26歲有10億身家超盈開公司做女強人
1 :
GS(14)@2016-10-24 04:20:53賭王四太梁安琪最近買咗四個4千呎單位，一個單位大約三億左右，送畀佢26歲大女超盈同17歲孻女超欣，話要畀兩個女學吓投資。超盈忽然間進賬有6億資產，其實四太喺13年底，四太已經將旗下三個喺南灣道華景園豪宅物業單位，轉讓畀超盈，即係計計埋埋超盈o依家已有8億物業揸手，加埋開咗一間超盈文化公司搞藝術文化推廣生意，，佢舊年11月0係北京用咗6900萬人仔投得吳冠中名畫，轉頭已升值唔少，顯得有投資眼光。之後又同保利文化集團旗下嘅保利香港拍賣有限公司合作成立「保利澳門拍賣有限公司」做CEO，實行學阿媽做商界女強人，今年1月第一次搞拍賣已經有2億4千萬嘅拍賣成交，成績相當唔錯，計埋佢公司股份，加父母送畀佢珠寶首飾，啱啱9月先26歲生日嘅超盈，保守估計佢有10億身家，真係城中富二代小富婆。睇返超盈嘅ig，就冇特別提佢四太阿媽買豪宅呢單嘢，最近更就喺幫南韓政府搞文化，做咗佢哋文化大使，見佢喺活動貼同韓國駐港領使同埋韓星男子組合M.A.P6合照相。
來源:
http://hk.apple.nextmedia.com/entertainment/art/20161023/19809816