📖 ZKIZ Archives

17歲仔飲醉睇鹹片性起姦91歲阿婆不遂殺人

1 : GS(14)@2016-07-13 05:15:17

禽獸不如！海南省東方市一名17歲男子與朋友飲醉酒，觀看手機色情段片後慾火難耐，竟走到村內一名獨居91歲老婆婆的家中，企圖性侵對方不果，竟痛下毒手，將阿婆打死。案發於上月20日，遇害的91歲阿婆姓符，東方市板橋鎮白穴村人，一個人獨居。警方接報後派出60多名警員，組成專案組調查。據村民表示，案發時有一個光着上半身的男子，從死者家院子裡跑出去，此一重要線索成了警方破案關鍵。而案發現場環境複雜，樹枝、樹葉、石塊、木柴散亂，專案組先經多次反覆仔細勘查，在受害人符婆婆臥室朝院子內的唯一一扇窗門玻璃上提取到半枚掌紋。專案組隨後在白穴村設立採集站，對全村2,000多人進行逐戶逐人收集指紋、血樣。經指紋比對發現，白穴村的歐XX有可疑。翌日，專案組依法傳喚歐XX。據悉，歐XX年僅17歲，無業，與符婆婆是遠房親戚。案發當天，歐XX和朋友喝完酒後，在回村的路上，他點開手機裡的一款視頻軟件，並被短片中的性感女子畫面吸引，引發了自己的性衝動，竟想到在村中獨居的符婆婆。歐XX爬入符婆婆院子東邊的扇門，起初想推開符婆婆臥室房門，卻發現門已反鎖，他隨即撿起一塊石頭，通過窗戶砸到老人的床上。符婆婆驚醒，從房間走到院子裡，並在院裡的一口枯井旁如廁，在她提起褲子離開時，歐XX則從身後用木板朝老人的頭部打去。睡在旁邊樓頂上的村民聽到聲響，並大喊「有賊」。歐XX隨即逃走。「受性感視頻刺激，引發性衝動，歐XX當時就想去摸符阿婆，但去了之後，因為害怕老人認出自己，隨即萌生了老人必須死的歹念。」辦案警員說，因為隔壁鄰居發現，歐XX打完老人後並沒來得及摸，就逃離現場。目前，歐XX已被批准逮捕。《南國都市報》





來源: http://hk.apple.nextmedia.com/international/art/20160713/19693000
PermaLink: https://articles.zkiz.com/?id=303526

【馮仁昭四圍超】連詩雅鍾浠文　嘴唇互擦性起

1 : GS(14)@2016-08-16 06:11:23

■Shiga同着deep V嘅鍾浠文（左）火辣激咀，笑言好享受。





連詩雅（Shiga）前晚喺九展開處女騷，着上露肩長裙出場，唱完《到此為止》即喺台上除裙騷長腿，佢自爆：「頭先太興奮，bra帶都爆咗。」到嘉賓周柏豪上台，唱《黑》嗰陣，Shiga瞓喺梳化畀柏豪由腳摸上膊，仲疑似掂到Shiga波邊，柏豪又壓喺Shiga身上鼻碰鼻，但係兩人嘅纏綿互動，表現有啲生硬。跟住Shiga演繹《血一般紅》，輪到柏豪過氣緋聞女友鍾浠文（Zelia）伴舞，着住deep V嘅Zelia，同Shiga激情互摸波撞波兼掃pat pat，Zelia仲瞓喺Shiga大髀上，最後兩女嚟個火辣激咀，Shiga錫到唇膏都花晒，觀眾當然尖叫拆天。Shiga話：「相信我攞咗Zelia台上初吻，大家見我好似儍更更，但我都有陰暗一面。」



■Shiga喺處女演唱會騷長腿，仲興奮到爆bra帶兼甩耳環。

■Shiga同柏豪生硬纏綿鼻碰鼻，因為柏豪感冒取消玩咀嘴。

■Shiga媽咪聽到女兒自彈自唱，感動到喊。


多謝媽咪

前晚Shiga仲多次爆喊，佢多謝媽咪話：「我哋相依為命，有困難時都係佢一個人承受，唔會畀我捱任何苦。」兩母女台上台下齊喊，之後Shiga感謝同事、朋友支持又再喊，場面感人。完騷後，Shiga坦言同Zelia咀嘴好享受，但否認轉軚鍾意女仔。問佢有冇畀柏豪掂到波邊？Shiga話：「自己有打底，入面係girdle，相信佢摸到鋼線。」撰文：馮仁昭




來源: http://hk.apple.nextmedia.com/entertainment/art/20160815/19736182
PermaLink: https://articles.zkiz.com/?id=305950
Next Page
ZKIZ Archives @ 2019