📖 ZKIZ Archives

[林少陽]立論：港股跌唔落醞釀大反彈 2012年01月11日

1 : GS(14)@2012-01-11 22:56:37

http://hk.apple.nextmedia.com/te ... 39&coln_id=12712836

---

周日趣 BLOG BLOG：超人新樓　買唔落手

1 : GS(14)@2012-02-05 14:12:02

http://hk.apple.nextmedia.com/te ... 307&art_id=16042663


上周有單地產新聞，地產經紀勁蝕百萬沽出大圍名城二期盛薈，屬典型「喺度食又喺度痾」出事個案。查實經紀落場玩好平常，但事先應知道樓盤有冇水位先好出擊，牽涉到 800萬銀碼，落注前更要慎重考慮。該經紀好彩避得過額外印花稅（ SSD）影響，但就避唔到長實劈價賣樓，要怪只怪他錯信李嘉誠。
問過地產版同事，近幾年買超人樓，認真濕滯，該經紀喪蝕只是冰山一角個案。由 2008年至 2011年 3年間，長實推出 3個大型新盤，分別為將軍澳日出康城、大圍名城一至三期，以及何文田半山壹號一、二期，大部份開價一期低過一期，即買即坐艇。
以名城為例， 2010年 3月首推即供呎價貼近 8900蚊， 8個月後再推第二期盛薈，撞正 SSD出招，即供呎價落到 8326元，較首期平 6%，過多 1年推三期盛世，即供呎價再跌至 8109元，較首期平近 9%。今次經紀買盛薈輸百粒未算最慘，早前已有業主連同 SSD勁蝕 200萬元。

首都四年僅升 3%

至於毗鄰為屋村、包裝成豪宅的半山壹號，一期首批開售呎價高達 1.53萬，較現時市場 1.01萬平均呎價，足足跌了 34%。或者你會話，領峯、領都同首都對比市價，家都有賺 3%至 8%。但如果你比較同年其他非長實新盤，你會發覺人買樓、你買樓，點解人哋賺三、四成，你就賺 3、 4%，賣咗層樓，俾完律師、釐印費，到頭來分分鐘得個桔。
股榮揀選 08年至 2010年非超人新盤作比較，大家不妨作為參考（見表）。 08年荃灣御凱首批呎售 6015元，與現時平均呎價 9250元比較， 3年半升值 53%，至於 08年 2月開售的首都， 4年間僅較現時市價高 3%。再睇 09年，銀湖．天峰以每呎 4648元即供價開售，現時市價每呎 6575元，升幅 41%，同年領都、領峯以呎價 4700元開售，相對現價，高水不足一成。
遇上經濟逆周期，樓價跌無可厚非，惟有逆來順受。但在過去 3年樓市狂熱期間，買超人樓居然未有升值效果，部份更要淪為樓蟹。反觀其他發展商新盤水漲船高，如果我係超人新盤業主，我會眼紅，感覺絕不好受。
過去數年記者會，李嘉誠總以「量力而為」回應現時是否買樓合適時機。做完統計，我開始明白箇中意思，「輸唔起就唔好買啦！」
股榮

---

立論：越地賣商廈越房啃唔落？

1 : GS(14)@2012-05-31 01:02:30

http://hk.apple.nextmedia.com/financeestate/art/20120530/16380653

---

【專題籽】政改奸人組　官唔落區我哋落

1 : GS(14)@2015-06-15 00:55:29

如非爭取真普選，假日在家瞓吓覺好過啦，烈日當空，難得他們頂得住，還很精靈。(左起：阿羊、Peter仔、阿龍)


【專題籽：港情港趣】之前高官落區宣傳政改，釀成公關災難騷，推高花生價格。高醫生小學雞式「講完」就閃人、飲茶阿姐妙語K.O.唔介意中央幫佢揀老婆的陳智思與人形垃圾筒，不過最迷離的要數政改三人組花車巡遊式落區，真係時運高先望到。仲有幾日，政改方案就於立法會表決，呢三個「奸人」盡力向市民解釋假普選之禍，腳踏實地落區派傳單。你話，邊個先係真心奸？尼采話好多真理都是以笑話形式講出來。特區政府先天缺乏幽默感，高官那種令人失笑的是低智鬧劇，不是笑話。「大專政改關注組」與「青年重奪未來」兩個社運組織成員醜化自己扮高官，組成政改奸人組，用假身份諷刺假普選，希望笑聲笑聲傳達真理。「我哋想用輕鬆方法拍片諷刺政事，吸引相對冇咁嚴肅的群眾。」他們模仿「有商有量」宣傳片，改對白照辦煮碗拍一條，好鬼抵死。



高巴坐巴士落區，你估你哋來觀光？

（上）殘廁源、行騙月娥、強國猿；（下）譚志源、林鄭月娥、袁國強。　圖片為短片截圖

早前他們仿效政府宣傳片，拍了一條設諷刺片，當中所有角色都由他們三人包辦，網民好like，大讚夠晒「小圈子」。圖片為短片截圖



這天晨早8點，他們已在化妝，準備變身殘廁源、行騙月娥及強國猿堅落區。眼都未開的我望見三人眼仔碌碌，慚愧又戥他們辛苦。讀緊大學的Peter仔笑時有酒渦，所以被委派扮林鄭。戴胸圍、着絲襪、笠假髮，穿高跟，佢話體會到女人之苦。要林鄭上身，佢話最緊要眼睛周圍碌，時不時一邊嘴角揚起奸笑，兼偶爾黑面。扮殘廁源的大學生阿羊一樣慘，黐頭套熱到核爆，扮完要撕番出來扯到皮都甩。重點是因為經費問題，濕夾臭的頭套要重用再重用！「佢哋個個都建議我剃頭，但我還是覺得有頭髮比較好，因為將來大把機會沒頭髮。」相對起來，扮演強國猿、做文職的阿龍較輕鬆，妝髮簡單，再戴副老花眼鏡就搞掂。三人化妝整頭搞足兩個幾鐘，真係殊不簡單。



Peter仔說扮林鄭才第一次化妝，但他皮膚敏感，每次都勁辛苦。

加深笑紋，戴埋假髮已經有六成似。

頭套焗住頭皮很熱，阿羊每次都流極多汗，最慘係頭套起碼要用三四次才會換新。



黐完頭套還要用粉底均勻顏色，以及用黑色筆畫番個地中海髮型，搞足半小時有多。



認真過班官

攝氏34度的正午，穿短袖衫的我幾乎熱到溶，着西裝及套裝的他們卻面不改容，在深水埗排檔揮手say hello派「2017靠佢死得」傳單。以為只有年輕人才支持他們，當日見到不少大嬸、阿叔都跟他們合照講加油。年輕的溫先生有看過他們的短片，他說：「咁曬咁熱，佢哋腳踏實地喺條街度行，嗰班官坐架旅遊巴，離地咁遠，佢哋真係辛苦好多。」A貨聆聽民意，真身只懂漠視，世道實在荒謬。他們落區會遇上支持市民，但同時也會被撐政府的人罵。當天就有一名檔主對他們講粗口。奴性強店主話「唔應該忤逆阿爺」、「我為甚麼要提名？台灣也有選舉，一樣選出大貪官。」、「叻人統治蠢人係應該」、「梁振英同曾蔭權都做得好好。」我表示膠都費事派。他們EQ高過高醫生好多，堅持耐心說道理，至對方開始無理取鬧才離開。阿龍說：「落區是為了引人注意，但如我哋沉唔住氣，同佢哋謾罵，效果就唔理想。」Peter仔補充：「我們關注組經常『洗樓』解釋政改，成日都接觸到藍絲市民，久經訓練，慣晒。」



街坊溫先生有看過他們的短片，還能說出他們的名字。他說離遠看三人扮相「幾似，冇得彈。」

有檔主要求合照，還替他們辛苦。


「政改奸人組」早前巧遇香港廣東社團總會，他們與巴士合照，車上長者誤當他們是真高官，竟然跟隨他們大叫：「2017，一定死得」，笑死人咩。圖片來自大專政改關注組facebook


問他們家人朋友有冇睇片兼笑到反轉，Peter仔笑謂：「同學都唔認得我，有次朋友在WhatsApp group分享咗我哋條片，都冇人發現係我。反串look唔敢畀阿媽睇呀，佢可能會笑到爆炸，但也可能會爆血管。」食住條水，搵人扮埋689、經常指指點點的王光亞、李飛等，玩得更大，可能抽得仲應。「其實我男扮女裝，都唔知大家係咪接受到，街上有些人會話我人妖，唔知係講笑還是真係覺得嘔心，我哋仲測試緊市場口味。」看過他們之前拍的一條短片，形容假普選唔只有篩選，仲係「阿爺吮完畀你吮」，片中Peter仔飾演的行騙月娥在吮二手雞骨，同而家個方案一樣咁核突！香港人，袋，你就輸一世呀。記者：葉青霞攝影：潘志恆





來源: http://hk.apple.nextmedia.com/su ... t/20150614/19183428

---

【屯門豐連】 擺唔落定覺得冇用? 510呎小白屋冇電視

1 : GS(14)@2016-08-10 07:42:00

發展商南豐開放屯門豐連兩房連裝修單位，參照2座28樓F室，實用面積510方呎。示範單位以白色為主調，將其中一間房改為開放式書房，客廳不設電視。發展商指，這種戶型適合上車買家及年輕家庭。





來源: http://hk.apple.nextmedia.com/financeestate/art/20160810/19730499

---

【今日笑一笑】找回兒時感覺　喵星人搞到唔上唔落

1 : GS(14)@2016-08-20 11:41:46

想找回童年回憶，不限成年人，原來喵星人也會，就像影片中這隻黑白貓咪，牠可能想如小時候般再窩在櫃裏，但卻忘了自己已經長大，出入口已變窄，不能再瓹入去了。牠雖幾經努力，但仍失敗，身子卡在櫃子，十分搞笑。
twitter




來源: http://hk.apple.nextmedia.com/international/art/20160820/19743805

---

【澳門尋老餅】澳門獨有黑豆月　烏雲蓋月唔落蛋黃

1 : GS(14)@2016-09-06 22:52:11

玫瑰黑豆月，黑豆月放入玫瑰糖增加甜度，全個以竹豆蓉做。每個$38（a）



「以前內地好流行黑豆沙，因為竹豆平，可以大量生產，屬於平價月餅。但現在經濟起飛，內地愈來愈少人做，所以好難找到，是澳門先有得買。」鳳凰餅家負責人何偉明說。46年歷史的鳳凰，在紅街市附近工場只有一二百呎，每朝清晨做餅，食家老陳亦曾推介其黑豆月。「市面上無得買的竹豆，在大陸才有竹豆，我們要轉登要返大陸入貨，不過竹豆價賤，所以無人肯做。」他說，黑豆月放入玫瑰糖增加甜度，全個以竹豆蓉做。「有說烏雲蓋月，但怕意頭唔好，所以黑豆沙無人會做蛋黃，紅豆沙月餅先會有黃。」



在鳳凰隔離的晶記，多年前已將工場搬往義字街，現已傳至第二代。「黑豆月主要有黑豆、竹豆及用各方面豆混合而成，多年配方沒有大變，都是做回以前的方式。」晶記第二代負責人歐偉祺說。切開餅後，質感尚算軟腍，但荳蓉顯得很黑。但卻有行內人指黑豆沙月餅本身並非深黑色。「在中藥房買一隻叫青礬的物料，放多少在內，整鍋豆沙都會變了黑色，所以叫做黑豆沙餅。」品芳餅家老闆陳帝棉說。因竹豆現已難尋，他改用天津紅豆及黑芝麻，做出來無傳統般深色，卻有淡淡芝麻香。（a）鳳凰餅家高士德大馬路紅街巿側羅約翰神父街3號（b）晶記餅家盧九街1號A地下（c）品芳餅家新馬路十月初五街80號記者：何嘉茵攝影：伍慶泉


46年歷史的鳳凰，在紅街市附近工場只有一二百呎，每朝清晨做餅，食家老陳亦曾推介其黑豆月。

在鳳凰隔離的晶記，多年前已將工場搬往義字街，現已傳至第二代。

黑豆沙月餅，質感尚算軟腍，荳蓉很黑。$40（b）


改用天津紅豆及黑芝麻，做出來無傳統般深色，卻有淡淡芝麻香。



來源: http://hk.apple.nextmedia.com/su ... t/20160906/19761283

---

經濟客艙：老公買樓唔落老婆名

1 : GS(14)@2016-11-08 05:51:10

原來我哋都係《失戀急讓》嘅地產經紀項少龍，真愛只係吹水，喺香港冇個過千呎單位，真愛真係可以有情飲水飽咩？至少我條女話我知唔係。你話結錯婚大鑊，定買錯樓事大？其實兩樣嘢都係一世嘅。結錯婚，隔籬嗰個最後未必同你一齊；但買錯樓，條數跟足你一世。星期六凌晨，政府提高買賣住宅物業印花稅劃一15%，想換樓嘅香港中產俾新稅制挾死，更加上唔到車。我個名畀咗阿媽去買樓，佢好得戚話，「好彩快一步買咗，如果唔係想多層樓收租退休，要畀多15%印花稅，罰畀政府」。而繼續同屋企人住嘅我，可見嘅將來都唔再諗咩買樓。喺香港買個400萬嘅單位，新稅項下要畀60萬銀，較舊稅18萬多咗足足42萬，哪有錢？身邊有搵到第一桶金嘅朋友，都為換樓頭痕。「家陣畀雙倍印花稅鎖死啲錢，又要等半年後舊屋賣走先可以退稅；買新樓又唔可以同銀行貸款借足七、八成按揭，點換樓？」講笑話，人哋大陸假離婚避限購，可能家陣香港結婚，老公大條道理唔落老婆名，第時換樓可以慳番筆。結婚、買樓換樓同樣要講timing。不過，政府出招令我哋唔知道幾時先係入市良機。聽英國嘅朋友講，英國樓價同樣被炒起，仲要係俾香港同中國嘅資金炒起，大家寧願租樓住。不過，呢個英國朋友話，香港政府向樓市加辣，睇吓撐到幾耐。佢仲話梁特首想用調控樓市為連任增加籌碼，一定唔work。英國喺今年4月1日都有為樓市加辣，本地或海外買家購入第二個物業，要畀額外3%印花稅。不過，新稅項出台7個月，令英國民怨四起，要求撤走辣招。記得當時有香港買家「趕尾班」喺英國買樓，就好似香港咁，內地人新稅下繼續買。人仔繼續貶值，佢哋走資嘅信念，比我哋香港人要買自住樓更堅定，非本地買家新稅率加至30%都趕唔走。
Captain Cool
https://www.facebook.com/seeforcaptain/本欄逢周一刊出




來源: http://hk.apple.nextmedia.com/financeestate/art/20161107/19824929

---

【又到聖誕】聖誕樹超貴買唔落手？教你牛市揀樹全攻略

1 : GS(14)@2016-12-10 03:45:21

「噢聖誕節托它歸家！」過完感恩節，美國許多家庭開始預備過聖誕及新年。要應節，當然少不免買返一棵真聖誕樹啦！蘋果記者專訪了一個聖誕樹專賣店，樹農不但道出了「從聖誕樹銷情看歷年景氣」的聖誕樹經濟學，更不藏私教大家看懂今年聖誕樹的行情，以及如何挑選聖誕樹。駐洛杉磯記者：張紫茵在南加州，聖誕樹主要來自北卡羅萊納州、華盛頓及俄勒岡州。「成個聖誕老人咁」的農夫Mark已經種了30年聖誕樹，專賣店內的樹大部份都是出自他手。問到為何今年聖誕樹價格飆漲？他表示，聖誕樹有75%成本是來自工人的人工，近年勞動成本增加，令到樹價亦相對提高一成。另一個行外人不會知道的原因是，聖誕樹的生長年期相當長，普遍種一棵7呎高的聖誕樹就要7年時間。2008年金融海嘯後幾年，農夫缺錢去種新樹，只好減少種植，但影響滯後到今年才反映出來。這些因素，再加上今年景氣不俗，大家都很有過節氣氛，所以今年的聖誕樹銷售較去年好，賣到供不應求。
Mark就教路，在揀聖誕樹時，要摸摸它的針葉是柔軟且濕潤，呈綠色並不容易脫落，一抬起應該要感受到重量，如果太輕可能已經乾了。如果想聖誕樹可以持久一點，最重要就是保持底部濕潤。Mark的表弟Paul亦補充，不要把聖誕樹放在陽光底下，會令樹更耐放。而聖誕樹亦有分不同種類，Paul就介紹專賣場內四款「道地杉樹」，包括最受歡迎的貴族杉（Noble Fir）、高加索冷杉（Nordmann fir）、德州杉（Douglas fir）及低地冷杉（Grand fir），擺放時間大概6至8周。可以擺放最久的就是高加索冷杉，樹香未必如其他突出，但因天然有層膠保護着針葉，所以會耐放一點，可以擺到情人節。但這也反映在價錢上，一棵8呎高的高加索冷杉就索價240美元（約1,872港元）。德州杉及低地冷杉香味較特出，但一般放到1月初便淍謝，價錢亦相宜得多，一棵6呎高的低地冷杉只須80美元（約624港元）。而最受歡迎的是貴族杉，可以擺放到1月尾，以7呎高計，今年價錢約180美元（約1,404港元）。顧客Christina表示，最近才搬來這地區，時常經過這個聖誕樹專賣店，所以今日特意前來買樹。她預備花50美元（約390港元）買一棵3至4呎的細聖誕樹放在家中，而這將會是她第一棵真聖誕樹，過去都是放人工聖誕樹。




來源: http://hk.apple.nextmedia.com/international/art/20161209/19860165

---

經紀唔落盤轉做KOL賺佣金靠吸like

1 : GS(14)@2017-04-16 10:26:35

從前買股票，你會搵經紀落盤；不過今時今日，落盤？手機電腦一按即買，快過你打電話，坊間更有不少人認為，經紀是「夕陽行業」。「經紀有存在價值，但應該變晒做KOL。」民眾證券行政總裁潘康海認為，香港的經紀行業，是時候要有一個翻天覆地的改革。民眾金融科技（279）旗下民眾證券，去年底突打入散戶零售市場，更香港首推網上開戶服務，潘康海強調，網上開戶只是第一步，「香港嘅Fintech實在太落後，下一步會係令經紀更人性化。」民眾將推出全新「社交x經紀業務」平台，經紀的工作，不再是人人都做到的落盤工作，而是主力於平台上經營自己的帳號，「好似每個經紀都喺平台上有微博，有人專分析細價股，有人係講大價股，或者有啲經紀唔鍾意寫文章，只係做Trade，咁佢可以成個Portfolio放出嚟。經紀做嘅嘢好簡單，佢最緊要受歡迎。」一言敞之，就是全部經紀變KOL，佣金賺幾多，不再按交易宗數逐單計，而是以Follower人數決定。潘康海笑言，民眾不單可以捧「股神」，更樂意造「燈神」。「如果有啲經紀長年Portfolio都唔好，係燈神嚟嘅，啲客可以倒轉做，佢沽乜我買乜，佢買乜我沽乜。」民眾今次度新橋，潘康海坦言，一切源於呢行太悶，「客戶增長速度慢，大家就鬥佣平。財經消息每份報紙越來越似，呢份抄嗰份，大家得到嘅資訊好接近。」他認為，要突圍而出，就不能一味鬥快鬥平，而是經紀可以為客戶提供專業意見，幫你睇住個市。他強調，民眾的經紀不用為搵客及銷售操心，此部分工作由公司一力承擔，「以前一開市，經紀就不停打電話，要佢睇市睇Portfolio好難，一個經紀Serve二百個客，已經係極限，但新平台下，一個經紀可同時服務一萬個、一千個客。」民眾新平台下，客戶自己個盤自己落，但可隨時向已追蹤經紀發文字或語音短訊，經紀亦可即時回覆。他預期，全新平台可於今年六月至九月推出，目前經紀團隊已有十多人，亦陸逐有經紀加入，亦希望有新血加入行業。民眾秏人力物業，搞全球首個將炒股微博與經紀業務結合的平台，潘康海坦言，「其實我哋可以就咁做M&A，搞收購，一個月賺幾百萬到幾千萬其實唔難，但我哋唔係要睇呢一刻賺幾多，而係個Model將來會好值錢。好多老行尊都覺得條橋唔得，但佢哋越覺得唔得，我就越要試。」記者：倪敏慧攝影：黃耀興




來源: http://hk.apple.nextmedia.com/financeestate/art/20170416/19991460

---