日圓試7算又升過！唱Yen要快定係要忍？
1 :
GS(14)@2017-02-08 22:11:22日圓滙價近期轉強，昨早曾見6.9510的去年12月以來高位，較1月初低位6.5算回升6%！如果錯失之前6.6算低位，再喺日圓突破6.8算、確認升勢重拾之際，錯失埋良機，去到目前6.93算，究竟點好？橫豎都差不多7算心理關口，不妨博7算有阻力回落，然後才唱錢，因為7算上升阻力不小。7算阻力有幾大？第一，整數位本來係重大心理關口；第二，呢個位亦係2016年1月至5月嘅密集阻力區及支持區，反映日圓好友往往喺升至7算就停一停、諗一諗，正所謂「有糊唔食、罪大惡極」，總有日圓好友於7算左右選擇獲利，因此博日圓上7算然後《蘋果日報》即時新聞大字標題嗌咪時，隨時會出現回吐，到時睇回吐到乜嘢位先唱yen亦未遲。
來源:
http://hk.apple.nextmedia.com/financeestate/art/20170208/19921699