美國8月份個人收入及開支好過預期，加上強勁的中國製造業資料，推動美股上週五上漲。不過，由於9 月份美國供應管理學會製造業採購經理人指數升幅，雖然亦好過預期，但增長速度有下降趨勢，加上建造業數據差過預期，壓住大市升勢。
杜指及標普500 指數齊漲0.4%，杜指升42點，收10830點；標普500指數漲5點，報1146點；納指微升2點，收2371點。杜指期貨最新報10746點，比現 貨低水84點。杜指上周跌0.3%，標普500指數跌0.2%，納指跌0.4%，終結了連續四周的升勢。上個月，杜指總共上漲了7.7%，係1939年以 來表現最好的9月份。
港股美國預託證券收高，ADR港比指數收報22549點，比香港收市高191點或0.9%。匯控收80.43元，比香港高0.9%；中移動收80元，比香港高0.7%。
美國上週五公佈的經濟數據不俗，包括8 月消費者開支增長及個人所得增長，9月份消費者信心指數及製造業活動。至9月份止，美國製造業已經係連續第14個月增長。不過，增長步伐就有所放緩，較上 月下跌3.4%。這個數據亦為大市帶來一定的壓力。紐約聯邦儲備銀行行長William Dudley上週五表示，聯儲局差不多一定會為經美國濟進一步提供支撐，以確保經濟不會放慢復甦的腳步，不過他並未透露當局傾向於採取何種刺激措施。外界 估計聯儲局在明年第一季將推出第二輪量化寛鬆計劃，出新錢在市場購買債券，數量大約5000億至7000億美元。
中國製造業數據強勁，亦係推動美股上升的主要動力之一。中國9月採購經理人指數(PMI) 較上月大升4.1%至53.8，已經係連續19個月保持在擴張的狀態。全球主要工業國9月的PMI大多比8月下跌，唯獨中國上升，可見中國經濟真係唔差。
金融股係美股上升的動力。杜瓊斯金融指數上漲0.6%，其中摩根大通及美銀漲2%及1.5%，係表現最好鮋杜指成份股。最差鮋係惠普，跌逾3%，該公司在週四盤後宣佈Leo Apotheker 替代因涉嫌性騷擾而辭職的 Mark Hurd，成為新一任惠普領導人。
講 番期權攻略，網友牛腩貓咪話佢本金唔夠，好難做沽家，只能做買家，又提到至「目前為止的幾年，自己學的都是『猜行情』的知識」。牛腩貓咪道出了散戶的困 難，就是本金有限，選擇有限。我話玩期權要「定位」，定個好位易鱓贏，我估沽家個位有利鱓，不過這是本大利少的遊戲，經常贏，頗犯本。而散戶就玩本少利大 的遊戲，刀仔鋸大樹，每注不犯本，但經常輸。
又 以賭博的賭大細為例，散戶埋䒷賭，估呢一舖開大或開細，然後落注，我見過賭客用本簿記低每一舖開大開細的結果，做「功課」，好似好科學咁估下一舖的行情 （我覺得每一舖都是獨立而隨機，做呢鱓功課無乜用）。但賭場做莊，佢任你買大或買細，佢唔估行情，佢靠方法和機率取勝，由於有開全骰莊家通殺的因素，賭客 買大或買細的取勝率不是表面看的50%，而是只有47%，賭場就是靠這3%的差率，食住賭客，賭客長賭必輸。你無法開賭做莊，焗住要做賭仔一方，要估開大或開細的行情，天生處於不利位置。
你可能會覺得估大市的行情，容易過估賭䒷開大或開細，比較有路捉，呢個講法唔係完全錯，但係無你想像中咁飱。我經常講，高盛的女股神科恩估大市走勢，命中率也只是60%多一點，普通人估到55%命中率都唔錯啦，即係估20次中11次，錯9次，對錯唔差太遠，如果你估中食得少，估錯時輸得多，可以想像結果都係輸。可能有一排遇上大市升，你係好友，那一排成日中，但呢種紀錄唔易長期保持，我就無見過一鱓長期估行情命中率有80、90%的人，有不妨介紹俾我。所以估行情時，首先要明白估行情的局限。
我話做期權沽家較易取勝，但要謹記要做對沖以控制風險。之前介絕過兩種方法，包括「有現貨時沽出認購期權」，以及「買入套期的期權(買入一個貼價期權同時沽出一個遠價期權)」，這些策略都有沽出期權的含量，同時亦有適量的對沖。
若你話你被逼要做期權的單向買家，我舉個例子證明其難度。假如你覺得大市升得太急，無理由唔回吐，起碼要跌番1000點先至再升，你堅信咁樣一定唔會錯，本金唔多，所以刀仔鋸大樹，買入呢個月21200點行使的認沽期權，購入價116點(上周五價)，你滿肚密圈，想像大市急跌1000點時，呢份期權會升到300幾、甚至400點。假如理想一點，跌1500點，咁隨時可以升至500、600點，執番400、500點好和味呀。愈想愈高興，跟住買入。
買入後大市有三種可能走向，第一反方向向上，第二上落市唔多郁，第三順方向向下。先講反方向，好多時人想個市向東，佢就向西，你做鰦淡友想佢跌，佢就升，結果你買的認沽期權，買入116點，好快得番60、70點， 你唔信鏡，話「無理由唔跌」，加注溝淡，買多一張，結果個市真係唔跌，溝淡愈輸愈多。第二種情況，個市上上落落，無乜方向，呢個情況等如買大細時莊開全 骰，買鰦認購或認沽期權的散家都輸，但買大細開全骰的機會唔係咁大，但股市一年都有兩三個月個市只係窄幅上落，機會大過開全骰好多，出現這種市況，買期權 者又輸清，唯一好處是市況太悶，你買鰦認沽期權都唔會想加注。
第三種狀況是順你買的方向走，大市向下，你見到買鰦的認沽期權升鰦，好高興，但大市反覆跌，你又覺得鱓認沽期權升得太少，唔夠味，以上周五的價錢，你買的21200點認沽期權，要等大市馬上跌600點，才會升一倍去到235點，所以大市跌500、600點，只要唔係好急跌，你買的期權都升唔到一倍，你會唔服氣，覺得贏得太少，等，點知等兩等個市就彈，鱓認沽期權馬上又去番116點，你唔平倉，個市再彈，輸埋。
呢個例子話俾大家聽，沽行情的命中率唔高，有六成都好好，在估唔中的情況下，即大市逆向和大市牛皮，你買入期權的錢會輸清。即使沽中，大市走得唔夠深，你賺得唔夠你想像咁多(好多時係唔現實的夢想)，你又唔走，結果又輸埋，夾夾埋埋，你係唔係有70、80%機會輸錢呢?
陸羽仁