入主金牌大風龐維仁：我無叫人留低！
|
|
自從五年前與李嘉欣雨夜浪漫，在 酒店共度春宵而登上娛樂頭版的已婚商人龐維仁，最怕接觸娛樂版記者，想他企定影相，換來是敷衍地停兩秒再急步走人，他辯稱︰「為乜要高調企定影先？你影到 咪影，我都無遮住塊面，無一支箭衝走，我係普通生意佬啫！」
他抗拒做「娛樂人」，但今年初卻突然挾一百三十億資本、以太平洋資本投資亞洲有 限公司主席之名，向鄭東漢旗下的金牌大風注資五億，由情聖變成娛樂公司聯席主席，都幾諷刺，他解釋是純粹商業決定。「我投資任何嘢，主要睇盤生意有無錢 賺，金牌有中、港、台市場，可以行區域性策略，其他都無得揀。」懂得計算、無寶不落的龐維仁，為了錢，即使最不想拋頭露面做訪問亦變得無所謂，「為生意， 被迫都要做。」
錢銀掛帥的他，偏偏可以容忍高薪厚職但又投閒置散的金牌副主席Paco（黃栢高）有得留低，Paco更對外聲稱是新老闆盛意 留人，龐維仁聽罷語帶雙關話︰「我跟他少接觸，身為投資者，員工是公司資產，好就話留，無好表現係時候講再見，我還等緊他的表現。」果然，講錢失感情。
我 撐鄭東漢
龐維仁是典型的香港人，實際、功利主義、凡事講着數，正如他一再強調不愛出名，因為「出名無着數，好嘢我又感受不到。」向錢看是人 之常情，龐維仁視金牌大風是搵錢工具，員工的去留是非，與他何干？
盛傳鄭東漢有意讓兒子鄭中基做接班人，去年中金牌突然宣布Paco由董 事經理升為金牌大風香港區主席，不過只負責沒有資源的電影部，而陳輝虹就出任金牌大風香港區行政總裁，負責音樂製作及經理人事務。曾手握實權最終遭到明升 暗降的Paco，強弩之末，惟有對外放風有龐維仁撐他，可惜被生意佬自居的龐維仁玩踢爆，坦言最關心是公司的賺錢能力。「我無特別要任何一個員工留低，我 只係睇住盤數同生意計劃，Norman （鄭東漢）係chairman，去留問題是他作決定，作為拍檔，如果Norman撐佢（Paco），我咪撐佢。」完全擺明車馬。
在商場打滾 多年，龐維仁先巧妙地將生殺大權推得一乾二淨，繼而又圓滑地讚Paco夠經驗來打圓場，「我好肯定他在行內很有經驗，但我跟他少接觸，希望他對公司有貢 獻，我等緊他的大計o架。」
密底算盤
金牌大風鬼打鬼他無興趣參與，今年四十歲的龐維仁，九三年靠搞商務中介人起家，為中小企 提供專業收購合併服務，千禧年時更將公司豐裕興業在創業板上市。除注資金牌大風，他還有其他生意要睇：皮草、遊艇零件、音響都有投資，總之邊度有錢搵就游 去邊。
經常睇住盤數做人，被他的密底算盤一算肯定不會死錯人。正如今次訪問的拍攝場地，他主動提議在一家音響公司拍照，美其名是關於音樂， 查實是hard sell自己的產品，一舉兩得，「呢套Sonus Faber喇叭要成六十幾萬，你記住影。」
看似市儈的龐維仁，追女卻真 有一手，大美人李嘉欣、鐘錶界靚女胡敏珊都是他前女友。雖然他拒絕再提與李嘉欣的舊情，但記者讚他夠薑跟大劉拗手瓜，眼前的龐維仁忍不住沾沾自喜，「我有 好多女友唔靚你唔知， 咁啱嗰個係靚女啫。」
他笑言追靚女無特別撒手鐧，最緊要夠細心，「女友係用來錫，我一定記得女友生日，又會親自下廚 搞情趣，去旅行就計劃晒細節，不用女友操心。」大情聖自稱對感情專一，「我的感情是一段還一段，不會有兩個女友，真係頂唔順又好煩。」所以大部分舊女友再 見亦是朋友，「只要大家成熟處理溝通，喂，做不成情侶可以做朋友啫。我同胡敏珊係好朋友，我還好錫她，她腳傷都話我知。」不過當年跟李嘉欣偷情，龐維仁賠 上五年婚姻。
應使得使
拍拖蜜月期，男女雙方都將最好一面給情人看，相處久了便原形畢露，尤其龐維仁對錢銀着緊，連女友都無面 俾。試過跟胡敏珊到演藝睇慈善歌舞劇，現場有職員上前賣花募捐，龐維仁明知被鏡頭瞄住都誓死不捐，令女友好無面。當然，當事人自有一套理論，「嗰日唔知買 咗乜嘢，個銀包真係一蚊都無，好閒啫。」對女友尚且如此，更何況普通朋友。○五年他就試過找周美鳳的公關公司替皮草店做宣傳，最終因拖欠尾數對簿公堂。
被 傳媒唱孤寒欠風度，他懶得澄清，「我經常被人誤會，是但啦。我唔知自己係咪孤寒，但肯定係應使得使，過得人過得自己。」縮骨與節儉只差一線，難得龐維仁大 方承認他愛搭巴士逼地鐵，他的理由是：「主要方便同應該，幾蚊雞可以搭小巴由銅鑼灣入黃竹坑，好過等司機車。」
姑勿論他是縮骨或節儉，龐維 仁始終愛自力更生不愛叨光。訪問完畢前，他煞有介事澄清自己與鋼鐵大王龐鼎元絕無任何親戚關係，「o靚仔開始成日被人問我是不是做鐵，我不想其他人對我有 特別perception（觀感）。」難道出名沒為生意打開方便之門？「開始會有少少，最終都係睇我做事的態度、手法，長遠都係無着數。」這應是龐維仁經 驗之談。
|
[惡搞文]大頭鳥:「唔可以當我無到。」
參考文章
在此，原文
於此。
那日，我遇見個妹妹，妹妹同我講「史無前例」，我問「咁是事前定事後呀」，她說當然是「事前啦」。其實我都唔知他講乜，原來她是話份報紙個幾千個鮮花代理去抗議，帶領請願的，原來就是採花賊高山青，有人話他一向理性溫和，但他近來的行為反映他真是無事可做。睇番那次鮮花遊行，中美利港都好似來齊，不過美利當然就唔想同中港一樣咁低啦，所以就帶左自備橫額，未有採用官方的請願牌。
大頭蔡見到咁的事，當然就為它找證據，但我睇過大頭蔡之前的經歷，當年他好似幫過馬屎坑做野，應該明經紀點賺錢。其實不在價，是在量，量多價高，自然好景，量多價低，當然賺餐食，量低價高，仲有少量人賺到笑，但現在真是量少價少，真是搵唔到食，大頭蔡就話，「花價未跌，但成交大幅萎縮，鮮花代理基本生計也成問題。」，都仲叫有少少道理，「下半年雨水減少，到時大型鮮花商爭相出貨，一手花冧價，二手花受牽連，高山青估計今年花價可能下跌20%」，真是連自己都呃知寫乜撚，出貨啊，量當然多啦，只是價唔靚，不過都有粥水食，所以肯劈價出貨都有一線生機。到呢度至真是唔明高山青點解上街，我就畀他搞到頭都大。
仲有一項值得記，「歷時約半小時的請願活動結束後，大部份代理未有響應進入立法會旁聽會議的號召，即時四散」，這些垃圾遊行可能真是唔是自願，他們一早起身仲要出席埋一些班馬行動，細粒野梗覺煩，當然快快手番屋企，但大粒野無野做，所以唔走，就「旁聽會議，支持團體代表為業界發聲」。可以見到，細粒野做野多多聲無得出，就賺好少錢，寧願快快手搞掂埋所有無謂野，埋首工作，班高層生意都唔使做，就坐在此講好多廢話，但賺錢就多一截，其實隱隱然又使我想起大頭蔡，哈哈哈。
大傻仔
曾志豪 哺球類動物 你有腦，所以我無腦
1 :
GS(14)@2012-01-30 21:58:34http://www.metrohk.com.hk/index.php?cmd=detail&id=179594&search=1
工作團隊有一個工作能力超強的成員，是好事還是壞事？
每個辦公室總有個別職員，工作能力超強，見解獨特，點子多多，團隊有何難題，都會挺身而出。但我可以告訴你，
這類員工，對公司未必是好事。
不論籃球足球，都有所謂明星球員，例如NBA湖人的高比，曼聯的朗尼。這些球員都是球隊核心，把握力強，予人強大信心，有難題，把球傳給他吧，他一定能得分。
可是，就是這個「球傳給他吧」的心態累事。當大家習慣依賴球星，球員便懶得進攻，反正球星一定可以完成任務。有波就餵給高比仔，時間剩下兩秒又傳波畀高比仔，有人mark住自己，也懶得過人了，「球傳給他就好」。這等於養懶人。
工作上亦是如此，開會提意見，大家都不作聲不動腦，反正那位工作能力超強的員工，一定會「諗到啲嘢」，「球傳給他吧」。於是開會時大家「行屍走肉」，大家都依賴超級戰將完成任務。你說，這是好事嗎？
有時並非員工想「依賴」球星，而是，球星的存在，令大家失去信心。想像一下，陣中有占士大帝這種球星，球在你手，你會起手嗎？你心想，我憑甚麼搶了占士的起手機會？我射不如他射。球星令其他球員無自信。
同樣，職場上的超級戰將，也會令其他員工感到巨大壓力，甚至「自動封口」。員工無信心提出更好的意見，索性收聲，久而久之，其他員工都像被廢了武功。你看看高比朗尼大帝一受傷缺陣，其他球員為甚麼打不出水準？因為平時都活在巨星陰影之下，已失去自信，缺乏進攻本錢。
能激活其他員工的戰力，才是真正出色的領導。
曾志豪 (逢周一見報)
Blog：bufishking.mysinablog.com
電台DJ，抽水評論員，哺球類動物。近作《抽乾香港》。
返回上頁
【小企鵝×果籽】你有我無
1 :
GS(14)@2016-02-15 02:20:48新年回溫哥華探親，初二陽光普照，在這個冬雨連綿的城市，殊不容易，中午走到西百老匯大街的童書店Kidsbook逛，在店內當眼位置見到繪本《Last Stop On Market Street》，記得這書去年在新聞報道中出現過，它獲得美國繪本界兩大重要獎項；包括以插畫為評審重點的Randolph Caldecott Medal銀獎及以文字作審核標準的The Newbery Medal金獎，給我一再遇上，一定要介紹一下。
故事關於小男孩CJ與阿嫲一起坐巴士回家的經過，他們一早到教堂參加彌撒後，遇上下雨天，二人一起走路到巴士站，CJ在路上不斷向老人家問這問那，等巴士的時候見到朋友Colby坐在私家車裏經過，還跟他揮手打招呼，他問阿嫲為何自己沒有私家車，老人說：「我們有會噴火的巴士及懂戲法的司機Dennis先生，更好喔！」巴士來了，司機Dennis對男孩說：「看我手裏拿着甚麼？」說時從CJ耳邊變出一個銀幣來，就交到男孩手裏。他與阿嫲走入車廂中間，老少同向乘客打招呼，這時兩個戴耳機聽音樂的年輕人上車，CJ轉頭向老人說：「如果我也有一部iPod就好了。」阿嫲指一下坐在對面拿結他的年輕人說：「為何不請他給大家唱首歌呢？」抱着結他的年輕人開始自彈自唱，鄰座的盲人說如果想好好感受音樂，不妨閉上眼睛。CJ有樣學樣閉上眼睛靜心聽着，隨着節奏拍子男孩覺得心神都飛出巴士了，煩囂的城市景象更變得安靜。
故事關於小男孩CJ與阿嫲一起坐巴士回家的經過。
從其他角度看待差異
一曲唱畢，全車人拍掌叫好，阿嫲示意CJ將司機變出的銀幣放到結他手的帽子裏。到站下車，四周環境烏煙瘴氣，CJ又抬頭問為何這地方總是一團糟，阿嫲說當我們置身塵土飛揚環境，更會認識美麗整潔的可愛！果然男孩舉頭一看，就見到大廈背後出現的一道彩虹。這是一個關於貧窮、關於人與人之間差異的故事，CJ及阿嫲是居住在貧民區的少數族裔，作者Matt De La Pena在訪談中表示，作品的精神並非想聚焦於種族或階級差異，而是借老人的智慧，鼓舞在「成長過程中欠缺物資」的孩子。CJ總愛與別人比較，認為人家擁有一切，偏偏自己缺這欠那，阿嫲每次都沒有正面回應孩子的提問，反而引導他從其他角度去看待自己與別人的不同，不用只羨慕別人擁有一切，在匱乏中也可找到美麗的一面。坐巴士大夥兒有說有笑，聽真人表演比聽MP3音樂更具現場感，破落的社區更能展現七色彩虹的美。畫家Christian Robinson透過油彩與拼貼技巧，表達出一種具拉丁美洲特色的壁畫風格，讀者不難發現當中的「差異」，插畫與文字內容雙方高度配合，難怪此書獲得兩項殊榮。今天不少人處身貧富懸殊的社會，貧窮帶來的差異感特別大，《Last Stop On Market Street》說明了快樂來自感激的心情，學習接受眼前的生活，快樂就是學懂主宰自己的心，擁有一個積極而崇高的人生觀，自然會活得開心。
面書：
http://www.facebook.com/Books4you
撰文：鄺穎萱編輯：李寶筠美術：吳子豪
來源:
http://hk.apple.nextmedia.com/su ... t/20160214/19488790
【我無樓，但我很傑出】80後唔儲錢唔買樓 搞慈善窮遊40國家
1 :
GS(14)@2016-10-22 22:28:55Sonya話柬埔寨垃圾山嘅日出、日落同星空係最靚，尤其日出睇到希望。
「我睇過好多地方嘅日出、日落同星空，最NO.1係柬埔寨嘅垃圾山！」遊歷超過40個國家嘅80後少女Sonya，喺柬埔寨垃圾山見到最難忘嘅片段，「日頭啲人好辛苦搵食，當迎接日落，好快入夜，感覺好無希望，但係跟住望到好靚嘅星空，迎來第二朝嘅日出，原來喺一個最臭、最爛、最差嘅地方，會見到最有希望嘅一幕！」
Sonya遊歷咗超過40個國家，佢話唔只係去旅行，係喺世界生活。
佢話呢位阿根廷小朋友真係贏在射精前，22個月大就跟父母環遊世界。
Sonya四圍去，儲唔到錢，更加唔好話買樓，但係佢活得快樂。
Sonya啱啱結束咗5個月嘅Backpack旅程，遊歷咗中亞、伊朗、土耳其等地，佢話好多人羨慕佢旅行唔係以日計，係以月計，「我同羨慕我嘅人講不如交換吖，佢哋唔制o架，因為我係有自由，但係放棄咗穩定。」喺香港，要追求同香港人不一樣的價值並不容易，但喺世界，Sonya遇到好多比佢更瘋狂嘅人。例如喺塔吉克遇上一家三口嘅阿根廷人，父母旅行咗14年半，「當香港人話要贏在射精前，佢哋個仔就真係贏在射精前，唔止喺旅途上出世，得22個月大已經跟父母環遊世界。」
佢覺得可以為別人嘅生命帶嚟少少光明，係最美麗嘅事，所以成立慈善機構i-Action。
喺內地一個麻瘋病康復村涼山，籌咗12萬起小朋友飯堂，就係藍色屋頂嗰間。
以前啲小朋友喺露天嘅地方，踎喺度食飯，
環遊世界都可能係你嘅夢想，好多人諗住儲一大筆錢退休先去，但係Sonya話根本唔知自己幾時死，而且旅行同錢無關，「首先你真係要無家庭負擔，至於自己嗰部份可以好慳。」好似喺塔吉克同阿富汗國界嗰度，可以揀用200美金搭車，但係Sonya就揀行一個禮拜，「我唔只係去旅行，係喺世界生活。」
而家終於有瓦遮頭！
新嘅project係教採蜂蜜嘅村民做包裝，整副產品，等佢哋可以自食其力。
Sonya話自己從來儲唔到錢，用晒嘅時候就做freelance，寫稿、影相、拍廣告等，賺到一萬兩萬蚊又再去旅行。Sonya話有朋友擔心佢老來乞食，「乞食咪乞食囉，同埋我年輕嘅時候擁有呢啲經歷同寶貴嘅回憶，我好有信心係唔會令我將來乞食！」
Sonya話越多去旅行，越令佢知道世界好多出路，「唔好畀既定嘅框框，框死自己，你可以揀你自己行嘅路。」而Sonya就揀咗行慈善之路，喺2013年成立慈善機構i-Action。當有傑青話唔睇戲、唔social，29歲供完層樓就傑出，但係Sonya唔儲錢、去旅行，29歲服務山區村民起咗幢樓，都唔敢話自己傑出！喺香港買樓，Sonya覺得一啲都唔值，「我唔想死嗰刻，原來仲攬住層樓，但係又未供晒！」佢話如果有500萬買樓，不如分一半出嚟畀有需要嘅人，已經做到好多嘢。好似喺過去兩年，Sonya籌咗12萬為內地一個麻瘋病康復村涼山，起咗個飯堂畀小朋友食飯，「佢哋本身喺露天地方踎喺地下食飯，有一日落毛毛雨，啲水滴落個食物盤度化開，嗰一幕我到o依家仲好記得！」為咗令小朋友有瓦遮頭，做過NGO災難管理嘅Sonya利用佢嘅經驗同熱誠，將朋友嘅善款轉化成磚頭。飯堂建成，o依家幫採蜂蜜嘅村民爭取公平貿易，教佢哋包裝、做副產品，希望佢哋可以自食其力。可以為別人生命帶嚟少少光明，Sonya覺得係最美麗嘅事，不過做呢一切，佢都一再強調自己唔傑出，「好多人畀光環我，但係我畀到涼山村民嘅嘢好少，而且啲錢都唔係我嘅，係人哋捐嘅，我只係帶大家嘅愛心上去。」
i-Action【一行動】
https://www.facebook.com/IActionHK/
Sonya travel& photography
https://www.facebook.com/sonya.travel.photography/場地提供：Something Wild野玩山店地址：灣仔英皇集團中心1樓電話：29975233記者：鄒倩婷（阿仙）攝影：Kaman、峰編導：Kaman剪接：Roy
來源:
http://hk.apple.nextmedia.com/entertainment/art/20161022/19808606
【大家誤會了】灣仔車仔麵之家老闆澄清：間舖我無份
1 :
GS(14)@2017-01-08 19:03:15近日網上誤傳灣仔「車仔麵之家」老闆伍永泰先生（Wilson）退休後再次重出車仔麵界，其實是一個誤會。資料圖片
近日網上熱烈討論灣仔「車仔麵之家」老闆伍永泰先生（Wilson）退休後再次重出車仔麵界，並主理新店「車仔麵專家」，當然令一眾粉絲很開心和期待，就連熱爆網路的漫畫家甘小文亦在其facebook專頁《甘員外小文》中出post力撐。記者隨即致電Wilson詢問有關情況才發現一切只是個誤會，新食店「車仔麵專家」是他的小學朋友Jimmy所經營的，他只是在離港前幫忙擔當小顧問幫忙試菜和給予意見等等，並不是他自己主理。Wilson：「已經收了十多人電話詢問，我也很苦惱！我可以肯定告訴大家，這間店舖我是完全沒有份的，就是這麼簡單。」他極力澄清指自己已經移民多倫多與家人過退休生活，所以香港的兩間車仔麵店亦不是他主理。
熱爆網路的漫畫家甘小文亦在其facebook專頁《甘員外小文》中出post力撐，但得悉誤會後經已更改資訊。網上圖片
新食店「車仔麵專家」是他的小學朋友所經營的，Wilson只是在離港前幫忙擔當小顧問試菜和給予意見等等，並不是他自己主理的。網上圖片
「車仔麵專家」暫時只有位於灣仔的兩間分店，亦已交由Wilson朋友Edward和啊B主理。資料圖片
而漫畫家甘小文得悉誤會後經已在facebook更改資訊，所以各位「車仔麵之家」的粉絲要失望了。記者：吳業紅
來源:
http://hk.apple.nextmedia.com/su ... t/20170108/19889837
【以身試伏】羊架上碟唔見三分二？老闆霸氣回覆：我無做錯！
1 :
GS(14)@2017-05-13 01:56:46讀者舉報的羊架，三塊中的其中一塊像給人咬了一口，但記者親身試過發現無此問題。
近日，我們收到讀者舉報太子一間西班牙餐廳「LAVA Bar& Restaurant」有伏，讀者事後將這件事放上面書，更在餐廳專頁留言，很可惜留言被餐廳的專頁管理員刪除。為證實她的遭遇及講法，記者決定親身試伏。
一入餐廳，第一感覺是環境太逼窄了，兩人桌子頂盡放到三碟菜後就沒位置，我們照點讀者當晚試過的三道菜式。首先來到的是今次的重點目標──羊架，羊架切割完整，完全沒讀者所說般的「三塊羊，其中一塊羊切到好像只剩一半，好像給人咬了一口。」問題。記者追問侍應羊架產地在哪，他們態度不錯，入廚房問完廚師才再回答我們羊架產自澳洲。第二道上桌的是黑毛豬格仔餅，初時以為是港式格仔餅，即我們平日吃慣的那種加砂糖、煉奶夾着的格仔餅，但這塊餅看起來更像是墨西哥quesadilla夾餅，只是印了格仔在上面，味道不過不失，但建議真的要加說明，免得再有食客誤會是港式格仔餅。之後的慢煮牛腩包也好吃，包是饅頭質感，口感軟綿，牛腩味濃，加上千層腐皮及醃過的洋葱，真的想不出劣在哪裏，而翻看讀者面書，原來她也有讚這個包的味道不錯。我們結帳後表明記者身份，想請老闆出來回應這件事。老闆很合作，很快就露面，記者當面問他有沒看過讀者拍的那張羊架相，「有大概看過，但其實我覺得是沒這問題。」老闆兼大廚譚智健（Alan）說：「我是事後才知道這件事，當日我也在場，也有見到那份量，我見到羊架是正常的大小，不會是少了還是切多了。」談到刪除留言問題，Alan說他不知道有這件事，可能是專頁管理員擅自做的決定，所以我們就決定讓他正面回應，「因為我自己做自己的事，不會欺騙顧客，不會偷工減料，所以我覺得我沒有做錯。」
初初以為黑毛豬格仔餅是港式格仔餅，看起來更像墨西哥quesadilla夾餅，只是印了格仔在上面。
讀者事後將此事放上面書，並拍下「證據」。
記者：飲食籽2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170512/20018518
Next Page