ZKIZ Archives


期權攻略(6) 陸羽仁

http://blogcity.me/blog/reply_blog_express.asp?f=5YTPBH5B812303&id=268231&catID=&keyword=&searchtype=

美股牛皮。美國非農就業數據公佈前夕,投資者態度審慎,最新一周首次申領失業救濟人數不升反跌,意外地利好,美國9 月份同店銷售增長亦好過預期,杜指朝早造好,只差1點就觸及11000點。但美元回升,原油及黃金價格回落,抵消了經濟數據的利好消息,杜指掉頭下滑,倒 跌84點才反彈,收市仍微跌19點,報10949點;標普500指數跌2點,收1158點;納指逆市造好,微升3點至2384點。杜指期貨最新報 10915點,比現貨低水34點。

 

 

港股美國預託證輕微向下,ADR港比指數收報22823點,比香港收市低62點或0.3%。匯控收81.51元,比香港低0.2%;中移動收82.48元,比香港低2仙。

 

英倫銀行昨宣布維持0.5%利率不變,呢個利率水平已經維持鰦20個月咁耐;此外,英政府表示仍然不會推出任何購買資產計劃;歐洲央行亦決定息率維持在1厘水平。歐元兌美元輕微向下,收1.3930美元。英國富時100指數下跌0.3%,德國及法國股市靠穩。

 

美匯回升0.1%, 金、銀、銅以及油價馬上回軟,黃金收報每安士1335美元,跌12美元,油價亦跌近2%至每桶81.67美元。相關股份受壓,銅金公司Freeport- McMoRan Copper & Gold 及礦業股 Newmont Mining齊挫2.6%;油股Exxon Mobil 下跌0.3%。

 

美國公司公布業績打嚮頭炮,美國鋁業昨日收市後公布第三季業績,為美企業績公布期拉開序幕。美鋁盈利53.5億美元,較去年同期上升15%,兩者都好過市場預期。美鋁股價在業績公布前收跌1.4%,係表現最差鮋杜指成份股。業績公布後,在延長交易時候回升2.2%。

 

  早前講到期權攻略,講到做沽家易過做買家,這也是大戶和散戶的分別,大戶多數做沽家,用大注承受大風險,以大吃小;而散戶多數做買家,用細注博大霧,結果多數博唔到。所以我建議玩期權者泌入一點沽家因素,咁取勝機會會大一點。

 

  不過散戶有散戶的局限,例如本金不多,無錢俾咁多按金,根本做唔到沽家。又或者炒窩輪,天生注定做買家做唔到沽家,咁就天然陷入不利形勢中,要在敗中取勝,並不容易。期權買家天生陷入難局中,若你堅持要玩,堅持要試,有幾點可以注意:

  

第一,結 果決定論。你賭開係輸定贏,一定要有紀錄,要知道,最好用本簿記低,不時去檢討,贏就繼續,輸就縮沙。我唔知你用乜方法炒,萬一你真係炒得贏,亦唔知你真 係方法得,定係好運,例如你咁飱9月後入市買認購期權或和黃認購輪,你自然會贏,可能你唔係真係咁有眼光(即係一般人話估市咁準),只係好彩而矣,大市走 出一個方向,一個月升1000點以上,呢個係例外而非常態,你的方法(買上)遇上適合的市況,就會贏錢,你睇住自己本簿,見贏緊錢,就繼續囉,但一見輸錢,特別是開始輸大錢,下個月就要停,起碼係縮沙。

 

     又舉一例,如果你睇開今年係上落市,在9月之前,呢個睇法大體上飱,頭8個係一個傾向向下的上落市,假設你見佢升1000幾、2000點就開始買認沽期權或買沽輪,等佢跌2000點食糊,今年上半年呢個手法好得,在1月和4月在高位買認沽期權或窩輪都食到笑,但6月和8月見高位買認沽,開始無咁得,因為每次回吐從高位跌唔到2000點,跌1000點左右就彈,你走得慢鱓要倒頭輸。你唔信鏡,今次升到22500點又買認沽,今次仲衰,一直唔回,而家仲俾人挾住,已經唔見一截。如果你識得睇結果做人,在6月和8月買認沽唔係咁順時,要開始檢討過去的做法飱唔飱,以結果決定,諗唔清楚先減注。

 

但一般人的做法會剛好相反,會堅信過去得的一套,唔肯按現實變化。在22500點買鰦認沽,大市無如願下跌,佢不單唔會止蝕,會不斷加注買認沽去溝淡,最後有三個可能結果,第一大市調頭回落,佢贏番輸鰦的錢,覺得溝淡好得,下次又溝,終於都會輸舖大。第二大市不落再升,呢舖已經輸大。第三大市高位呆企,買鰦認沽期權一樣輸清。

 

每 人炒期權都有一種手法,呢種手法可能飱一種市況,唔飱另一種市況,佢自己未必知。到市況轉鰦時,堅持過去得的手法,可能係一個災難。所以最好聽市場的聲 音,唔好堅持自己的判斷,聽到市場話你得,你就得,可以繼續。市場開始話你唔得時,只係好細聲,你要留心傾聽。到市場大大聲話你唔得時,唔好憤怒,只宜撤 退。傾聽市場,睇住自己每月的炒作結果做人,係保命的第一原則,記住要做古惑仔,唔好堅持己見呀。

 

陸羽仁

期權 攻略 陸羽
PermaLink: https://articles.zkiz.com/?id=18458


ZKIZ Archives @ 2019