ZKIZ Archives


「逢星期一跟教練學跑」Rosanne囝囝運動會獎牌健將

1 : GS(14)@2016-11-24 07:39:37

■黃婉君結婚生仔之後隱退,平日主力照顧兩個兒子。讀者提供圖片



【爆相爆片】前組合2R成員黃婉君(Rosanne)09年嫁中英混血牙醫白恩庭後,專心相夫教子,育有5歲大仔白迅(Dylan)和3歲細仔白晨(Daniel)。日前一家四口到九龍仔公園參加親子運動會,讀者趙太透過「爆相爆片」分享,大讚Rosanne的兩個混血囝囝好靚仔,Rosanne一家好溫馨!



■爆相爆片的讀者大讚Rosanne兒子又叻又靚仔。讀者提供圖片

■Rosanne的兩個囝囝參加比賽,獲得不少獎項。

■Rosanne的丈夫休息時,講故事氹兒子。互聯網圖片


專遞水支援

趙太接受本報電話訪問:「嗰日朝早10點幾喺九龍仔公園,見到Rosanne同老公帶囝囝參加親子比賽,爸爸同細仔玩30米接力賽,兩個仔都好乖又靚仔,佢老公跑得好勁,一支箭飆咗去,Rosanne就冇落場玩,全程負責照顧,一時湊大仔一時湊細仔,又遞吓水畀佢哋飲,一家好溫馨。」趙太續說:「佢哋好似正常家庭咁,見到人望住冇閃閃縮縮,嗰日玩咗3個鐘,天氣都好熱,佢哋冇同其他家長傾偈,可能佢哋講英文關係。」之後Rosanne接受本報電話訪問:「我嘅小朋友每逢星期一都跟教練學跑、學跳、擲豆袋,教練會通知我哋每年有乜嘢運動會參加,嗰日係我嘅3歲細仔第一次參加運動會,大仔就第二年參加,佢好積極㗎,參加咗20米、30米、60米,又同爹哋玩親子接力賽攞咗冠軍,其實每一項都有攞獎,第1至3名有獎盃,第4至6名有獎牌,成績都算唔錯啦,每項都有收穫。」


「長大唔學壞」

Rosanne知道有讀者讚其兒子又叻又靚仔,她說:「多謝讚佢哋,但見到佢哋就唔使講靚仔呀,嘻嘻!其實冇乜嘢叻,主要係想佢哋做運動,因為我同爸爸都係運動型,想佢哋朝住呢個方向,做運動嘅小朋友都比較健康啲,長大咗點都唔會學壞,唔會吸毒做呢啲嘢,盡量輔助佢哋去啱嘅軌道。」採訪:皓騫




來源: http://hk.apple.nextmedia.com/entertainment/art/20161124/19843398
星期一 星期 教練 學跑 Rosanne 囝囝 運動會 運動 獎牌 健將
PermaLink: https://articles.zkiz.com/?id=316831

【馮仁昭四圍超】Rosanne宣佈封肚

1 : GS(14)@2017-02-08 22:31:43

前組女子合2R成員Rosanne傳三度懷孕,早前出動孕婦三寶:平底鞋、鬆身裙同披肩去睇戲。前晚啱啱喺奧地利滑雪返港嘅Rosanne接受電話訪問,否認做雞年媽咪:「我冇呀,我兩個仔夠啦,唔生啦,我同老公之前冇乜嘢時間拍拖,結婚之後好快有BB,所以?家諗住小朋友大個啲,我哋仲有少少青春,可以去拍拖仔咁囉,所以諗住唔生啦。」撰文:馮仁昭




來源: http://hk.apple.nextmedia.com/entertainment/art/20170208/19920870
馮仁 仁昭 四圍 Rosanne 宣佈 封肚
PermaLink: https://articles.zkiz.com/?id=326014

傳楊明暗撻「白淨版Rosanne」莊思明得啖笑:邊有咁易呀?

1 : GS(14)@2017-05-18 01:10:55

浪子回頭係咪真係金不換?情史厚過演出史嘅楊明,舊年因拍《愛‧回家》,撻着同劇嘅大馬拿督千金莊思明,兩人好快就認愛,又不時喺社交平台孖住放閃,楊明早排接受訪問時又放聲氣話想成家立室,以為佢滾……係情場翻滾咗咁多年,又已屆36歲,終於肯修心養性,揀定一個伴侶,唔做浪子啦,點知一樣有是非流出。昨日有周刊報道楊明背住女友莊思明,暗媾現年28歲、貌似「白淨版Rosanne」嘅大台姐仔郭千瑜(Mina),報道指楊明喺自己擔正嗰套《抱佣情人》中,對Mina照顧有加,就算喺月前一場外景戲中,大熱天時困喺架開篷巴士上拍攝,唔使埋位個個落車唞氣期間,楊明同Mina都留喺車上,享受獨處時光。報道除咗話楊明除低頸巾畀Mina遮太陽之外,更指楊明對女方面部吹氣,又似想對女方晒肌騷quali咁,仲講到佢哋傾偈時,楊明用下身對正Mina頭部……吓?!周刊指其實好多人都見到楊明同Mina啲曖昧行為,但就當睇唔到。同晚劇組拉隊去尖沙嘴慶功,莊思明冇份演但卻有現身,楊明勁識做,攬實女友好sweet咁,周刊指Mina見到「正印」在場就扮冇嘢,楊明亦表現得比較收斂。睇番Mina個facebook,發現佢經常貼自己啲開工相上去,當中唔少得同楊明嘅合照;至於報道中提及嘅慶功宴,Mina除咗喺大合照中同楊明及莊思明同相現身外,仲有一張係莊思明同楊明包抄Mina影嘅合照,真係三個主角都喺齊度喇。報道稱,被蒙在鼓裏嘅莊思明,今個月初接受網台訪問期間,提及同楊明嘅婚事,佢承認兩人之間有共識,亦唔係玩玩吓,不過當同場嘅周志文送上恭賀時,莊思明又即刻閘住,其實莊思明係咪已經索到陣除……?對於背女友莊思明、暗撻Mina嘅報道,正身處越南拍劇嘅楊明昨日回應傳媒話:「其實我坐嗰個位,就係我要埋位嗰個位,而嗰個女同事企嗰個位,亦係埋位嗰個位,咁同事未埋位傾幾句就叫做『媾』,咁一日咪媾好多人?」至於莊思明亦對男友百分百信任,佢回應傳媒時就話:「哈哈,佢send咗段報道俾我睇啦,其實真係冇嘢、得啖笑咁囉,行過傾吓偈就話撻着,邊有咁易呀?如果係咁,每拍一套劇咪要換一個女朋友?」「其實佢係一個好有交帶嘅人,去到邊做緊乜,都會同我講,反而我自己唔算交帶,佢咁做,搞到我都要成日向佢報到。況且,千瑜我本身都識,咁就更加冇可能(撻着)啦!」問到同男友婚期,莊思明就話「在心中」:「冇呃你哋,婚期係未定,不過大家對呢樣嘢一早有共識。」而楊明頭先更喺Instagram貼咗一張佢瞓喺屋頂嘅相,仲留言話:「第一次到越南感覺非常好,天氣、風景和食物全部都好,還有謝謝劇組為我挑選的露台房間,讓我可以曬太陽。(我真的很喜歡睡覺的)」睇嚟未受周刊報道影響心情。至於莊思明就同家姐開工,兩姊妹仲輪流貼相上Instagram。




來源: http://hk.apple.nextmedia.com/entertainment/art/20170517/20024198
楊明 暗撻 白淨 Rosanne 莊思 思明 明得 得啖 啖笑 邊有 有咁 咁易 易呀
PermaLink: https://articles.zkiz.com/?id=333157


ZKIZ Archives @ 2019