📖 ZKIZ Archives

地產稅好肥 左丁山

2011-6-15  AD

波老道豪宅地皮 有112,893平方呎，以116.5億元賣出，地積比係3.856倍，計番樓面呎價係26,763元，由長實投得。豪宅建成後，要賣幾多錢一呎呢？相信 起碼四至五萬元一呎，走唔甩o架嘞。他日若有本港市民以五萬元一呎買入，記得你已透過長實交咗26,763元嘅「地皮稅」，佔咗「售價」嘅56%，如果樓 價高過五萬元一呎，「稅款比例」就會降低。買樓人士有時唔知道自己畀咗稅，究其實，地產商已代佢地以土地拍賣價形式預繳咗，等三四年後向買樓人連本帶利收 番啫，故此政府賣地首先收錢，穩賺不賠，地產商係第二個收錢，要冒時間風險與市場風險（例如信和於九七年三月以118.2億元買入之小西灣填海區地，今藍 灣半島，就因碰上其後之金融風暴，曾撥備撥到喊），但當大市向上時，通常賺到笑。最後之付款人，令政府笑，地產商笑嘅，就係一手新樓買家，其後之二手買家 只會令一手買家笑啫（視乎時間而定，九七至○三年之新樓買家要驚咗好幾年先至笑得出）。 政府賣一幅豪宅地，就收回一百一十六億，幾乎相等於 全年博彩稅或薪俸稅（442億）嘅四分一，如果年年咁好景，直情可以年年派發六千元予所有市民。條數咁易計，點解唔多啲賣地皮呢？尤其是賣五至六幅真正豪 宅地，會收入近千億元嘅噃？一位前高官對左丁山講：「政府心知肚明，土地供應有限，賣一幅少一幅，故此唔敢一下子晒冷。」佢講得冇錯噃，香港土地有近七成 係郊外用地、濕地，得三成面積可用，填海又冇新加坡咁容易，為環保而禁止高密度、屏風樓，又會削減樓宇單位供應量，頭痛頭痛！以左丁山意見，及早宣佈將所 有市區內之工廠大廈區更改用途，容許改建為住宅，先至可以爭取到新土地供應。 一位記者在三藩市郊外買咗一間屋，感覺當地環境好，蘋果在 Cupertino興建UFO式辦公大樓，佔地一百五十畝，令人讚嘆。不可不知，人地有好多地呀，一百五十畝等於六十公頃，大過西九文娛藝術區，只係興建 一個幾層高寫字樓大廈！香港邊度有咁奢侈吖。一位高人講，加州環保團體勢力龐大，限制每年可興建高樓數目，團體嘅游說資源從何而來？咪係一個加州龐大地產 收租集團囉！

月巴氏 - 月巴氏 一個好肥的肥仔，有關打風的疑惑 (2013年08月15日)

1 : GS(14)@2013-08-15 23:06:11

http://www.am730.com.hk/article.php?article=168093&d=2129

每次打風，都是一次死神來了
所以好憎打(得成)風。
搭車超煩外，最重要還是返/放工的路途實在隨時死得人。舊年韋森特襲港，收工途中的我便遇上以下幾件事：
1.風太大，大到竟然將我這個「好肥的肥仔」吹郁，吹到去馬路中心，而咁啱當時有架巨型貨車駛緊過嚟……
2.成功過到馬路，點知有把爛鬼晒的遮突然在我面前飛過！那一刻只要我個頭舂多少少向前，爛遮那隊出來的金屬骨架便會成功幫我割喉！鬼叫垃圾筒旁放滿了被遺棄的爛遮……
3.避過兩劫就嚟返到屋企了——但必先穿越一條兩旁種滿樹的小路。又係突然之間，一條斷咗的粗碌樹枝像標槍般隨著強風直插過來！好彩我總算學過國術(三個月)，習過武的感官話俾我知正有暗器高速襲來，我急提一口氣一個轉身，妙到毫顛地避開呢碌嘢。
同一個晚上經歷了三鑊死神來了後，冇穿冇爛，返到屋企。
所以請明白一個無論掛幾多號風球都要返工的好肥的肥仔，實在有足夠理由好憎打風。

每次打風，都是一次緊張時刻
但在求學年代，作為更肥的肥仔的我，也的確享受過打風帶來的超快感——唔使返學被迫上那些無聊課堂固然極正，如果咁啱撞正考試測驗(而自己又未溫好書)就更加天助我也。記憶中，過去的打風都是來得那麼明刀明槍。
今時今日的颱風卻(被詮釋得)好煩好扭擰。
每一次有颱風將近打到嚟嘞，都要勞煩天文台仝人考慮前考慮後：傍晚時分考慮使唔使掛風球、入夜後又考慮使唔使掛更高風球、第二朝又再考慮使唔使除下風球……而基於資訊實在太過發達，天文台每一次謹小慎微的考慮，都會事先張揚讓全香港(渴望打風和好憎打風)的打工仔知道，讓所有打工仔共同地情緒繃緊，例如這一次尤特襲港——事前被渲染到超級颱風咁勁，究竟打唔打得成？入夜後先掛8號的話，會唔會清晨就落波——但天文台明明又話朝早先最接近本港喎……
OK，一早爬起身，知道8號波依然穩如泰山，點知天文台又話下午2點前後，再考慮會唔會改掛3號——這句說話實在有太多不可確定性：A.2點前後；B.考慮；C.會唔會……這三個不可確定性實在可以演化出太多可能。
結果係點，大家都知道了。
身邊好多(8號風球唔使返工的)朋友大抵都摸透這句話的陰濕，寧願一早換定衫出門口，免得搭車迫餐死。
打風下的人為事宜
打風固然是自然行為，打風前後和期間卻有大量人為嘢存在。
1.經濟層面：8和3，只是一個數字的分野；由8號變3號，不代表外面即刻乜風都冇晒，仲立即變得風和日麗陽光普照，返工還是有潛在危險。如果朝早依然懸掛8號風球，讓打工仔放足一日是否真的會嚴重影響香港經濟長遠發展？
2.道德層面：曾經同一個身為老師的舊同學在8號風球情況下躝街，期間這名老師被風吹得狼狽，狼狽到爆了一句粗口——即使事隔多年，我考慮緊，是否有需要將舊同學的暴粗行為話俾佢任教學校的校長知？再通知埋吳克儉，等局長可以(在特首未出聲的情況下)做定報告。畢竟，香港已進入了一個道德感嚴重高企&傾斜的批鬥年代。
3.感性和飲食層面：這一代的特首和高官，唔知點解地都好愛寫網誌，或許他們都有太多內心感受需要透過(沉悶的)文字去抒發吧。像特首，便發表了一篇買紅衫魚成功講價和教煮紅衫、既感性又兼具教育意義的網誌——單從這篇網誌已經知道佢做唔到急市民所急——明知有個風打緊嚟，當然是教人以防打風期間街市唔開檔，如何在打風前夕買多嚿魚啦。現在這一篇唔湯唔水的，我都不知道是少嚿魚還是多嚿魚了。

---

【動畫●甜蜜陷阱】養生飲品好肥　黑糖薑茶有12粒方糖！

1 : GS(14)@2017-05-27 00:08:07

「養生飲品」看似很健康，例如桂圓紅棗茶、黑糖薑茶或冬瓜茶，但其實這些飲品本身的食材糖份比較高。



一到夏天，天氣炎熱，想喝杯冰冷飲品解渴？相信台式飲品是很多人的不二之選。不過，你又知否一杯台式飲品所包含的卡路里、熱量有多少？別以為珍珠奶茶熱量高達700Kcal已到頂，原來近日大熱的奶蓋更heavy，所謂奶蓋，即用花奶、奶油、糖及海鹽打成的泡沫，單是這部份就有222Kcal，幾乎是三分一杯珍珠奶茶，相當嚇人。那麼，不加奶的台式飲品是否較不肥胖？非也，一杯蜂蜜紅茶或綠茶的糖份就有46克，喝一杯就等於吃了9粒方糖。以為養生飲品好一點？大錯特錯，養生飲品甚至可能連糖份、甜度都不能自己決定。寫着養生的飲品看似很健康，例如桂圓紅棗茶、黑糖薑茶或冬瓜茶，但其實這些飲品本身的食材糖份比較高，好像黑糖薑茶，一杯就有50至60克糖份，相等12粒方糖！已經超過人體每日攝取糖份上限（50克）。洛神花茶亦好像很健康，但其實洛神花很酸，故要用很多糖份來平衡酸度，糖份達35克。除了茶底，亦要留意飲品的配料。珍珠芋圓等是澱粉質食物，單是一杯奶茶內的珍珠已達220Kcal，相等於吃了一碗白飯。而仙草、寒天、愛玉、蒟蒻等大部份都是水份和食用纖維，熱量較低，約35至70Kcal，是代替珍珠的一個較好選擇。



家營營養中心營養師吳瀟娜。

尚營坊高級營養師李龍家麒。

記者：莊芷君2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170526/20033903

---