ZKIZ Archives


期權攻略(4) 陸羽仁

http://blogcity.me/blog/reply_blog_express.asp?f=5YTPBH5B812303&id=266816&catID=&keyword=&searchtype=

  英國第二季GDP 增長速度創九年來新高,德國10月份消費者信心指數亦好過市場預期,不過,央格魯愛爾蘭銀行債務評級上日俾穆迪投資更削三個等級,愛爾蘭國債的信用違約掉 期(CDS) 昨日大幅上升,而標準普爾(S&P) 話,愛爾蘭為央格魯愛爾蘭銀行資本重組所需成本可能超過350億歐元,這將導致標準普爾進一步下調該行的相關評級。由於對愛爾蘭主權債務的擔憂,令歐洲股 市及美股早段受壓。

 

 

美國最新公佈的經濟數據亦唔係咁理想,經濟諮商局(Conference Board)宣佈,美國消費者對經濟的信心依然「很低迷」。9月份的消費者信心指數跌至48.5,低過市場預期,且創了七個月新低。諮商局消費者研究中心 主任Lynn Franco表示,「9月消費者信心的回落主要與商業和勞動力市場的環境更為不利有關,消費者對近期內前景的看法更悲觀,由於很少有人預計近期內的經濟狀 況將改善,估計未來幾個月中經濟增長的速度不太可能加快。」與此同時,Richmond聯邦儲備銀行公佈,9月份轄區內製造業活動非常弱,製造業指數從上 月的11降至負2;發貨指數亦由11降至負4。反映經濟活動正在萎縮。

 

經濟數據欠佳,另一方面卻使投資者預期聯儲局將更快有更多刺激經濟措施出台,而美國最大連鎖藥店Walgreen 處方藥銷售額和銷量有所提高,第四財季利潤增長7.8%,帶動藥業股大幅造好,推動美股中午以後逐步回升,尾市更反敗為勝。三大指數倒升0.4%。杜指收 報10858點,升46點;標普500指數漲6點,收1148點;納指升10點,報2380點。杜指期貨最新報10794點,比現貨低水64點。

 

  港股美國預託證券收高,ADR港比指數收報22254點,比香港收市高144點或0.7%。匯控收80.74元,比香港高0.5%;中移動收79.76元,比香港高0.5%。

 

繼 續講期權攻略。有些朋友唔明我點解講期權,其實期權和窩輪的原理一樣,我想炒窩輪者亦明白這種衍生工具的基本玩法;期權較少人炒,窩輪好多人炒,但散戶玩 期權可以做沽家亦可以做買家,但佢地買窩輪只能做買家,不能做沽家,但我話沽家容易賺過買家,所以你應該明白玩窩輪幾難賺錢,這是「越獄遊戲」,你一玩已 在獄中,要在不利的環境中取勝,你話幾難呢?

 

    幾年前有私人銀行家打電話來叫我買Accumulator(累收股票期權),我一聽佢介紹,買家買入accumulator後,升5%終止合約,唔使再沽有折讓的股票給你,但跌5%卻加大一倍俾貨給你,一直俾到尾,我心諗邊有咁著數的期權(對沽家而言),同佢講我想做沽家,要幾多錢才可以做?你地銀行買呢鱓產品收幾多佣?佢答我唔到,我叫佢問老細。佢隔一陣打電話俾我,話對唔住,普通客戶無得做accumulator的沽家,沽家係機構,銀行亦只不過做代理。我話咁呀,無法啦,我想做沽家做唔到,俾唔到生意你啦。呢個故事話俾大家聽,好多衍生工具有沽家有買家,要先諗纒做邊一方著數。這叫做定位。

 

    網友myself:「原來做沽家先係高人,仲記學期權ABC既時候,第一印象係,邊有人咁蠢去做沽家架,賺就賺雞碎咁多,輸就無限大,梗係做期權買家啦!又錯左,証明左兩樣:1. 第一個想法多數係錯既;2. 散炉心理個個一樣,好易被人(大炉)估中。」

 

     Myself, 呢個世界從來係咁,在投機市場,係一個零和遊戲,大戶以大博少,通常會贏,散戶以小博大,通常會輸。做為大戶,日日收錢,基本上係坐盤同散戶對賭,但當面 對風險時,就要分散風險或對沖,例如馬會開賭波盤,基本上在賠率已經搞掂你,如投注係正常分佈,馬會坐盤坐在那裏收錢,但如投注傾斜向一方,特別是有大額 投注傾斜向一方時,馬會就會將盤射走,即在國際賭博市場上落注分散風險。大戶風險管理得宜,形勢不利時只是小輸,其餘時間不斷收錢,收投注派派彩賺盡差 額。做為散戶,次次以小博大,好多時都係輸,偶然贏一次,計長鱓一年半載亦係輸,呢件事唔可以憑感覺講,只能以數簿紀錄低投注投機結果才講得到。

 

    散 戶輸多過贏的遊戲,若自問智力一般,無耐性鑽研,最好唔玩,要玩都只宜極小注,過過手癮就好了。若自己智力過人,又有耐性研究,都只能用聰明的方法去玩。 昨天講了「有現貨沽出認購期權」,基本上係做沽家,今日講係做「套期交易」,即係同時做買家及沽家。我話股票的波幅會比想像中少,所以做沽家想博大波幅其 實唔著數,修正方法會縮窄波幅估計,做貼價一點的交易,但貼價期權通常好貴,應對方法就係做套期交易,即是買入貼價期權,沽出遠價期權,舉個例,在這個月 8、9號時你睇好大市破位可向上升,那時期指市價約21200點,你買21400點的輕微價外認購期權要300點左右,你覺得好貴,因為加入期權金的成 本,結算時要21700點才打和,要升到22000點才升一倍(賺300點),你可以付300點期權金買入21400點的認購期權,同時沽出高800點行 使價即22200點的認購期權,收回125點的期權金,一付一收淨支出175點期權,即升到21575點就打和,打和點降低了125點,至於沽出的部份, 若結算時大市不升到22200點樓上,沽出的期權金根本無行使價值,你就白食了125點的期權金,以降低買入貼價期權的成本。這個策略的好處是付出同樣成 本,可以買貼價一點的期權,增加取勝機會,又或者買同樣的價外期權,但減少付出近一半的期權金。風險是若大市升到無人有,升到22325點(沽出認購期權 22200點行使價加125點期權金)樓上,你沽出的那部份就開始要付出代價,住上的升幅就不歸你了。

 

但正如我所講,大市的波動住住比預期少,所以沽出期權通常有著數。但由於窩輪無得做沽家,這個策略同樣不適用於窩輪買賣。

 

陸羽仁

期權 攻略 陸羽
PermaLink: https://articles.zkiz.com/?id=18279


ZKIZ Archives @ 2019