唐寧湊成好字封肚
1 :
GS(14)@2015-04-06 23:45:06
唐寧昨日在西環出席復活節活動，產後首次露面的她坦言如無意外會封肚，她說：「一仔一女湊個好字，已經好滿足，
四叔擺百日宴 捧孻孫做千里駒徐子淇透視晒巨鑽 宣佈封肚
1 :
GS(14)@2016-01-18 00:57:52【勁閃巨鑽】■作為主人家的子淇昨晚接受訪問時，不經意大晒手中巨鑽。
恒基千億新抱徐子淇昨晚為孻仔李建熹（Preston）在中環摩天輪旁搭巨型帳篷，斥資千萬搞超豪百日宴，建熹貴人出門招風雨，生日會要在雨中舉行。子淇笑言兩個「好」字夠晒數，宣佈封肚，四叔更大讚孫仔相貌端正，精乖伶俐，希望他能成為李家千里駒。千億新抱徐子淇與恒基二少李家誠所生的孻仔李建熹（Preston）上年10月初出世，萬千寵愛在一身，李家更斥資千萬，為他一連兩晚在中環摩天輪旁，搭建巨型帳篷搞超豪百日宴，盡顯他孻仔孻心肝的超然地位。昨晚為首晚的百日宴，建熹出門招風雨，生日會要在雨中舉行。昨晚約7點15分，作為主人家的子淇與夫婿李家誠坐Bentley房車到場，相信二人的子女，包括「主角」的建熹BB已秘密入場。子淇夫婦會合「四叔」李兆基，齊齊行到傳媒接待區影相，當時天公造美，忽然停雨，打着紅呔襯西裝的四叔全程笑笑口，之後就揮手先返回會場。
兼賀結婚10周年
子淇身穿本地時裝設計師Vivian Luk設計的白藍色透視刺繡晚裝襯鑽飾，相當性感，她與老公留下做訪問，問到她準備甚麼給BB？她表示：「BB唔係好識，因為好多朋友冇見過BB，所以就搞一個party畀親朋戚友一齊高興吓。」再問到籌備時間，子淇表示：「唔係好耐，好多嘢都係自己搞。」記者提到連埋建熹已湊成兩個「好」字，是否會封肚？她笑言：「好開心好開心好開心，唔追啦。」
【超豪派對】■中環摩天輪首次以私人用途租出給徐子淇夫婦搞百日宴，盡收維港及中環摩天大廈夜景。攝影：陳海威
■「四叔」李兆基與子淇夫婦冒着風雨接受訪問。
■百日宴動用了過萬朵紫藤、牡丹花及樹等，營造園林美景。攝影：陳海威
席間，四叔在台上致辭，大讚孫仔：「孫仔相貌端正，精乖伶俐，令我十分安慰，希望佢長大後做到才貌雙全，將家族發揚光大，成為吾家嘅千里駒，家誠同子淇結婚踏入第10個年頭，已經育有兩仔兩女，湊夠兩個好字，為屋企增添好多歡樂同生氣，而我百忙之中都會抽空去海洋公園同佢哋睇海豚、去迪士尼遊戲玩樂，閒時會遊山玩水，其樂無窮。」
【三代同堂】■四叔捉着建熹小手，與子淇夫婦影合照。
■肥嘟嘟的建熹BB相造型百變，以電腦加工在生菜上，十分可愛。
【裸照曝光】■光豬仔的小建熹在馬蹄蘭上酣睡。
今次百日宴以花園為主題，皆因子淇夫婦於06年在澳洲完婚時，也以此為主題，而今次百日宴亦同時慶祝二人結婚10周年。李家設計了綠色調子的禮物盒作回禮，內有掛了建熹的BB相的摩天輪相架，及印有Preston字的餅乾。另外，大會發放兩張子淇與李家誠輪流抱着建熹BB與四叔的合照，三代同堂十分溫馨。還有建熹BB的單頭裸照，造型趣致。採訪：張俊銘、盧妹攝影：陳俊強、仇志德
來源:
http://hk.apple.nextmedia.com/entertainment/art/20160116/19454036
陳琪陀仔生完封肚
1 :
GS(14)@2016-08-07 02:13:50胡諾言和陳琪昨日帶即將4歲的二女胡芷悠到灣仔會展出席「Philips AVENT」活動，胡仔變身大肚造型示範上落床、穿衣服着鞋及執拾物品，體驗孕婦生活。一家三口溫馨在台上傾偈，胡仔抱住愛女時，囡囡突然撒嬌講秘密，大爆媽媽肚入面的BB是細佬！陳琪懷胎七個月，一直對BB性別保密，胡仔說：「仔女都一樣開心，已有兩個女，只係二變三，諗住遲少少先公佈。」陳琪說：「身邊好多朋友想知，我哋之前都話唔講，佢哋已經唔好意思再問，但兩個女經常提起，二女會話想買呢樣畀細佬，但大女會話唔講得㗎。」陳琪透露於10月中開刀生，之後就封肚。採訪、攝影：卓寶花
來源:
http://hk.apple.nextmedia.com/entertainment/art/20160806/19724588
懷孕六個月封肚之作吳忻熹生雞B獎大女
1 :
GS(14)@2016-09-30 08:09:02■近日吳忻熹（左）與女友人high tea，合照時谷奶大肚身形曝光。互聯網圖片
下月滿42歲的98年港姐季軍吳忻熹（前名吳文忻），五年前嫁給有「南丫島王子」之稱的金融才俊陳劍陵，婚後淡出幕前的她，兩年多前誕下囡囡陳芊彤（Scarlet），全職相夫教女。一直有意再生的吳忻熹，希望兩個夠晒數，估不到造人成功，已陀B六個月，預產期是明年2月農曆新年後。
■吳忻熹（右）現時懷孕6個月，上圍明顯升cup不少。互聯網圖片
■吳忻熹上月底送囡囡Scarlet返幼稚園，身穿白色恤衫及短褲，未見孕味。資料圖片
■吳忻熹囡囡陳芊彤兩歲多，她與丈夫陳劍陵才於上月初在教堂補辦婚禮，吳的父母在場見證。
閨密洩喜訊
吳忻熹雖活躍facebook，不時分享生活照，但近日貼出的多是半身或自拍相，甚至與老公及囡囡的相片，亦未見她貼出全身照，明顯想將陀B消息保密。可是吳忻熹的閨密日前貼出與她high tea，相中見穿上黑色貼身衫的吳忻熹腹大便便兼谷奶，身形脹了一個碼，陀B喜訊曝光，以她的預產期推算，吳忻熹腹中正陀雞B。
仔女賣關子
上月底湊女返幼稚園的吳忻熹，當時身形已非常圓潤，身穿短褲的她，以為只是心廣體胖，原來是有孕，上周相約友人欣賞鄭秀文演唱會的她，都未有將再懷孕喜事張揚，明顯是想低調處理。已有一女的吳忻熹，一直恨再追B為囡囡作伴，她開心迎第二胎，昨日在電話中說：「收到好多朋友嘅祝福。」問到腹中陀仔還是陀女？她大賣關子：「大家估吓，到時先揭盅。」吳忻熹表示這一胎為大女而生，是送給Scarlet的禮物，生完後便封肚，實行兩個夠晒數。採訪：陳杰
來源:
http://hk.apple.nextmedia.com/entertainment/art/20160930/19785895
徐子淇封肚唔生B
1 :
GS(14)@2016-10-15 12:12:15■徐子淇昨指早前和老公李家誠被影到接吻魚相，覺得很尷尬。
■徐子淇（右）昨以大使身份出席籌款晚宴。
徐子淇和老公李家誠昨到尖沙嘴出席智行基金會籌款晚宴，身為大使的子淇佩戴英皇珠寶贊助價值逾1,700萬元、超過100卡的鑽飾登場，她說：「半年前籌備晚宴覺得好辛苦，因為香港經濟冇咁好，好難搵贊助，好在自己冇放棄，估計籌到超過500萬。」早前子淇夫婦被讀者影到在美國環球影城變身接吻魚，問是否計劃生第五胎？子淇說：「其實都好尷尬，好多人打嚟笑我哋，聽朋友講啲人喺街影相可以賣到報館，其實你哋影到相可以賣番畀我，我畀多過報館少少。」問會否再生B？她說：「唔生啦，夠啦，希望多啲時間陪佢哋。」採訪：羅慧敏攝影：林德雄
來源:
http://hk.apple.nextmedia.com/entertainment/art/20161015/19801080
林嘉欣決定封肚
1 :
GS(14)@2016-11-26 13:51:11林嘉欣昨日在K11出席《agnès b. STYLISTE》新書發佈會暨簽書會，品牌創辦人兼設計師agnès專程來港出席簽書會，並向林嘉欣送上簽名自傳，林嘉欣表示會細閱agnès的生活點滴，嘉欣說：「我有兩個（小朋友）都好難兼顧家庭同工作，佢有五個小朋友點兼顧咁多？真係好崇拜佢！」問林嘉欣是否兩個夠晒數？她說：「兩個係好好嘅數字，佢哋有個伴，我決定收工封肚。妹妹有話想要，因為佢覺得細佬妹係公仔。之後我話畀佢知，佢哋會嘔奶同喊，佢就做咗一個鬼臉出嚟。」林嘉欣透露早前跟女兒到小學面試：「而家等通知，我都係想畀佢哋讀番本地學校，因為我覺得中文好緊要，其實最重要係家庭教育，呢個係一個核心。」採訪：曹家誠攝影：陳順禎
來源:
http://hk.apple.nextmedia.com/entertainment/art/20161126/19845715
陳曉東尊重老婆封肚
1 :
GS(14)@2017-01-12 08:08:34陳曉東（東東）昨日在葵芳拍頭髮健康產品廣告，產品前代言人是DJ森美。問東東是否取代對方？他說廣告換代言人好正常，又指已有十年沒有在港拍廣告。東東說：「本來?家喺深圳拍劇，但delay到過埋農曆年先拍，農曆年就會去新西蘭做跨年騷，新年就陪小朋友。」東東老婆已為他誕下一對寶貝女，他說太太表示封肚：「大女同細女相隔一年就生，老婆都要唞吓，尊重老婆決定，而且生唔生冇所謂，都怕囝囝會難教啲。」另外，東東指家中近日大裝修，想打造成六星級的家。採訪、攝影：馬建華
來源:
http://hk.apple.nextmedia.com/entertainment/art/20170112/19893664
吳忻熹封肚拒追仔
1 :
GS(14)@2017-04-15 23:27:58吳忻熹（前名吳文忻）今年1月誕下細女，至今仍未收身，前晚她在柴灣接受ViuTV《晚吹—總有一件喺左近》訪問，表示相比最瘦的時候，還要減20磅。她解釋因為餵人奶，所以不可減食，怕自己無奶水。被問到會否做回幕前工作？吳忻熹說：「暫時冇諗，專心湊女先，同埋?家咁多後浪。以前喺TVB都唔係拍咁多劇，做主持為主，其實都想做吓幕前，因為會有動力去keep fit，不過又唔想用咁多時間，想珍惜同小朋友相處嘅時間。」至於會不會再追仔？她說：「唔會喇，收工啦！其實都有諗過追個仔，但諗落都係唔好，玩自己咩，先生都冇所謂。」採訪、攝影：卓寶花
來源:
http://hk.apple.nextmedia.com/entertainment/art/20170415/19990540
湊夠「好」字 太太封肚應昌佑添6.1磅B女
1 :
GS(14)@2017-06-25 10:11:19■應昌佑再做老竇，囡囡Alison昨日清晨出世。
現年38歲的應昌佑（Charles），12年跟拍拖九年的女友Mandy結婚，婚後積極造人，大前年已經榮升人父，老婆替他誕下囝囝應嘉軒。早已計劃為應家再添一員的Charles，早前宣佈太太陀B女，預產期在本月尾左右，昨日Charles終於在社交網報喜，指太太為他順產誕下「前世情人」，囡囡出世重6.1磅。
■Alison出世重6.1磅，樣子跟哥哥出世時很相似。
■應昌佑昨日帶囝囝應嘉軒到醫院探媽咪及妹妹。
■嫲嫲冉肖玲負責為Alison改中文名。資料圖片
入產房剪臍帶
Charles為70年代當紅、有低音歌后之稱的冉肖玲之子，雖然Charles入行以來歌運平平，但感情生活一直順風，他昨日接受《蘋果》訪問說：「老婆今日（昨日）凌晨四點幾生咗，噚晚（前晚）11點幾催生，因為本身已到預產期，估唔到幾個鐘就生咗。」問Charles可有為囡囡剪臍帶？他笑說：「有呀！醫生問我剪唔剪，我話剪，因為上次都有剪，我唔會偏心嘅！」至於可擔心囝囝會呷醋？他指囝囝放學後到醫院見到妹妹，但之前已跟他說快會當哥哥。Charles謂：「人哋教佢買定禮物畀哥哥，話係妹妹送，做咗都冇壞吖，所以我早已買咗玩具送畀佢，話係妹妹送，佢都好開心。」
嫲嫲改中文名
笑問Charles會否叫太太再生？他即笑言：「夠皮喇！一仔一女都係我同老婆想要嘅，好幸運，好多人想追都冇，可能係兩個仔或者兩個女。」Charles指囡囡英文名叫Alison，中文名則留待嫲嫲、即其母冉肖玲負責。採訪：小米
來源:
http://hk.apple.nextmedia.com/entertainment/art/20170623/20065409
Next Page