📖 ZKIZ Archives

家長愛直資 左丁山

2010-12-09  AD



 

審計署痛批直資 學校，令好多人認為直資學校管理一塌糊塗，浪費公帑，人人得以誅之。評論員盧子健嘅立場素來中間偏左，認為直資學校理念係右傾思想之延伸，應該重新檢視。 傾左思想人物之所謂檢討、檢視，離不了加強監管又監管，盲目迷信政府監管能力，更誤以為得把口嘅議員可以指導教育運作。實則教育局官員已經有太多監管工作 要做。例如管教改、管課程、管教師校長升遷、管學校維修、掌控課本審核大權，仲要管埋課本售價（表面不理，背後施壓），總之全港學校嘅事情，不分大小，教 育局都有權管，就因為管得太多，如趙丹所言：「管得太死沒希望」，前教育局雙星李國章與羅范椒芬先至推行直資學校，希望為管得太死嘅社會主義辦學政策，稍 為鬆綁，給香港教育帶來新希望。

審計署批評直資學校之要點，大都並非原則性，而是行政技術問題。除咗真道書院竟可委託校長買樓作教師宿舍， 比較離譜之外，其他審計署眼中之缺失，係好容易改正嘅啫，如果因此而提到盧子健眼中之「右傾思想之延伸」，實在比較誇張，可能係左傾知識分子對直資學校之 出現，心有不甘，想藉審計署之報告，乘機反撲。

盧子健認為應該加強監管，左丁山就認為應該更加放寬，為廣大學子着想，推行學券制，讓清貧學 生憑學券叩門，進入直資學校。左傾精英每每以為思想高人一等，可以憑中央規劃、策劃就解決教育及貧富問題，實則市民集體智慧先至反映市場現實，譬如直資學 校最近俾人鬧到一面屁，家長卻不以為然，直資學校仍然大受歡迎，賴理審計署講乜。黃竹坑嘅港大同學會書院在上星期六舉行中一收生簡介會，就有五百名家長出 席，一位家長對記者講，「作為家長只看成績」，會考慮埋真道書院o忝！港大同學會書院校監李黃眉波話該校在2012年先至有第一屆畢業生，故此校董會內無 校友代表，審計署點解唔知道，就批評呢？可算笑話一宗。孫明揚局長在立法會講，佢對直資學校冇牙力。真好彩，佢有牙力嘅話，直資學校與一般津貼學校有乜唔 同？


PermaLink: https://articles.zkiz.com/?id=20068

直資為收生 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130610/18290995

地產Ｌ請吃飯，到文華扒房，點解要從九龍走過嚟去文華鋸扒呢？原來金融Ｃ在此吃慣午飯，請埋佢咯喎，文華扒房就係最佳地點。我地乘機問金融Ｃ，商交所單嘢點搞，佢只話冇得搞，張震遠要問到詹培忠私人借八百萬，顯見已係好desperate（絕望），商交所可能向金融機構撲水不成先至會咁樣做嘅啫。最近報紙報導，引述接近港鐵嘅消息人士，港鐵在商交所出事之前，已接政府通知，張炳良提議，接納張震遠為非執董。好彩港鐵還未開AGM，張震遠已經成為新聞人物，否則港鐵董事會諸公咪冇晒面子，公司管治原則蕩然無存？港鐵今次一額汗避過一次風波，算主席錢果豐還有運氣，不過佢就快任滿，唔知邊位會代替佢呢？據一啲專欄報導，原來梁先生係想請張震遠做非執董，等錢果豐退休嘅，到時港鐵咪會有一位張主席囉！
講完張震遠。我地三個人點嘅主菜都係羊肉，咬落去有啲韌，唔夠爽，同是文華東方集團，置地文華嘅Amber顯然比文華扒房勝一籌，如果俾左丁山揀，幾時都係去Amber好一啲。張震遠已是歷史，不談也罷。地產Ｌ話佢與幾位老友嘅千金都係聖士提反女校畢業生，現已成為律師、醫生等等，家長對聖士提反女校相當滿意，何解要轉為直資學校呢？以左丁山接觸咁多教育界人士得到嘅消息，傳統名校受限於學校網派位制，例如聖士提反女校屬中西區校網，收生來源限於中西區，中西區係老區，學童數目幾難增長，久而久之，收生質素好難保證，變成學生質素參差不齊，一啲根本難以即時接受英語教學，唔通開中文班咩，咪失去英中金漆招牌，變成中中？改制為直資，學生可來自全港各區，選擇立即大增，唔好唔收，包保唔會變成band2學校。轉直資乃傳統名校對抗學生分區抽籤派位制度嘅最後方法，聖公會屬下名校（聖保羅男女、男女拔）皆用此策略，點解天主教會學校如華仁、喇沙、瑪利諾、瑪利曼、聖瑪利又唔轉直資？此則非吾所知也，只知道華仁成功推動小班教學，拔尖補底，教育局不予撥款就由袁天凡等著名校友籌款億幾元嚟頂住，呢點並非其他學校可以學習得到嘅！


PermaLink: https://articles.zkiz.com/?id=59499

直資中華基金中學加學費20%

1 : GS(14)@2016-09-09 05:19:33

【本報訊】新學年加風再現，教育局昨公佈批准124間本地私立、國際學校及直資學校本學年加學費，當中約2成加幅逾7%。中華基金中學及勞工子弟中學加幅達2成，冠絕直資學界；協同國際學校亦加學費達23%。


男拔加6.7%

教育局完成私立及直資學校本學年學費調整申請，截至上月31日，當局收到39份直資學校申請，當中33份加幅不多於7%。45份本地私校和41份國際學校申請，共67份申請加學費不多於7%，其中一間加幅逾20%。另有一間私立中學申請減學費一至兩成。本報翻查各校收費證明書，發現部份直資學校加幅極大。港島東中華基金中學中一至中三學費由13,000元加至15,600元；中四至中六學費由17,300元加至20,800元，加幅達20%；九龍城勞工子弟中學初中及高中學費分別為3,060元及7,540元，加幅也達20%。深水埗聖瑪加利男女英文中小學高中學費升幅逾15%，中五學費更激增23.1%至34,710元。


多間直資名校亦全校加學費，赤柱聖士提反書院加至64,500元，增幅6.8%；拔萃男書院則加2,900元至每年45,900元，增幅與去年相同，均是6.7%。直資小學當中，元朗基督教香港信義會宏信書院則加學費約12.5%。國際學校方面，九龍塘協同國際學校早前獲批學費介乎113,500元至121,200元，加幅18%至23%。法國國際學校所有級別一律加8%。東區家長教師會聯會主席趙明批評直資私校連年加價，「中產都未必讀到，係咪第時富豪先讀得？都要平衡吓，政府有責任守住個龍門」。趙明指教育局負責審批加價，應向家長解釋其審批理據。■記者蕭洛汶




來源: http://hk.apple.nextmedia.com/news/art/20160909/19765315
PermaLink: https://articles.zkiz.com/?id=308259
Next Page
ZKIZ Archives @ 2019