穆迪勁削盎格魯愛爾蘭銀行(Anglo Irish Bank)債務評級三個等級，令投資者情緒轉趨謹慎，雖然航空業、消費品生產業以及零售行業傳出的並購交易消息，亦支撐唔住金融股的跌勢。美股連續四周上 漲之後出現回檔，不過回調幅度有限，三大指數只係微跌0.5%，交投亦非常淡靜，紐約證交所成交只有9.2億股。
杜指全日波幅只有62點，最後一個小時由升轉跌。杜指收報10812點，跌48點；標普500指數挫7點，收1142點；納指跌11點，報2370點。杜指期貨最新報10751點，比現貨低水61點。
港股美國預託證券下跌，ADR港比指數收報22196點，比香港收市低144點或0.7%。匯控收80.99元，比香港低0.7%；中移動收80.09元，比香港低0.4%。
穆迪鰠美股開市前，宣佈將盎格魯愛爾蘭銀行的高級債務評級由“A3” 降至“Baa3”，一下子下調三級，而新評級的前景為“負面”，即未來可能進一步調降評級。穆迪還宣佈，將盎格魯愛爾蘭銀行持有的有期次級債務的評級一次 性下調六等，由“Ba1”直接降至“Caa1”，只差一級就到垃圾級別。新評級的前景也是“負面”。消息令歐元匯率明顯下滑，歐元兌美元由1.3486美 元跌至1.3468美元，而最新報1.343美元。歐洲股市受挫，三大主要股市下跌約0.5%。美國金融股受壓，美銀下跌2.7%，係表現最差鮋杜指成份 股，摩根大挫1.7%，跌幅榜排第三。不過呢鱓跌幅都算少啦，如果環球股市唔係在一個上升軌中，呢個降級消息可以令美股跌200點。
昨日可以講係併購狂熱日，不同行業的多家巨企都宣佈收購交易。股壇炒風四起，其中比較觸目鮋係航空公司。美國西南航空公司(Southwest Airlines) 宣佈以約14億美元收購AirTran Holdings，主力進攻亞特蘭大市場。投資者對呢項交易反應熱烈，AirTran Holdings股價更狂飆61%，西南航空勁升8.7%，係表現最好的標普500指數。受消息刺激，其他航空股普遍造好，其中JetBlue Airways 亦漲7.1%。Delta Air Lines就冇咁好運，因為主要業務在亞特蘭大，競爭將會大鰦，股價下挫2.7%。
零售業巨頭沃爾瑪(Walmart) 則股提出以近43億美元現金收購南非零售商Massmart Holdings的初步建議與非契約報價。但股價跌1.1%；另外，聯合利華宣佈已簽署了以37億美元現金收購Alberto Culver，以提高在護髮素在洗頭水市場的份額。收購價比上週五收市高出一成八，Alberto Culver股價亦急跳18%。收購用現金，而且收購價唔平，反映唔少美企水浸，要蹾使錢途徑。併購消息令股市維持熱度。
再講期權攻略，先睇纒網友loss_confidence的回應:「陸SIR: 你講得好有道理, 可惜好多人都有2大劣根性:
1) 貪念.........見有人賺大錢,賺快錢, 咪走去跟, 佢地跟本係盲俠, 多多唔夠死;
2) 自大.........呢類人唔係盲俠, 係叻仔(或自以為自己叻過其他人), 佢地明知結局係散戶輸多贏少, 但卻以為自己比其他人叻, 自己有眼光, 佢地相信自己叻過其他散戶, 所以明知開局唔公平, 自信靠技巧及眼光可以係一個唔公平既遊戲取勝....呢類人最可悲, 見人地贏錢會認為人地好運; 自己輸錢只會認為自己無運, 卻不會反省是否自己技不如人..........當然, 唔排除真係有叻仔可以係一個唔公平既遊戲取勝, 但現實係十中無一, 好多人硬要自大, 自認自己係個十個中既其中一個, 結果咪又係輸左賴無運氣, 搵藉口掩飾, 或是潛左水o羅.....」
先講貪念，在資本主義社會，入場炒作，有貪念無問題，正如米高德格拉斯在名片《華爾街》中說，「Greed is good!」(貪婪好呀!)，唔貪唔去炒，真正問題係貪婪加無知，而炒作的最大無知係以為好容易玩，好容易贏，有鰦好容易贏呢個印象，加埋貪婪，咁就好易死啦。貪婪要加求知，有動機追本尋源，研究各種炒作莊家贏錢的原理，才有成功的機會。
再 講自大，愈唔叻的人愈自大，炒十次，輸七、八次，輸時潛埋唔出聲，贏時高調大大聲，總的來說想俾人一個「炒股好叻」的印象，在朋輩中以「叻仔」自居，講纒 自己都信埋。炒作經驗最有價值是輸的那一部份，研究輸的原因，減少輸的機會，由十次輸八次減到七次、六次，至到十次輸四次，你已經可以有正回報，如果仲可 以輸時斬得快，贏時坐到盡，就可以有可觀回報。但如果你係「叻仔」，輸就話「輸錢只係無運」，信自己有眼光，我就寫包單你賭到六十歲都係輸，不斷將打工辛 辛苦苦的所得進貢俾莊家大戶。
講 番正題，上期講「正心」，話觀念要正，知道散戶玩衍生工具易輸。今日想「定位」，你唔好以為我講做好友定淡友，我其實想講揀定做買家定沽家。期權買家，風 險有限，輸哂就係你放落去的期權金，可以有刀仔鋸大樹的期望。期權沽家，風險無限，贏時只可以食哂人地買期權的期權金，但輸就可以輸無限咁多，只有原子彈 炸烏蠅的輕微快感。舉例說，期指現價22400點，你做期權買家花150點買入下月21400點的認沽期權，若下月底結算日前香港來一個股災，大跌4000點，咁你就發咯，執3000點，扣埋成本都賺2850點。但若果到下月底都無發生股災，股市即使跌都唔跌過1000點時，呢份認沽期權變成廢紙，期權沽家都只係執你150點期權金。這是以小博大、刀仔鋸大樹的遊戲，但在現實生活中，通常都係刀仔斷鰦居多。
以我的經驗，由於股市的波幅往往比股民估計的少，所以做期權沽家容易贏錢過期權買家，做沽家只要好好控制(或對沖)風險，沽出期權後，坐鰠度等時間值消耗，就可袋錢。你如果買窩輪(或牛熊證)，根本無得做沽家，因為只有發行商係沽家，買輪者只能做期權的買家。但期權卻是開放的，散戶可以做期權買家，亦可做期權沽家，但我所見，散戶都係懷著刀仔鋸大樹的心，做買家居多。
聽完找咁講，千祈唔好馬上跑去做期權沽家，你唔對沖去做沽家，萬一市朝對你不利的方向逆轉，都可以輸大錢，我只係話有對沖的大戶較易贏錢，唔係講老散。不過這裏也可以講兩個方法，可以做半個沽家。第一個是有貨沽期權。假設我手上有100萬股，基本上是長獱唔係幾想出入，就可以每次等大市跌後反彈1000點以上時，沽價外1000點的認購期權，例如大市早前跌到低位21000點，然後反彈到22000點時，你就沽價外1000點即23000點的下月認購期權，收100零、200點期權金，若到時大市升不到23000點，你就食哂呢筆期權金，若升過行使價，例如升到23500點，結算時你扣除收了的期權金要輸300幾點，你就同時把100萬元的現貨沽出，當時是23500點，你就當現貨在23000點出售，所以唔係輸，只係賣平鰦，然後等現貨回落到23000點樓下才買番(只要唔要求跌太低才買，買到的機會好大)。這種手法等如不斷沽期權，一年隨時沽到7、8次，大多數情況下都只是收期權金了事，少數例外沽埋現貨，但可以低位買番，都無事，夾埋收的期權金，一年可能等如有6至8厘息，成為持貨的額外收入(若你持有波動大的股份，沽股票期權一年有20、30厘收入是等閒事)。由於你有貨在手，不利時只是沽貨找數，所以也沒有無限風險。這種手法的風險是大市大幅向上時，你沽鰦貨可能買唔番，但呢種升到你唔信的情況，幾年才發生一次。明天再講另一個手法，買入「套期期權」。
陸羽仁