ZKIZ Archives


許亦妮神秘失蹤 麥美恩最受網民追捧

1 : GS(14)@2016-12-17 23:54:36

29歲嘅朱晨麗係2011年港姐冠軍,而同會同屆嘅佳麗,有唔少都係噏得出名嘅,不話都係敵不過命運,咩命運?咪就係......奀星命囉!亞軍同朱晨麗同年嘅朱希敏,當選後仲代表香港參選世界小姐,而喺大台嘅作品真係少之有少,代表作已經算係主持《香港美食100強》。佢最出名就係2012年被爆同07年落選港男李善恆拍拖,不過2014年男方被影到同偷嗒巨乳女,最後朱希敏決定分手。近年,朱希敏甚少現身幕前,只係間唔中出席活動,又為慧妍雅集擔任公關。季軍今年28歲嘅許亦妮當選後即刻加入大台,佢仲主持過唔少節目同拍劇,不過因為緋聞不絕加上有佢傾續約時獅子開大口後遭雪藏。不過最神奇嘅佢拍完《潮流教主》之後,佢唔單止冇再露面,而且仲係網絡上絕跡,直今仍然係音訊全無。第四名雖然麥美恩落最後落選,不過佢仍獲大台賞識,仲去咗娛樂新聞台主播,而佢因為主持《學是學非》,因為喺節目內成日都俾其餘幾位主持欺負,仲有搞笑演出,而俾網民激讚上位。落選其餘噏得出名嘅佳麗仲包括:劉思希、梁麗翹、甄敏婷、蔡慧欣。其中做過「神獸天使」嘅蔡慧欣同主力都係做配角嘅甄敏婷都已經離開大台,至於劉思希同梁麗翹,一個就繼續拍劇做三、四線角色,後者就做主持,星運都係麻麻。




來源: http://hk.apple.nextmedia.com/entertainment/art/20161217/19868363
PermaLink: https://articles.zkiz.com/?id=319370

「雙麥」撞樣麥明詩自爆被「大王」叫錯麥美恩

1 : GS(14)@2017-01-09 08:11:30

同是港姐出身嘅麥明詩同麥美恩雖然性格各異,一個斯斯文文,一個大癲大肺,但望真啲原來佢哋有好多相似地方。佢哋唔單止同姓三分親,昨日仲分別喺ig貼咗同一張合照,完全撞晒樣,望落有八成相似,只係麥美恩有個酒窩同厚唇,而麥明詩眼袋大少少,令人儍儍分不清邊個係邊個?麥明詩留言﹕「除咗大家都姓麥之外,仲有啲人覺得我地似樣添!#如果我口才似你就好啦。」麥明詩仲自爆畀「大王」安德尊叫錯做「麥美恩」,麥美恩搞笑回覆﹕「好名!」有網民更留言問佢哋係咪親生,因為實在太似咁話。




來源: http://hk.apple.nextmedia.com/entertainment/art/20170109/19891278
PermaLink: https://articles.zkiz.com/?id=322039

是非精封盤了麥美恩戀男主播許文軒

1 : GS(14)@2017-03-03 00:59:50

女神有好多種,唔一定要係大眼V煞公仔樣嘅,好似近排受網民熱捧嘅11年落選港姐麥美恩(Mayanne),當年攞梗頸四闊口闊面嘅佢,由於性格開朗又搞笑,做《學是學非》成功入屋,仲俾網民封做「甜心小姐」。前日係麥美恩30歲生日,佢同拍檔兼老友黃心穎一齊慶祝生日,事後心穎BB就留言對壽星女講笑話:「邁向40,全力以赴,盡快嫁到!」咁o依家心穎BB望落有個馬明BB,着緊吓好姊妹嘅感情生活都好正路。不過心穎BB唔使擔心喎,昨日就有報道話麥美欣終於開齋,同無綫娛樂新聞台節目《StarTalk》做主播嘅許文軒暗撻。有傳媒日前就影到拎住紥花嘅許文軒,做柴可夫到麥美欣位於將軍澳嘅寓所接女方,再到九龍灣一間餐廳會合其他主播,期間麥美欣不時同許文軒眉目傳情過電,睇嚟呢位「甜心小姐」,喺30歲前,成功封盤囉!




來源: http://hk.apple.nextmedia.com/entertainment/art/20170302/19945056
PermaLink: https://articles.zkiz.com/?id=327457

【馮仁昭四圍超】癲喪麥美恩談情認真

1 : GS(14)@2017-04-17 07:20:13

麥美恩同何遠東噚日到荔枝角參與復活節活動,麥美恩話近年除咗癲喪一面,亦畀人見到深情一面,問佢癲一面會唔會嚇怕追求者?佢話:「又唔會,咁多年冇公開就知幾認真,到公開就係過咗家人朋友關嘅真命天子。」演殺母戲而人氣升嘅阿東首次做商演,由最初幾集批評戲屎要求腰斬戲份,到殺人一幕後大獲好評,佢自覺係舒一口烏氣。撰文:馮仁昭




來源: http://hk.apple.nextmedia.com/entertainment/art/20170417/19991997
PermaLink: https://articles.zkiz.com/?id=330871

麥美恩歡迎俾小方食

1 : GS(14)@2017-04-28 02:11:05

方力申與麥美恩昨日於銅鑼灣出席活動,小方玩遊戲前表明要跟3位女隊員保持距離,問到是否怕緋聞女友陳瀅生氣?小方說:「呢一年大家好關心我,緋聞一隻手都數唔晒,個個都話我犀利識咁多女仔咁花心,之前同Stephy(鄧麗欣)十年都好專一,點解覺得我大解放?你當我之前坐監咩?」而麥美恩則多謝小方玩遊戲時很關照,小方笑說:「睇住你嚟食。」麥美恩回應:「無任歡迎。」採訪:羅慧敏攝影:陳慧安



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001442
PermaLink: https://articles.zkiz.com/?id=331705

細奀時代:麥美恩的無奈

1 : GS(14)@2017-09-17 16:35:56

這一屆的香港小姐競選,竟然惹起極大迴響。其實整件事情裏面,最值得同情的一個人,並非任何一位參選佳麗或者Do姐,而是司儀麥美恩。麥美恩出道幾年,由二線節目主持人做起,憑藉表現及觀眾緣,越來越吃得開,可是這個上位過程,是重量不重質,是多了很多工作,形象上卻未能提升,還是停留在二線。好了,終於迎來一個難得的機會,擔任香港小姐競選這個傳統大騷的司儀,可以向觀眾證明有實力出得到大場面,去到另一個層次。怎料整個節目出來完全唔對辦,一個又一個鏡頭穿崩,不知所云的問答環節,兒戲的評判模式,以及強行入侵的猩猩公仔,令到節目格調有如兒歌選舉。千辛萬苦做好自己,希望一新觀眾耳目,出來的效果事與願違,並非麥美恩原來都得喎,而是怪唔之得搵麥美恩啦,要慳皮嘛。她的全盤努力,就被一班得且過的老油條製作人員所抹煞,可憐麥美恩不知道要等到幾時,才再有另外一次出大場面證明自己有能力上一線的機會。


豬隊友越來越多

今次麥美恩的經歷,可以說是不少香港年輕人的寫照。上一輩恃老賣老,對年輕人指指點點,說是急功近利未能刻苦諸如此類,卻不會反省,到底自己為年輕人搭建了甚麼平台去發揮。說是經驗豐富熟能生巧,實質上卻是馬虎了事,交差便算,唯一主要成就,可能只是年輕時好彩買了一兩間物業,就自以為是事業有成,投資達人。麥美恩更勁也好,都不可能靠網上直播的簡陋製作去升呢,的確需要一套認真的製作去扶一把。大家都不會想,原來新人難上位,理由其實是舊人做得差,更加可惜就是香港老一輩越來越多成為豬隊友,不是跟不上時代,便是意興闌珊,索性標尾會賣盤給國內人便算。於是大部份年輕人要由零開始,自己搭建平台去搏殺,事倍功半,風險又高,自然個個寧願穩穩陣陣做個專業人士或者打份工便算,願景不吸引,怨氣自然重。其實上一代要回饋社會並不難,做好自己本份,不交行貨,提供平台及配合年輕人發揮便足夠,希望不會再有幾多個類似麥美恩的個案,亦祝願麥美恩好運。



阿飛本欄逢周二刊出




來源: http://hk.apple.nextmedia.com/financeestate/art/20170912/20150143
PermaLink: https://articles.zkiz.com/?id=341123

麥美恩 幸運的鄰家女孩 2018/03/09

1 : GS(14)@2018-03-12 02:37:25

https://skypost.ulifestyle.com.h ... 6%E5%A5%B3%E5%AD%A9


麥美恩

相約無綫《萬千星輝頒獎典禮》今屆「飛躍進步女藝人獎」得主麥美恩(Mayanne)做專訪,這位人氣主持一直忙着拍攝不同節目,受訪前一晚才剛從泰國拍攝《學是學非》回港。可想而知,獲獎與否都要馬不停蹄,努力奮鬥;得了獎,更要加倍努力,報答觀眾的支持。

麥美恩出生於加拿大溫哥華,大學時主修化學,卻因緣際會參加《2011香港小姐競選》,來港發展。她表示︰「我從小到大的性格都是順其自然,誤打誤撞,遇到甚麼也嘗試。反正nothing to lose,我很享受跳出安全區,踏出第一步後,會知道那份工作是否適合你。」

感激幕後與拍檔

台慶頒獎禮當晚,Mayanne領獎時感動流涕,真情盡露,全因她知道這個獎得來不易。「從前獲得這獎項的,很多都靠拍劇,上次有主持獲得這個獎,已經是崔建邦(07年)。一個女主持能夠突出自己的特質,還被觀眾接納,真的很難。對我來說,這是一個團隊的獎項,一班撰稿、編審、導演、監製都很用心栽培我,給予我很大自由度去發揮,功勞非常大。」

這位觀眾心目中親切可愛的鄰家女孩,原來是家中的孻女,她坦言愛引人注意的個性,是初入行時的難題。「我很懂得怎樣突出自己,但同時要顧及拍檔的感受,會否過了火位,搶了焦點?幸好遇到一些好對手,大家懂得運用我這古靈精怪的個性和特質。近年,又可以跟一些前輩合作,例如︰志偉和叻哥;甚至年輕的有森美、陸浩明等,他們給我很多意見,對我很信任,讓我把自己的東西放進對白裏。我會保持謙虛學習的態度,希望表達上做得更好。事實上,我已經比起很多人幸運了。」

家人撑來港發展

來港發展多年,Mayanne體會到家人從小的教導,令她受用良多。「爹哋媽咪由細到大都着重實幹,很少理論,覺得要行動為先,與其勸你或是責罵你,你不如做出來證明一切。他們最初擔心我不適應、太過辛苦,或害怕我受傷害。爹哋很含蓄,很少表達感情,但他其實很替我感到高興,知道我找到一份自己喜歡的工作。」

至於Mayanne領獎時特別感激的公公︰「他於97年過身,公公不止教我中文,那種無條件的愛,對我影響最大。我的家庭是基督教背景,有些核心價值很一致,某程度上,影響我和兩個哥哥做人做事,也令到我們的感情很堅固。當我來到香港,發覺不容易時常見到家人,所以現在更珍惜跟他們一起的時間。」就算分隔兩地,Mayanne和家人的關係依然很親密。

Make Up:Jeff.T.makeup

Hair:Kenneth Tung

場地︰香港觀塘帝盛酒店

撰文︰張靛瞳

攝影︰林良明

編輯︰黃寶恩

美術︰梁政敏
PermaLink: https://articles.zkiz.com/?id=349690

Next Page

ZKIZ Archives @ 2019