茵媺陀第3胎陳豪：會畀老婆副偈唞吓
1 :
GS(14)@2015-11-02 00:08:26【三年抱三】■索爆人妻陳茵媺生完第二胎八個月，昨又宣佈第三度懷孕，三年抱三，生產力相當驚人。
陳豪近日不但開行turbo工作頴銀，原來更開行turbo跟老婆陳茵媺（Aimee）造人。今年2月才為陳豪生下二仔Nathan的Aimee，昨日又宣佈懷孕三個半月，三年抱三，雙陳生產力可謂極度驚人。Aimee昨日谷咪上陣出席活動，腰肢圓潤。至於三度一擊即中的陳豪，昨被讚勁力十足時鬼馬地以「hehe」回應，並笑說：「生完三個之後會畀佢副偈唞唞㗎啦。」
陳浩民早前宣佈太太蔣麗莎第四度懷孕，還以為他五年抱四最勤力，但原來一山還有一山高！34歲陳茵媺跟44歲陳豪結婚才兩年多，已三度懷孕，前年12月產下大仔Aiden陳梓燁的Aimee，今年2月再誕下二仔Nathan陳浩鋒，原以為她月前約滿無綫後全力湊B，但原來她又準備生第三胎，三年抱三，生產力極度驚人。
【追B成功】■陳豪與陳茵媺認兩個未夠數，所以繼續造人，成功製造第三B。資料圖片
【谷出巨咪】■懷孕三個半月的陳茵媺昨谷咪上陣，腰肢顯得十分圓潤。
【友人扶實】■上落樓梯時均由前經理人嘉莉小心扶實。
「三個夠喇，四個太攰」
昨日Aimee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動，身上佩戴過億鑽飾，閃爆全場，但最「爆」的，還是她宣佈第三度懷孕消息。Aimee昨上落台時均由前經理人嘉莉小心扶實，記者問她老公可有送她甚麼貴重禮物時，Aimee笑指兩個兒子，並大爆：「嚟緊就會有第三個！呢份係一份最大嘅禮物。有咗喇！三個半月！未知仔定女，仔女冇所謂，最緊要健康。」昨見Aimee腰肢圓潤，她指今次懷孕並非意外，自言跟老公都早已有共識生三個小朋友，並有預感今胎也是囝囝，她說：「因為阿Mo（陳豪）嗰邊都係三兄弟，我自己都有細佬，仔女都冇所謂，都係嗰句，好開心！」記者笑指她三年抱三豈非很辛苦時，Aimee則表現輕鬆說：「屋企已經有兩個小王子，加埋阿Mo有三個小王子，所以知道點照顧，多一個都冇問題。」三度懷孕的Aimee，不但不會推工作安胎，還揚言會繼續出席商場活動賺奶粉錢。Aimee今年8月舉家到蘇梅旅行，至上月到大馬與杜汶澤拍攝電影《開飯喇！》，當時又跑又拍通宵的她還未知道懷孕，直至拍攝完返港後才獲悉。問BB是否在蘇梅製造？Aimee表示未敢肯定，並說：「其實我同阿Mo係plan咗要三個小朋友，三個夠喇，四個太攰，而且我自己想繼續演戲。」
【狂影愛女】■陳茵媺父親昨日在活動上不停為愛女拍照。
【又係大馬】■陳茵媺前年在大馬拍攝劇集《單戀雙城》（左圖）時未知自己懷有第一胎身孕，豈料上月到大馬拍攝電影《開飯喇！》又是懵然不知懷有第三胎，還毫無顧忌喪跑（右圖）。
陳豪：多啲嚟密啲手
密密造密密生的陳豪，昨日透過WhatsApp回應本報說：「I'm rather happy to share this joyful news of ours to the public.（我很開心可以同大家分享喜訊）」記者笑指他「好勁」，陳豪即鬼馬回應「Hehe」，揚言會加倍努力搵奶粉錢。之後他再於電話分享喜悅說：「自己一直希望五年生三個小朋友，而家係快咗啲，比預期嚟早咗，但呢啲係上天賜畀我哋，多啲嚟密啲手囉！」問為何不讓老婆「副偈」唞唞時，他笑說：「趁佢後生快啲收工吖嘛，生完三個之後會畀佢副偈唞唞㗎啦。」今胎是否想生女？陳豪謂：「如果係女就固然好啦，但我同Aimee仔女都冇所謂。」採訪：譚倩宜、魯吉攝影：陳志嵐
來源:
http://hk.apple.nextmedia.com/entertainment/art/20151031/19354522
【「抄牌」實戰】男記者街頭扮搭訕 女生：彭于晏就可能會畀
1 :
GS(14)@2017-03-22 00:32:01香港原來不少女士都曾被男士搭訕。
外國不乏街頭搭訕片段，看來輕易就拿得女生電話，但香港竟有人教搭訕技巧？以「約會大師」自居、美國NGH註冊催眠治療師劉奇諾，約六年前創辦戀愛教室，打正旗號教溝女，四堂學費最高更達$12,800。他信奉「理論基於實踐」，把街上與女士搭訕的實戰情況拍片放上網。他指出，向女士搭訕必須在大直路上，令女士不能轉彎逃避。片中亦見，男士大膽向女士說出「埋身」原因：「我經過見到你幾cute，想過嚟同你傾幾句……」以此開場白，真的可如片中男士般，成功抄牌嗎？
我找來同事Henry，走到銅鑼灣鬧市，用同一開場白問問香港女生，看看成功率高低！事前Henry直言自己並不如片中男士厚面皮，亦認為這種搭訕開場白不易成功。「我咁大個仔，都未試過咁樣問人電話！平時行街，啲人同你連眼神都冇，點截停人！」拍攝期間，Henry感覺難以踏出第一步，街上女生亦多不願停下。四次出擊，只有一位女生反問Henry：「你係咪成日都咁樣，喺街問人電話？」然後就爽快交出電話號碼。記者興奮終於成功之際，該女生即向記者表示留電話是有特別原因，「我想畀個電話佢，等佢快啲走。」其他女生即直言，對陌生人畢竟會有戒心，太私人的資料如電話號碼是絕對不會交換的。話雖如此，但常言道「你的樣子如何，你的日子也必如何」，記者再追問幾位女生：搭訕成功與否，是否真的靚仔大晒？一位女生笑指，外表俊俏會讓人擔心是playboy，「踏實啲，個樣戇戇居居咁反而會work。」她更表示，戴方形眼鏡的會較圓眼鏡男生優勝。另外，有女生直言不論外表美醜都不會給他，因為不想事後有麻煩，「不過彭于晏就可能會畀。」別太灰心，她們同時分享了兩個成功經驗，或者也可供男士們參考……一：替女生拍照可以在生日會或聖誕party等場合，秘密替心儀女生拍照，然後問對方：「可唔可以要你電話，send張相畀你？」受訪女生指這樣她們會減低戒心，會爽快地交換電話。二：扮玩收集電話遊戲兩名女生不約而同，指曾在港鐵站遇到男生搭訕。「個男仔話自己玩緊game，要鬥快集齊十個電話號碼，差一個就成功。」該女生說雖然他樣子不算十分好看，但會因為想幫他完成任務而給他電話。「當時覺得佢唔係呃我嘅，都唔算係利用我好心，係你情我願嘅。」事實證明，心誠則靈，男士不用灰心！記者：黃凱婷攝影：黃子偉、伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
不過，她們說對陌生人有戒心，電話號碼實在太私人，絕對不會交換。
一位女生反問搭訕男士：「你係咪成日都喺街問人電話？」她表示覺得這種男士不好，給他電話只為打發他走。
她們笑指，靚仔會讓人擔心是playboy：「個樣戇戇居居咁反而會work，戴方形眼鏡都會好過圓眼鏡。」
這女生分享經歷：「有人話幫我影咗張相，問我電話send相畀我，我直接就畀咗佢。」面對這些情況，她說會減少戒心。
來源:
http://hk.apple.nextmedia.com/su ... t/20170320/19963543