的士佬輸500萬欠巨債炒燶股 跳樓亡
1 :
GS(14)@2011-09-21 07:52:29http://m.sharpdaily.hk/detail.ph ... 4104&category=daily
【本報訊】股市大瀉「搞出人命」。的士車主兼司機的明哥,今年初將的士連牌照賣掉,拿着500多萬元全職炒股,過去大半年斬獲甚豐,可是近月股市逆轉令他損手輸凸欠下巨債,昨終窮途末路在馬鞍山寓所跳樓身亡。
明哥炒股損手欠下巨債,昨由馬鞍山寓所跳下身亡。
死者徐明(56歲),家住馬鞍山富寶花園11座一單位,育一子一女。明哥早年購入的士牌照當上車主,自己亦兼做夜更司機,他平日不煙不酒,每日跑步健身,生活無憂。去年太太癌病去世,明哥大受打擊。
明哥兒子(左二)認屍時悲慟痛哭,呼喚「點解你要咁做」。
過去大半年斬獲豐
今年初,的士牌價炒至510萬元歷史高位,明哥「天價」售出手上的士連牌照獲利500多萬元,他隨即把所有積蓄及資金投入股市,不久,他便順風順水斬獲不少,但近月股市狂瀉,明哥不但輸掉500多萬元老本,更輸入肉倒欠巨債,近日顯得十分苦惱。
昨晨9時許,明哥趁家人外出,由21樓寓所越窗跳下直墮地面,當場頭爆肢折慘死。兒子接報趕至,年內先後痛失雙親,認屍時悲慟痛哭,呼喚:「點解你要咁做!」其後由警員攙扶離開。
散戶入市要三思
【本報訊】股市動盪,不少散戶由富變貧。獨立股評人胡孟青表示,恒指由今年初23,000幾點跌至現時的 19,000幾點,很多股份已輪流見頂,現時是大戶主導大市,散戶入市前一定要三思,「家陣個市係插水加散水,啲乜神物神旗下嘅基金面對龐大嘅贖回,大戶 沽貨唔係人咁品,處於被動嘅散戶又點夠大戶玩呢」!
除了昨日一名的士車主因炒燶股跳樓自殺身亡外,上周六輔警蕭玉榮亦因炒「孖展」爆倉,碌爆多張信用卡欠下周身債後,終走上吞槍自轟絕路。
2 :
草帽(1253)@2011-09-21 09:19:34好似開始黎料喎, 如果個市彈都唔彈下死既人會越黎越多.
3 :
a22s(16719)@2011-09-21 09:40:19可惜, rest in peace
事事留一線, 日後好相見, 何必博甘盡呢
4 :
如詩之山(2344)@2011-09-21 10:36:41佢既一對仔女唔知幾歲呢? 一年內父母走曬真係好大打擊, 未有經濟能力的話重徬徨..
所以冇正職真係唔好借錢炒股, 無得翻身.
5 :
a22s(16719)@2011-09-21 11:00:12我覺得timing is everything, 全職炒股既人有時會未加思考, 值博率唔高時都會無厘頭入市(可能因為悶), 大升市你咪ok羅, 個市落緊你又頻繁交易咪十賭九輸羅
6 :
游浪潮(3792)@2011-09-21 13:27:52每逢漫長跌市總有人做小飛俠,絕望呀
上次有一位炒 276 輸光自殺...
7 :
龍生(798)@2011-09-21 13:45:07本人將來的寫照
真是一個男子漢, 既己終身無望, 留生命何用?
RIP!!
8 :
游浪潮(3792)@2011-09-21 13:49:57咪玩啦龍兄,你自己就係最重要既資產,幾多炒家都係無晒再黎過?
小弟都快無得剩,如果再咁落去,就谷鬼氣平倉,提錢買紅酒食雪茄嘆大餐先,等個人開心返先再唸計﹗
9 :
龍生(798)@2011-09-21 13:52:52睇下有冇欠債啦....
10 :
游浪潮(3792)@2011-09-21 13:57:03哈,我現在也欠不少﹗
初出道時試過炒 728 孖 200%,然後急回,成副身家蒸發,連借既都蒸發晒
結果咪走去五星級酒店食餐好既,然後再度下計仔囉
如果你有本事借得多先勁啦﹗3333 條友先夠梟雄,借到一街係數,跟手金融海嘯,佢又上唔到市,然後係 d 銀行家坐在佢公司等開會,佢自己就出去打完 golf 再返黎應酬你地﹗
11 :
草帽(1253)@2011-09-21 13:58:06其實個的士佬可能一早巳了無生趣, 老婆死左, 仔女大晒, 50幾歲賣左個的士牌去炒衍生工具巳經夠怪. 講真將來我都唔敢講會唔會咁.
12 :
GS(14)@2011-09-21 21:44:05晴報同經濟又第二個講法,佢醫老婆個病花了不少錢...但可能佢老婆死了,刺激他作進一步的過份行為...唉
13 :
GS(14)@2011-09-21 21:44:12RIP...
14 :
GS(14)@2011-09-21 21:44:31我都驚未來同佢下場一樣,但真是唔好
15 :
游浪潮(3792)@2011-09-21 21:46:32小弟覺得湯大你好難有咁既下場…似乎你在注碼上控制得十分好
16 :
GS(14)@2011-09-21 21:47:44都輸到死死下,迫住斬,但最少現在現金水平都OK,連我自己都覺得保守,今日賣埋隻東方,過兩日賣埋少少,剩番就賺番來的,套番D現金計數算
17 :
游浪潮(3792)@2011-09-21 21:53:18小弟之前孖重,但因為買的股十分抗跌,才沒有重傷...
呢兩個月…繼續係且戰且走,但個倉都仲未到淨現金水平
18 :
GS(14)@2011-09-21 21:54:19我一定唔會孖,好難有好心理質素
19 :
游浪潮(3792)@2011-09-21 21:57:28小弟相反,孖左先精神,不過真係要計好數囉,過盡的話,一個浪打埋黎就一無所有
20 :
GS(14)@2011-09-21 21:58:08我最驚就是欠人錢無錢還
21 :
龍生(798)@2011-09-21 22:26:07是呀, 所以才是本人將來寫照嘛
羅鈞滿炒窩輪欠巨債 他會唔會求助RF巴打呢?
1 :
GS(14)@2013-07-23 00:10:56http://hk.apple.nextmedia.com/entertainment/art/20130721/18342285
羅鈞滿近日接受周刊訪問,他透露想4年內迎娶新聞小花張文采,組織幸福小家庭。羅鈞滿又表示在05年時,曾在歌唱比賽中奪冠,可惜沒有唱片公司對他垂青,於是他決定大學畢業後投身金融界,結果他因炒窩輪、期指等而欠債幾十萬,他表示當時不敢告知家人,而險些借大耳窿,最後到了絕境時,惟有向家人求助,而家人亦伸出援手為他還債。
2 :
GS(14)@2013-07-23 00:11:40http://hk.apple.nextmedia.com/entertainment/art/20130722/18343222
羅鈞滿於2009年參加無綫第23期藝員訓練班,畢業後簽約成為旗下藝人,
翌年即在台慶抽中一百萬獎金獎品,成為首位加入無綫後最短時間抽中大獎的藝人。作為三、四線藝人的羅鈞滿,曾參與不少劇集演出,最先令人留下印象的是在《點解阿Sir係阿Sir》的「囂屎」一角,之後他在劇集《天與地》飾演年輕版鼓佬,可算是暫時的代表作。不過,他最為人津津樂道的,相信是與新聞小花張文采(圖右)拍拖,在張文采與另一小花黃紫盈爭上位時,他更在微博留言力撐女友。
3 :
GS(14)@2013-07-23 00:12:25http://hk.apple.nextmedia.com/en ... t/20130722/18343218
無綫人氣節目《星夢傳奇》造就了高分王鄭俊弘人氣急升,帶挈他上位兼有不少搵真銀機會,陣中的羅鈞滿在前晚錄影一集比賽中,僅以一分之差輸給鄭俊弘,僅僅輸馬鼻!曾自爆欠債數十萬的羅鈞滿,揚言四年內迎娶新聞之花女友張文采,現正發憤爭取成另一高分王儲老婆本。至於處女參賽的王君馨則借來六萬元靚衫,輕鬆將騎呢古裝look的何傲兒踢出局。
無綫《星夢傳奇》前晚錄影第四集,賽事搞搞新意思,參賽藝員邀請一位朋友做拍檔,以合唱形式進行比賽,今集有王君馨、「鬼妹」陳明恩加入組成一隊合唱《Amazing Grace》,而連續三集最高分的鄭俊弘,搵來「豹哥」單立文合唱披頭四的《If I Fell》,在比賽中一直表現平穩的羅鈞滿,則與《天與地》兄弟楊潮凱合唱草蜢的《我們都是這樣失戀的》,何傲兒則請來敖嘉年合唱林子祥、葉蒨文的《選擇》。
本已是高分王的鄭俊弘,再請來前輩歌手豹哥單立文助陣,贏面即時大增,惟最後只以一分之微僅贏羅鈞滿,而且羅鈞滿在評判的評分中,比鄭俊弘還高,二人可謂叮噹馬頭!前晚鄭俊弘拍住豹哥唱慢板英文歌,有別前幾集激情表演,但效果未算理想,分別獲評判的83分及觀眾88分,合共171分,而羅鈞滿與楊潮凱合唱草蜢的《我們都是這樣失戀的》則獲評判86分、觀眾84分,合共170分,鄭俊弘僅以一分之差贏羅鈞滿,繼續成為最高分參賽者。不過回顧第一集,羅鈞滿只獲評判81分,鄭俊弘則有88分,在羅鈞滿發憤急起直追下,二人距離已收窄。
羅以鄭為目標
羅鈞滿昨日接受訪問時坦言,為女友張文采努力向上,他說:「一定以鄭俊弘為目標啦!我總分仲係低過佢!」二人之間雖有競爭性,但羅鈞滿強調不會影響兄弟情,且看到鄭俊弘有今日成績,也戥對方開心,是否也想如鄭俊弘般有更多工作、搵錢機會?羅鈞滿說:「其實我已經好好彩,入無綫後拍咗好幾部劇。」至於他年前炒窩輪、期指欠下數十萬元債,羅鈞滿未有正面回答是否已還清:「而家OK嘅,多得屋企人幫手,又中過啲台慶獎幫補吓,總之而家有畀家用啦!」
提到曾揚言四年後迎娶女友張文采,已跟女友有共識的羅鈞滿即嚴肅地說:「我今年29歲,所以希望四、五年內可以結婚,我仲係七線咋!」曾經投資損手的羅鈞滿承認正努力儲老婆本,且不會再作高風險投資及賭博,只作穩陣長線投資。
至於獲豹哥相助的鄭俊弘坦言,很感激對方百忙中抽空幫手,還一起捱眼瞓練歌,問到連續三集得最高分可感壓力?鄭俊弘說:「我唔諗分數,只想用歌聲打動觀眾。」力撐鄭俊弘的豹哥被取笑高手出場時說:「音樂冇分高低,係交流,鄭俊弘唱得偏向真誠,如太假發揮唔到,真誠唱觀眾會感受到。」豹哥表示曾找過鄭俊弘唱demo歌,讚他唱腔似鄭中基,除豹哥外,被out的梁烈唯也專程到場為鄭俊弘打氣。
採訪:何慧斯
攝影:陳俊強