笑到最後：米芝蓮店執笠迷思
1 :
GS(14)@2016-11-29 00:08:27點解香港小規模食店咁難經營，拎到米芝蓮都要執？一定有人會話：地產霸權、租金貴！本欄對於填鴨式答案冇興趣，點解同行可以承受到租？點解味道單一嘅連鎖店反而做得住？最近一隻新股膳源控股（1632）可能會畀到大家多啲答案。膳源旗下食店就係「越棧」，招股文件顯示喺香港經營20間分店。一如其他連鎖餐廳，膳源係有中央廚房，供應餐廳超過60%食材，餐廳投資回本期平均為10個月。有中央廚房，同單打獨鬥要自己逐件煮，喺成本、管理上已經相差一大截。越棧2003年創立，本來都係灣仔得一間，當初亦都可以稱為小店。2003年係零售、飲食業最慘淡嘅時期，今日樓價衝上天，可能令人淡化當時低迷情景。招股文件指越棧創辦人覺得係開餐廳嘅時機，開吓一間又一間，到今年就上市。事實證明開餐廳都要「別人恐懼時我貪婪」，順境時創業開餐廳，可能只夠賺份糧，要突破局限，創業時機都有考眼光嘅成份。更加重要係香港上市地位有價，現時殼股市場有價有市，殼價達6.5億元新高，一上市就等同多咗以億計嘅無形價值。部份企業主要唔係靠企業盈利賺錢，而係靠上市賣股賺錢，情況就好似美國科網泡沫時代，上到市創辦人就有錢落袋。當上市係經營目的，味道、服務變咗次要，符合上市要求先係首要。就算上市唔係為咗賣殼，上市公司喺融資、請人方面又方便過一般中小企好多，上市地位本身就係競爭優勢，小店整得再好食，拎幾多個米芝蓮，融資同成本被比下去，一到租約期滿，純粹靠盈利支付租金嘅小店，又點會爭得贏有上市公司背景嘅連鎖店？整個環境造成小店捱打局面，鼓勵親友幫襯小店都只係幫面嗰浸。如要喺上述上市故事劑出一點正能量，就係創辦人趁經濟低迷擴充繼而成功上市。小店可否發圍，除咗睇吓低位有冇膽量擴充，仲要生意人抵抗到資產大平賣嘅誘惑，否則啲錢去咗炒股買樓，都係冇錢搞生意。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20161128/19847476
【行運一條龍】舊物店執到寶 Leica M2賣$40？
1 :
GS(14)@2017-05-18 01:11:31有圖有真相，一部操作正常的Leica M2連鏡頭只標價4.99美元。
相信睇完這個故事之後，一眾相機發燒友應該唔會相信天下間有咁筍嘅事。話說Reddit網友（可理解為美國版高登）GreenteaBanana有一日遇到奇遇，首先在學校附近收睇了一段4分鐘長影片賺了1美元，然後返學校做Project做了3小時。之後就覺得肚餓到附近雜貨店買杯麵，咁啱見到有抽奬刮刮卡賣，就用上之前所賺的1美元買張卡，點知又贏到10美元。然後這位網友返學校開餐兼溫習一陣再同朋友行去附近舊物店行下，點知在舊物店內發現到一部好舊的相機，相機蓋上仲寫住Leica，而且價錢仲只係4.99美元，二話不說就即時買下，用埋之前贏返來的10美元找數仲有5美元剩。不過通常這些網上故事都會畀網友揶揄佢作大，但GreenteaBanana就真係貼圖作證明，而且表示這部只用4.99美元買下的Leica M2相機仲好新淨兼可操作。有網站就幫佢計過，現時一部Leica M2相機約值800至900美元，而隨機所送的Elmar50mm f/2.8鏡頭值400至700美元，即保守估計都值1,200美元（約$9,340），但GreenteaBanana如今只係用上所賺的4.99美元（約$38.9）就買得到，仲諗住今個夏天帶去日本及韓國旅行時影相，相信大家除了「葡萄」之外都唔知講咩好。資料來源：Petapixel文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170517/20023539
新例或致30間按摩店執笠華人業者：先到先得攞牌唔公平
1 :
GS(14)@2017-08-17 08:10:55華人聚居的洛杉磯聖蓋博市（San Gabriel）於4月份通過新例，限制兩家按摩店之間的距離不能少於1,000英呎（約304米），與民宅距離不能少於150英呎（約45米）。對此，全美華人按摩師協會主席劉澄宇（Fernardo）認為，從事色情業僅少數不良從業員，但估計新例將導致店主員工均陷入困境，市內近30家按摩店面臨停業，600名技師將失業，店主亦有機會遭業主控告違約賠償。駐洛杉磯記者：張紫茵過去10年按摩業在美國興起，但一直沒有嚴格規管，直至2009年加州立法，要按摩技師必須通過加州按摩治療師協會（California Massage Therapy Council，簡稱CMTC）的培訓及考核後，獲得工作執照才可從業，但對於按摩店的規管則「各處鄉村各處例」，要視乎城市的法規。聖蓋博市（San Gabriel）4月份通過新例，限制兩家按摩店之間的距離不能少於1,000英呎（約304米），與民宅距離不能少於150英呎（約45米），按摩店亦必須申請特殊營業執照（Conditional Use Permit，簡稱CUP）才可繼續經營。而CUP是以先到先得形式，換言之一個店主申請了，附近1,000呎內就不可以再有第二家按摩店，2018年1月底前沒有申請到CUP的話，按摩店就要關門停業。劉澄宇認為，「先到先得是不公平，不少已經是開了十幾年的店，當每家店有20個員工，新例實施後30間店要停業，短短5個英哩（約8公里）就有600個人將失業，而且都是華人。」協會顧問律師鄭博仁（Paul）表示，雖然聖市新例存在祖父條款（Grandfather clause），即法規中規定的限制不適用於已經開始的活動，但條款只保障了2017年前申請了CUP的按摩店。聖市的按摩店都是華人主理，不少店主根本不了解新例，到今年趕緊申請CUP時，才發現附近1,000英呎已經有人拿到執照，於是申請失敗，店舖亦面臨停業危機。記者會現場有不少店主表示現時仍未申請到市政府CUP，部份店主更遭拒絕。洪景寧的按摩店2006年經營至今，他表示當時市政府批准經營時，甚麼手續也不需要，拿齊牌照開店便可。約2014至2015年時收到信指要申請CUP，他去到市政府查詢，職員指他太早來了，還有3年，所以他當時就沒有申請。令他愕然的是今年去申請CUP時被拒絕了，原因是附近已經有按摩店拿到CUP，所以他們沒資格申請，令他感到很委屈，亦不知道目前如何是好。業主代表Rita表示，按摩店如果不能繼續經營，不少店舖會空置出來，業主要再找新租客，加上按摩店的租約為期5至6年，如果他們不能繼續經營亦屬毀約，屆時或要賠償租約期內的所有租金予業主。她認為，對店主而言﹐「生意不能做又要倒賠錢，是非常可憐的事。」對於市議員對傳媒表示區內的按摩店太多騷擾民居，亦有些從事色情活動敗壞風氣。劉澄宇指，「如果要與色情有關，他們為甚麼要花幾萬美元去弄執照，去裝修？」他認為不少東主都是從事正當按摩業務，但部份技師缺乏操守亦難以控制，亦只是小數人犯規，不能夠代表整個業界。鄭律師認為，現階段按摩業者應該要團結起來，於2018年1月條例實施前，仍然有5個月時間可以去市政府表達意見，爭取更改條例內容。
來源:
http://hk.apple.nextmedia.com/international/art/20170817/20124272
Next Page