有話兒：林子善我本不壞
1 :
GS(14)@2011-06-26 10:23:30http://hk.apple.nextmedia.com/te ... 462&art_id=15373148
「我前世係狗」
「我冇行歪路，唔吸毒唔賭錢！」林子善自言黑白分明好乖仔。
然後，他娓娓道來一個很有趣味的孩提故事，他說：「如果我唔係改個咁嘅名，唔係有個咁嘅屋企，有個咁嘅阿哥，我會學壞，因為我未出世之前，三叔玩神打，請關公上嚟對話，關公係講國語 o架！我出世之前，話我係仔，但係話我呢個細路好曳，唔可以亂改名，就請如來佛祖改，即係釋迦牟尼，話呢個 o靚仔前世係狗，再上一世係和尚，今世係男仔，商量過之後，改我做子善，中和番個性格，意思應該係呢個孩子好善良。」
訪問當日天氣酷熱，在深水埗街頭取景，林子善問記者要求爬高定低，禮貌周周，他說：「我冇行歪路，又冇吸毒，又唔賭錢，我係入行先食煙，拍《三五成群》開始。我阿哥家做緝毒，係警察，佢好似《廟街孖兄弟》嘅梁漢文， 6呎高，會教我好多道理，佢話如果我有乜嘢犯錯，佢就冇咗份工，因為會查三代。」
林子善媽媽開大牌檔，自小接觸到不同階層的人，在複雜的人物關係中成長，直接影響他的行為思想，他說：「屯門揸弗人都係我阿媽啲客，成日同我傾偈，教我唔好入黑社會，叔叔話因為自己唔叻，要搵錢，我又見到佢教班孫，叫佢哋唔好做啲乜嘢。乜嘢類型人都有，我見好多，我明白乜嘢叫是非黑白，但係我性格就係黑同白，中間條線好幼，一係鍾意，一係唔鍾意，冇中間。」
2 :
GS(14)@2011-06-26 10:24:08http://hk.apple.nextmedia.com/te ... 830&art_id=15373149
「佢成日挑戰我」
很多人覺得周星馳難相處，林子善偏偏不怕他，更不會阿諛奉承他，林子善說：「佢啲智慧咁高，班門弄斧仲衰，唔鍾意就唔鍾意，以前一開會就問我好唔好，所有人都話好，我就唔出聲，所以佢成日挑戰我。」所謂忠言逆耳，當年林子善舉腳反對周星馳拍《長江七號》，他說：「佢話人哋鍾意睇我笑，不如我整到人哋喊，個個都話好，我唔出聲，佢突然問我『洪爺，好唔好呀？』我話，作為一個觀眾，我由細到大想睇你搞笑，你家整我喊，冇咗你嗰樣嘢，我梗係覺得唔好睇啦！」
3 :
龍生(798)@2011-06-27 01:25:21佢真係捱得幾辛苦...十年磨劍...
明顯地, 齋講演技, 佢絕對勝過胡杏兒...
4 :
superkkw(6672)@2011-06-27 02:06:54大傻哥接班人非佢莫屬
5 :
拔刺者(4132)@2011-06-27 10:19:30他說自己入行才食煙和不賭錢等...真詫異！此君曾于此處
http://www.vtc.edu.hk/vtc/web/te ... fldr_id=498&lang=tw
就讀，而且起碼是十年八載前。那處彷彿是兒童院,打架、偷竊、吸煙等事閒過立秋！就以教職員也坦言,若他們(學員)不是畢業後能找份安定工作,你們的下場就是賣私煙、100蚊4只等工作,固這裡是你們的唯一出路,不要浪費此機會
6 :
pcp7838(1616)@2011-06-27 11:37:17要有經歷，才懂得珍惜，要有磨練，先會有成就．依家既人，太少珍惜，太少耐性．捱不得苦．如何能成大事？
7 :
龍生(798)@2011-06-27 16:39:51都係呢句, 從來成到大事都係一代人中的5-10%(爬上頂峰的人)
其餘個的20-30% 中間 (太古城質素的人)
60%都係垃圾, 以前係咁, 現在係咁, 往後都會係咁(番大陸娶老婆的人)
8 :
拔刺者(4132)@2011-06-27 16:59:266樓提及
要有經歷，才懂得珍惜，要有磨練，先會有成就．依家既人，太少珍惜，太少耐性．捱不得苦．如何能成大事？
應該這樣說,我非常認同龍生所說,林子善是非常懂得演戲！我不認為林先生是一些出污泥而不染的蓮花；更非面善心更柔的人;如有機會往那海員學校逛逛,需登記入內,且近年學生質素已有所提升,但我保証你會對林生所言自身抱有更大「
詫異」
9 :
GS(14)@2011-06-27 22:23:59http://hk.apple.nextmedia.com/te ... 830&art_id=15373148
應該睇埋呢句..
29歲的林子善捱到出頭天，現在擁有全港最大型的捽碟公司，旗下 DJ幾十名，但是他本人仍然「爛做」，他說：「好天搵埋落雨柴，乜都做，細場我都會打，我好鍾意錢，家最希望係再有層樓畀自己，家供緊嗰層係畀阿爸阿媽，第日就有層樓可以養埋個老婆，咁就最理想喇！」相信這就是林子善完美的人生。
所以，他們工作環境已經難令他唔做這些事
10 :
GS(14)@2011-06-27 22:24:12成功的人，5%都嫌多，唉
11 :
龍生(798)@2011-06-28 00:59:47是的, 一代中有5% 都己經算多
所以我成日唔明點解要講到每個人都係精英咁....