足球之宗師』……有關方健儀,我認為完全沒有問題。難道李麗珊不可以以前運動員身份賣廣告嗎。阿明(黎明)以歌手專業甚至唱歌形式去賣咖啡廣告,也應該沒有影響音樂專業吧。」柳俊江說:「我唔會咁做,但亦唔覺係罪大惡極嘅一件事。」可覺得拖低新聞質素?他說:「新聞質素而家普遍都降低緊啦!我覺得最大嘅責任都係新聞部嘅總監,新聞部嘅編採人員身上。」陳珍妮則說:「佢嘅value係冇錯,但個market係改變緊,我冇資格去講啱定錯。」採訪:嵐山、皓騫、林妙萍





來源: http://hk.apple.nextmedia.com/entertainment/art/20160522/19622377
PermaLink: https://articles.zkiz.com/?id=301086

孫耀威陳美詩崖邊影婚照

1 : GS(14)@2017-04-14 11:12:52

■孫耀威被踢爆喺墨爾本大洋路影婚照,仍堅稱未定實結婚。讀者提供圖片



【爆相爆片】身為教徒嘅44歲孫耀威同36歲陳美詩(Macy)拍拖8年,早前被《蘋果》踢爆計劃今年結婚,當時老孫仍堅稱:「未定呀。」Macy仲話:「冇收到風喎。」前日佢哋現身墨爾本影結婚相,被讀者蘇小姐透過「爆相爆片」捕獲。讀者蘇小姐表示,前日喺墨爾本大洋路遇見孫耀威影結婚相,老孫着灰色西裝打黑煲呔襯黑西褲,相信佢係着自家品牌禮服,準新娘Macy就着粉紅色大傘裙,佢哋都冇乜表情,唔知係咪影咗好耐有啲攰。佢哋喺當地著名景點Loch Ard Gorge取景,老孫拖住Macy企喺壯麗崖邊,腳下係波濤洶湧嘅藍綠色大海。



■孫耀威同陳美詩拍拖8年,終於畀女友一個名份。資料圖片

「多謝大家關心」


一直唔認結婚嘅老孫,之後喺社交網貼着白恤衫打黑煲呔嘅禮服相,留言:「今天我演的是一個bartender!期待遇上一個美女客人。」對於被爆影結婚相,老孫噚日以短訊回覆:「哈哈!多謝大家關心!因為真係未定實呢,我來澳洲,其中主要原因是要出席一個慈善活動的,影相……其次啦。等我回香港再講啦!如定了甚麼會再公佈的。」




來源: http://hk.apple.nextmedia.com/entertainment/art/20170414/19989566
PermaLink: https://articles.zkiz.com/?id=330551

陳美詩拍旅遊特輯炒車孫耀威為女友炮轟無綫

1 : GS(14)@2017-04-14 11:12:52

44歲嘅孫耀威1992年入行至今,身邊不乏女伴,當中包括:鄭家榆、應采兒、楊秀惠等,直至08年,孫耀威幫大台拍《Click入黃金屋》識咗同劇嘅陳美詩,之後仲拍埋拖,一拍就拍咗8年。而陳美詩喺2013年同大台約滿之後就專心做孫耀威背後嘅女人,拍拖多年非常恩愛,不時被影到同男友拍拖返教會,男友開舖做老闆陳美詩幫男友做助手,早前佢哋仲孖公仔現身馬場。不過講到佢哋嘅恩愛事件,不得不提2011年陳美詩同朱慧敏去冲繩為無綫拍攝旅遊特輯,自駕時因為天雨路滑跣胎發生車禍,汽車失事翻側,而事件發生之後,男友孫耀威即刻喺微博炮轟無綫刻薄,而女友事後亦都好冧咁話男友man。




來源: http://hk.apple.nextmedia.com/entertainment/art/20170414/19989744
PermaLink: https://articles.zkiz.com/?id=330552

孫耀威遇險 美詩死守

1 : GS(14)@2017-05-14 10:51:03

孫耀威和陳美詩之前在美國註冊,一直秘而不宣,日前他們接受周刊訪問,分享拍拖的生死戀。文中老孫憶述,有一次做紅酒投資,被拍檔挾持,除了價值六百多萬的紅酒被沒收,還勒索他幾百萬贖金換取人生安全,老孫怕被綁架和考慮到陳美詩的安全,故用錢解決。但是當時在場的陳美詩,被老孫勸退,她卻死都不肯走,由此可見,她對老孫一往情深。




來源: http://hk.apple.nextmedia.com/entertainment/art/20170514/20020499
PermaLink: https://articles.zkiz.com/?id=332982

孫耀威陳美詩明日行禮

1 : GS(14)@2017-07-29 03:40:49

■孫耀威與陳美詩已於美國註冊,明日在香港佑寧堂行禮。資料圖片



教徒孫耀威和陳美詩今年4月被爆到墨爾本影婚照,當時兩人仍不認結婚,其後老孫簽約星娛樂才自爆已於美國註冊,他昨在社交網宣佈明天假香港佑寧堂舉行婚禮,正式步入愛的故事完結篇:「我將會和美詩在上帝面前舉行婚禮儀式。UNION CHURCH是我在香港的第一個教會,我有很多回憶在那裏,這次慶幸能在她被拆建前舉行我的婚禮,真的非常感恩!」老孫指因佑寧堂地方不大,主要邀請親友。兄弟團則有莊家彬、鄺文珣丈夫應德榮、薛世恆、林新健;姊妹團包括李亞男、鄺文珣、王君馨、陳佩思。



■孫耀威慶幸在佑寧堂重建前舉行婚禮儀式。資料圖片

位於堅尼地道的佑寧堂有逾60年歷史,今年3月古諮會將其評級為三級歷史建築,5月教會跟發展商恒基合作,重建後有教堂、幼稚園和住宅。撰文:皓騫




來源: http://hk.apple.nextmedia.com/entertainment/art/20170728/20103820
PermaLink: https://articles.zkiz.com/?id=339051

新婚陳美詩搵靚仔親熱

1 : GS(14)@2017-08-06 11:39:05

新婚人妻陳美詩昨日到新城宣傳新歌,她得老公孫耀威支持,剪了一頭短髮,以新形象示人。她表示自己忙於工作時,老公卻在嘆世界:「佢呢段時間放假,我做嘢佢自己度蜜月,放狗又去happy hour,好招積喺我做嘢時send相畀我睇,叫我放心專心工作。」她預計要等到二人各自完成工作後,才可補度蜜月。兩公婆也是唱家班,陳美詩指二人可以計劃做合唱歌,亦打算新歌找老公做MV導演,她說:「佢又鍾意拍嘢,想搵佢做導演,我會要求搵個大隻靚仔做男主角,仲要安排有親密場面。」她笑言老公要無限量支持自己,而且不收酬勞。採訪、攝影:王連連




來源: http://hk.apple.nextmedia.com/entertainment/art/20170805/20111821
PermaLink: https://articles.zkiz.com/?id=339791

Next Page

ZKIZ Archives @ 2019