AV葵司接死亡恐嚇阿澤：嚟香港
1 :
GS(14)@2016-06-06 03:03:11■杜汶澤前年與葵司拍《3D豪情》。資料圖片
日本AV女優葵司曾與杜汶澤合作拍港產片《3D豪情》，近日她在Twitter收到狂迷死亡恐嚇。近年日本偶像遇襲情況嚴重，繼AKB48成員川榮李奈和入山杏奈被斬後，上月有狂徒向女歌手富田真由狂斬20多刀昏迷。
■上圍擁33E的葵司，現為性感女團惠比壽麝香葡萄成員。資料圖片
現為性感女團惠比壽麝香葡萄成員的葵司，昨公開有人以「死神」之名留言，問她是否想重演富田真由被斬事件，恐嚇她要引退返鄉，葵司已獲粉絲代報警求助。阿澤昨在電話中謂好恐怖：「記得呢個女仔，佢除咗拍AV之外，對演戲都好有興趣，如果覺得日本有危險，可以嚟香港發展大把機會。不幸中大幸係預告襲擊，可以有防備。」採訪：李森
來源:
http://hk.apple.nextmedia.com/entertainment/art/20160602/19637235
松本潤媾AV女優劈腿葵司送上門 要求的士津貼
1 :
GS(14)@2016-12-30 02:58:07■現年26歲的AV女優葵司，本月被指三度出入松本潤寓所。
形象健康的日本尊尼組合嵐成員松本潤，被今期《週刊文春》雜誌踢爆，瞞拍拖11年的《花樣男子》女主角井上真央劈腿四年，小三更是曾夥杜汶澤合演港產片《3D豪情》的26歲AV女優葵司，報道指松本潤曾威脅葵司，如繼續追問有關井上真央的事就會大開殺戒。33歲的松本潤11年前於日劇《花樣男子》中飾演道明寺一角，跟演杉菜的29歲井上真央戲假情真，多年來被觀眾視為最佳螢幕情侶，更多次傳出婚訊，不過隨住雜誌爆料，戀情遇到重大考驗。松本潤被爆一腳踏兩船，早於2012年12月出席大前輩中村勘三郎喪禮時認識葵司，雖然當時在鏡頭前受訪的松本潤眼泛淚光，不過轉個頭就向同場的葵司「抄牌」索電話，而當日松本潤未知女方是AV女優，直到翌月看電視才得知葵司是圈中人。據報道，葵司搭上松本潤後，一直只到男方寓所享受二人世界，葵司閨蜜指松本潤隱瞞同時秘戀井上真央一事，當葵司於網上發現松本潤與井上的戀聞時即向男友求證，但松本潤反應極大：「就是這樣，再問我就殺了你！」其間葵司仍跟松本潤藕斷絲連，直至去年，由於每星期松本潤都要求葵司送上門，女方曾要求津貼的士錢，不過松本潤竟說：「我們之間的感情並不是用金錢來衡量。」葵司的精神狀態一度爆煲，並主動提出分手，但最終松本潤又利用冧功，於三個月後成功箍煲，葵司本月仍被影到三度出入男方寓所。
■據知松本潤是於中村勘三郎的喪禮上認識葵司。
■松本潤和井上真央11年前合作《花樣男子》時戲假情真。
■葵司曾夥杜汶澤合演港產片《3D豪情》。
壓軸亮相《紅白》
對於松本潤劈腿AV女優，網民反應兩極，有人鬧松本潤冇本心，瞞正印偷食四年，有網民就估計他和井上將會分手收場。亦有男網民大讚松本潤有眼光，識得偷食AV女優。後日舉行的《紅白歌唱大賽》，嵐將壓軸登場，未知松本潤會否親自為劈腿解畫？撰文：哥羅
來源:
http://hk.apple.nextmedia.com/entertainment/art/20161229/19879472
井上真央疑怒斬11年情 松本潤Fans圍剿葵司
1 :
GS(14)@2017-01-07 07:08:11日本男子組合嵐嘅33歲成員松本潤，上月底被《週刊文春》爆佢背住拍拖11年嘅《花樣男子》女主角井上真央劈腿四年，第三者更係唔少男士都為之心動嘅AV女優葵司，更被拍得葵司多次到訪松本潤寓所送外賣。消息近日曝光後成為熱話，唔少男士都大讚松本潤「識食」，但緋聞就刺激一班松本潤粉絲，連日來紛紛到葵司嘅twitter留言炮轟，搞到當事人至今都未敢蒲頭。隨住SMAP已經解散，尊尼事務所惟有靠晒嵐擔起全公司，對於呢宗嗒AV女優逾四年嘅報道，一於採取扮冇嘢嘅態度。對於正印井上真央一直蒙在鼓裡，估計佢得知消息定必大受打擊，有報道指二人可能已經分手，令傳出多年嘅兩人婚事也要告吹，反而令唔想嵐成員娶妻嘅尊尼事務所更加得益。
來源:
http://hk.apple.nextmedia.com/entertainment/art/20170107/19889380
誤提松本潤被鬧爆小三葵司關閉twitter
1 :
GS(14)@2017-02-08 22:31:37日本尊尼組合嵐成員松本潤上年12月底，被爆背住拍拖11年嘅《花樣男子》女主角井上真央，同AV女優葵司劈腿4年，女方被拍得多次到訪其屋企送外賣，松本潤同時又被揭暗嗒另一人氣AV女優上原亞衣。松本潤事後未有受醜聞影響工作如常，反觀當小三嘅葵司遭松本潤粉絲喺Twitter留言狂轟，一直都唔敢蒲頭，直至上月17號佢終於再更新Twitter，指會重新出發。其實上個月出版嘅一期雜誌Friday就刊出葵司嘅露點相，仲以「松本潤對象」嚟形容葵司，即被鬧爆佢博宣傳。而喺佢重開Twitter後，曾經兩度轉載網民讚井上真央、葵司唔會爭贏嘅留言，雖然葵司之後話係錯誤轉載，但外界都認為佢故意再消費與松本潤嘅緋聞，鬧爆佢嘅聲音未有停止。葵司終於喺本月1日再留言話：「雖然對任何說話都已視而不見，但目前少少事都能觸動到他們的神經，對這班人來說我關了Twitter會感到痛快嗎。」葵司又話每日比人鬧，就算唔太在意，都會停留喺腦海入面，而佢終於喺日前索性關閉咗Twitter。
來源:
http://hk.apple.nextmedia.com/entertainment/art/20170208/19921678
Next Page