ZKIZ Archives


期權攻略(1)陸羽仁

http://blogcity.me/blog/reply_blog_express.asp?f=5YTPBH5B812303&id=265691&catID=&keyword=&searchtype=

美 國聯儲局議息會議後表示,會大開量化寬鬆政策大門,繼續印鈔票、增加開支、鼓勵借貸去對抗通縮。消息令杜指下午跳彈87點,但之後亦碌番落鈬,收市只係微 升7點,報收10761點;標普500指數倒跌3點,報1140點。納指跌6點至2349點。杜指期貨最新報10690點,比現貨低水71點。

 

  港股美國預託證券靠穩,ADR港比指數收報22037點,比香港收市高34點或0.2%。匯控收81.65元,比香港0.2%;中移動收79.94元,比香港低0.6%。

 

美股開市前商務部公布8 月份新屋動工數目增加至59.8萬幢,較上月大漲10.5%,增幅創下去年11月以來新高,7月份的增幅壞就下調至0.4%,明顯低於早先發布的 1.7%。8月份的營建許可證增長1.8%至56.9萬幢,但許可證的增幅全來自多戶房屋,較上月大增近一成,而單戶房屋的營建許可證創了16個月新低。 美股對樓市消息不為所動,相信係投資者等待下午出爐的聯儲局議息結果。

 

   聯 儲局這次會議只有短短一天,宣佈的結果亦不出市場預料,維持0至0.25厘的基準利率區間不變。聯邦公開市場委員會(FOMC)會後發表聲明,內容與上次 會議並無太大分別,上次無講,但今次強調的是聯儲局「已準備在必要時繼續實行放鬆性貨幣政策去支援經濟復蘇及重返通漲。」這反映儲局官員更加擔心通貨緊 縮。FOMC會後聲明指出,美國商業開支仍有增長,但增速已慢過年初的時候;銀行信貸仍在收縮,近幾個月收縮速度有所加快;而現時通脹水平低過委員會預 期,長遠來說,這對創造最佳就業及價格穩定都不利。因此,有需要維持量化寬鬆的貨幣政策。「量化寬鬆」會唔會利好股市呢?多印鈔票,資產價格就會上升,股 市亦會水漲船高。

 

我講營運人生、重設人生,就將自己(或 自己的仔女)比作一間公司,先搞清間公司的潛質與能力,定清楚現實的運作目標,盡力把它搞好。好多人寫股評令你覺得睇完佢買中一兩隻股就會發大達,我寫的 東西你睇完唔會有咁感覺,相反地你睇完會發覺即時發達好難,都係老老實實做№,老老實實投資好過,我咁寫法,睇落唔好睇,但飱普通人睇,因為我假設呢個社 會上只有少於5%係聰明人(或許他們也不用睇我的專欄),其餘有80、90%係普通人,或者係自以為是聰明人的普通人,針對大多數的普通人,要令佢地知道 發達唔易,只能慢慢來。至於另外5%、10%就真係蠢人,佢地根本唔應該炒股,唔睇股票專欄最好。

 

    炒莊家股、炒窩輪、炒期指、炒期權,只應是5%聰明人做的,由於開局的是聰明人,玩的也是聰明人,是聰明人的博奕,聰明人的殺戳戰場。

 

    網友企業CFO 有此留言,「我想思考與自律(Discipline)對做人做事也很重要。否則碰到像Luk Sir一樣的好導師,看到好的書(我在看Peter Lynch 的投資聖經)也沒幫助。這兩年生活也開始簡約。我學不了Luk sir 少開冷氣,但這兩年也開始減少用熱水浴。還有以後也不敢買number. 我07年朋友叫我鲻身買的那兩隻股票,跌了八成多,一隻還停了交易。但現在我打死也不賣它們,因爲把他放著便等於提醒自己有多stupid,還是個學財務 的!」

 

    「企業 CFO」是學財務的,留下CFO( 財務總監)的網名,職業雖不中亦不遠矣。網友ND問「其實你成日講要學習基本功, 我一直都好想, 只係唔知去邊度學…….有無一鱓基本鮋課程可以介紹一下, 甚至係唔係要去讀account?」睇鰦網友「企業CFO」的留言,你地就應該知道,如果你揀錯投資對象,識會計識睇數都死,「企業CFO」聽軲巴買的兩隻股,一隻停埋牌,如果最後退埋市,十有九係做假數,先至可以有靚數騙得識睇數的人都買。不過大家唔好會錯意,以為我話識會計識睇數無用,我只係話識睇數去買莊家股無用鎹,實睇數去買實實際際做生意的股票,十分有用。

 

    再講番炒莊家股、炒窩輪、炒期指、炒期權,應該只是5%聰 明人玩的遊戲,我唔知點解咁多普通人玩。你唔好理乜№原因,散戶玩呢鱓聰明人遊戲,由於對手是莊家或大戶,人家智力和財力都比散戶優勝,所以對手贏多輸 少,散戶輸多贏少,或者明明散戶好似贏,但最後才發現這是對手跌錢落地的策略,結果就變鰦輸,所以唔係超級聰明,超有定力,兼且睇透個局,好難贏錢。

 

    你仲唔明,我可以舉例說明。好多朋友玩輪,或者牛熊證,兩者都係期權,你買輪或牛熊證,就係買入一個認購或認沽的期權,到期時若升/跌到行使價內,才有行使價值,否則變成廢紙,即使到行使價內可以行使,還要扣減窩輪的買入成本,扣完才是利潤(如果有的話)。散戶炒輪,輸時間值已經輸死,即係死渣唔放,有時由頭輸到尾,有時由贏變輸。

 

    期權和窩輪的原理一樣,但期權比窩輪公平一點,因為窩輪發行商開價時拉大買賣差價,就可以食價,而且散戶只可以做窩輪買家,唔可以做沽家。而期權交易(以恒指期權為例),散戶可以做買家或沽家,由於散戶可以做兩邊,買賣差價不大,差價比窩輪細好多(我唔係鼓勵大家炒期權,要警告大家這也是高風險玩意)

 

我舉今年恒指期權的數據你就明,散戶買期權興刀仔鋸大樹,興買價外期權,博個市一個月內走20003000點,佢買中就發達,在月頭買1000點價外的恒指期權(即期指現時22000點,就買23000點行使的認購期權),若到月尾期指升了2000點,扣除100多、200點的期權成本,還可賺800點,若升唔到行使價就輸清。恒指期權以期指計價,睇番今年期指價,我列條數你睇,1月期指月底結算時比上月結算跌1078點,2月升88點,3月升926點,4月跌473點,5月跌1103點,6月升64點,7月升641點,8月跌306點,9月至今升了1298(未知最後結果)。如果你年頭開始個個月買1000點價外的恒指認購期權,輸足8個月,呢個月暫時牌面升鰦1298點,扣埋成本贏100點,未知結局。假設這種價外期權約100多至200點一張(睇當時的引申波幅計價,個個月唔同,波幅低時約120點),8月個月輸鰦1600點,假設你買一份,每點50元,輸鰦8萬元(波幅低時成本低一點,輸的數額又少一點),只係呢個月有機會贏番1萬幾千幫補纒。

 

    那麼你去買認沽期權又如何,至今8個月,只有兩個月升多過1000點進入可行使階段,但都超過1000點唔太多,1月唔計成本贏78點,5月唔計成本贏103點,計埋200點成本都要輸。以每月買一張價外1000點的認沽期權要200點成本計,9個月輸1619點,又係輸8萬多一鱓。

 

    股市的波動一般比散戶估計的細,散戶買期權輸哂時間值,所以輸多過贏。你唔好話今年上落市所以先唔掂,即使遇上有方向的市道,散戶輸得多輸到怕,贏少少又會走,唔會食得深。所以期權沽家贏錢機會大過買家好多,你可能馬上話那麼何不做沽家?問題是沽家有無限風險(例如你沽出認沽期權,遇上股災就輸上身),散戶唔識好似大戶咁沽出期權後做動態對沖(Delta Hedging)去分散風險,所以好難玩。窩輪原理也一樣,掛鹇股票的波幅比想像中細,你見佢升鰦一段先去追價外認購輪,正股再升少少就回,過幾個月份窩輪就變廢紙。

 

  散戶想發達,想買一賠十,想刀仔鋸大樹,絕大部份時間刀仔都斷埋。我問大家預備好玩這些聰明人的遊戲未,係問你懂唔懂遊戲規則,同埋有乜策略可以在多數老散輸錢的遊戲中贏錢行番出來?

 

(祝大家中秋快樂)

期權 攻略 陸羽
PermaLink: https://articles.zkiz.com/?id=18269

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019