指梁特第一時間支持
1 :
GS(14)@2017-01-07 07:05:34【本報訊】西九建故宮博物館，林鄭月娥連日來被指自把自為、黑箱作業。她昨將矛頭轉移至特首梁振英，指西九建故宮博物館，行政長官是第一時間支持及倡議，「呢件咁重要嘅事，唔可能係政務司司長一個人，無論以司長或者董事局主席身份可以做，第一時間支持倡議做呢件事一定係行政長官，同中央做建議、寫文件，都唔係我可以交到去中央，係經過行政長官同意及支持」。《蘋果》昨向特首辦查詢，至截稿前未獲回覆。
認直接聘嚴迅奇做法特殊
港版故宮沒有公開招標下，直接聘任嚴迅奇設計，會計界立法會議員梁繼昌質疑做法，又指本港具經驗及資歷的建築師「大有人在」。林鄭月娥承認，直接委任的做法特殊，指建博物館「真係一啲都唔簡單」，若跟從一般程序招標，需要花長時間處理，無可能在2022年開館。她更一邊冷笑反問梁繼昌，「咁如果你睇睇本地嘅建築師，我都希望聽下梁議員講話『大有人在』，（有邊個）本地建築師起過成間大型博物館嘅大有人在，請梁議員同我分享下。」林鄭強調不少建築界人士盼有本地建築師操刀大型項目，強調嚴迅奇曾處理兩個大型的博物館設計，包括廣東及雲南省博物館並獲獎；又指他了解西九規劃及喜愛中華藝術，「所以董事局覺得有充份理據，今次採取直接委任方式設計」。建築、測量、都市規劃及園境界功能界別立法會議員姚松炎斥責林鄭侮辱本地建築師，並要求她解釋按甚麼邏輯認為本港無比嚴迅奇更適合負責設計西九故宮的建築師。他指西九戲曲中心便是出自呂元祥建築師事務所，「唔通佢要否定呢個唔係傑出建築師？」■記者譚靜雯
來源:
http://hk.apple.nextmedia.com/news/art/20170107/19889079