📖 ZKIZ Archives

馬國明心穎撐枱腳：好正常

1 : GS(14)@2017-02-18 00:51:23

■馬國明與黃心穎近日經常孖住食飯睇戲。資料圖片



馬國明和黃心穎被本報讀者「爆相爆片」踢爆一齊睇戲，前晚黃心穎與C君拍外景時被叫「馬太」，原來馬國明上周三又再約黃心穎去銅鑼灣食飯。昨日有報道指馬國明和黃心穎拍拖已有一個月，上周三預祝馬國明生日兼提早過情人節，二人撐枱腳撐足兩小時，離開餐廳時，馬國明發現被追訪，即一臉尷尬，隨即趕快開車送女方返香閨。馬國明昨接受傳媒訪問時否認拍拖：「其實呢啲相喺早一兩個禮拜影，根本唔係乜嘢慶祝，朋友睇場戲，又或者食餐飯好正常。今年生日同情人節都喺工作中度過。」黃心穎則回覆：「哈哈，唔使恭喜，?家仲係了解中。」採訪：唐琛悠




來源: http://hk.apple.nextmedia.com/entertainment/art/20170217/19930694
PermaLink: https://articles.zkiz.com/?id=326744

拍拖斷正仲有得兜馬明心穎朋友止步？

1 : GS(14)@2017-05-27 08:54:27

張振朗同34D巨胸小花陳芷尤(Apple)歐遊拍拖斷正，只係低調回覆話：「我哋玩得好開心。」冇承認冇否認拍拖。咁密實，無非都係想保護愛苗之餘，唔想阻礙事業發展。羅天宇喺《愛．回家》搵到佢「好好嘅朋友」湯洛雯。佢哋兩個戲假情真，試過被發現食酸辣粉撐枱腳、拍拖睇傢俬、甚至到山頂行街，都強調只係「好好嘅朋友」，立場非常堅定。另外，極少傳出緋聞嘅馬國明，今年初被指同黃心穎撻着，拍拖一年。空穴來風，未必無因，馬國明同黃心穎除咗被大台安排做螢幕情侶，兩人私下都有約會，除咗有報道指馬國明同黃心穎豪食日本菜，仲被人見過幾次打孖睇戲。當然啦，兩人例牌否認拍拖，黃心穎話兩人仲係朋友，但就話相處舒服，咁究竟係咪馬國明未開口追求，就要問番佢哋先知喇。




來源: http://hk.apple.nextmedia.com/entertainment/art/20170527/20035147
PermaLink: https://articles.zkiz.com/?id=334203

【公開認愛】馬國明心穎直播耍花槍

1 : GS(14)@2017-08-18 09:49:39

現今藝人拍拖不會再收收埋埋，反而高調認愛，又可拍住拖情侶檔上陣搵真銀。


馬國明　黃心穎

出名是娛樂圈乖仔兼筍盤的馬國明，今年1月被爆和黃心穎拍拖，更傳是女追男，二人早前在無綫直播節目耍花槍。


鄭俊弘　何雁詩

何雁詩於今年4月初被爆和鄭俊弘拍拖，霸氣拖男友見記者認愛，雖然鄭俊弘死口不認背拍拖多年女友偷嗒何雁詩，但被封賤男的他工作量大降。


張振朗　陳芷尤

張振朗起初不認與陳芷尤拍拖，至最近被問到與李佳芯拍親熱戲時，張振朗才表示女友好善解人意，不會介意。



鄭嘉穎　陳凱琳

過往低調拍拖的鄭嘉穎，前年拍無綫劇《殭》時撻着陳凱琳，兩人愛得高調，陳凱琳直言希望婚後生兩個。




來源: http://hk.apple.nextmedia.com/entertainment/art/20170818/20124506
PermaLink: https://articles.zkiz.com/?id=340221
Next Page
ZKIZ Archives @ 2019