布偉傑促黃子恆澄清
1 :
GS(14)@2016-06-20 05:45:24程芷渝、布偉傑等人昨日在尖沙嘴出席網台新節目記者會,黃子恆最近與裕美的緋聞鬧得熱烘烘,布偉傑以前有跟他一起踢足球,但最近少見,布偉傑指沒留意新聞。對於黃子恆被裕美老公指摘,布偉傑說:「快啲出嚟澄清都好,就算有乜原因,或覺得做錯事都應該早啲面對,有乜講清楚,負責番自己嘢。」程芷渝會擔任節目主持,稱話題大膽,嘉賓亦可隨意爆粗,亦會接聽聽眾電話,但不怕會有人講鹹濕說話,她說:「有fans試過打嚟講無謂嘢,亦都有人話鍾意我,都尷尬。」之前有DJ遇癡情粉絲等,她稱雖有人等放工,但有助手保護。採訪、攝影:王連連
來源:
http://hk.apple.nextmedia.com/entertainment/art/20160620/19660895
反傳統無接新娘無翅無酒布偉傑擺酒 狂啜老婆
1 :
GS(14)@2017-06-18 22:07:19藝人「阿一」布偉傑(Brian Burrell)昨日在科學園擺酒,新娘子是相交三年、任職化妝師的Celia,上月兩人已在美國結婚,阿一還在Instagram上載跟太太的婚戒,宣佈「我們結婚了」。昨傍晚6時左右,布偉傑跟太太Celia現身跟傳媒見面,一對新人非常合作,應大家要求咀個不停。拍完合照後布太先返入婚宴場內招呼親友,留下阿一接受訪問。阿一透露昨晚筵開25圍,邀請了姜皓文(黑仔)和太太金慧英、河國榮、喬寶寶、趙哲妤和陳明恩等人。
■人緣好的布偉傑,獲姜皓文夫婦等一班好友到賀。
再諗蜜月地點
不過昨早阿一沒有入鄉隨俗進行接新娘儀式,原因是太太覺得悶,他說:「因為太太經常幫新娘化妝,又成日做婚宴司儀,覺得有啲悶,所以今次我哋決定反傳統,冇接新娘儀式,甚至今晚嘅餐單都好特別,唔會有乳豬同魚翅,因為宗教關係唔會提供酒,但係音樂性好豐富,會有live band演奏。」他更透露會親身上陣,唱兩首非常有意思的英文歌冧太太。談到上月20日在美國猶他州註冊,問到這個日子是否有特別意思時,阿一哈哈大笑說:「唔係,只係咁啱嗰日係好日子,所以咪註冊!」他原定到美國蜜月旅行,不過經傳媒報道後,太太認為只算返「鄉下」,所以阿一要再度地方,他說:「我前幾日喺活動話本來去美國蜜月,點知太太睇完之後話嗰啲唔係叫蜜月,係叫返鄉下,所以我?家會再研究一下去邊,不過我哋工作都好忙,嚟緊要做舞台劇,10月又要去泰國拍電影,睇吓到時可唔可以夾一夾時間,去泰國北部或者柬埔寨旅行!」
■趙哲妤打造了金飯碗及筷子送給一對新人。
■關伊彤與彭皓鋒出席婚宴送上祝福。
黑仔讚有義氣
另外,黑仔表示和阿一相識已久,大讚對方說:「佢份人好夠義氣,有乜事出聲都會幫手,佢太太仲幫我太太化妝,大家又係養貓之人,成日交換心得。」趙哲妤則表示打造了一對金飯碗和金筷子給新人,祝他們豐衣足食。採訪:馬建華攝影:陳慧安
來源:
http://hk.apple.nextmedia.com/entertainment/art/20170617/20058555
Celine爸爸想收Artist級學生 「一哥」布偉傑學唱歌有折扣
1 :
GS(14)@2017-06-25 09:31:25曾經係大台「御用老外」嘅「阿一」布偉傑(Brian Burrell)日前同拍拖3年嘅化妝師女友Celia拉埋天窗,原來佢都曾經跟Celine爸爸譚順生(DR.Steve)學過唱歌。而譚順生嘅facebook都曾經以一哥作招倈話曾經跟過佢學唱歌。前日布偉傑接受《蘋果》電話訪問,佢話去年初經朋友介紹下跟譚順生學唱歌,佢話﹕「係TVB一位排舞老師介紹,佢話Steve想搵一啲artist級嘅學生,所以就去咗。(有冇收平啲?)都算係有big discount嘅。(知唔知facebook用你嚟宣傳,介唔介意?)冇問題,我哋係朋友。」對於薛家燕對譚順生嘅批評,一哥就話唔太清楚。不過,阿一上咗幾個月就跟咗其他老師學唱歌,佢解釋﹕「佢都教得好好,不過因為我有其他原因,所以轉咗老師。」問到跟譚順生學唱歌最大得着係乜?佢話﹕「最得着係震音,佢好鍾意集中喺震音。」
來源:
http://hk.apple.nextmedia.com/entertainment/art/20170624/20066978
Next Page