西環集中營：京打聽泛民選委意向
1 :
GS(14)@2016-12-30 08:11:34選委會選舉結束後，北京開始四出找人探路，究竟300多名民主派選委會如何投票？會綑綁支持某候選人，還是分開不同界別支持不同人選？甚至會否集體投白票？有民主派選委直言民主派選委早前碰頭，初步不傾向投白票，除非最終的候選人真的「揀唔落手」；雖然民主派支持哪名候選人言之尚早，「但都可以幾肯定咁講，冇人會提名同支持葉劉」。
「一定唔會畀票葉劉」
該民主派選委稱，今次選委會選舉結果有個特點，就是打正旗號投白票的名單幾乎全軍盡墨，「結果可見不同界別選民，其實唔支持選委投白票，而係希望民主派選委可以用手上一票，選一個可以扭轉目前形勢嘅特首」。但他提醒季陶，雖然民主派選委碰頭會上各界別傾向盡量不投白票，但他強調不代表完全不考慮白票運動，一切要視乎最終有甚麼候選人，「如果北京只係畀幾個CY2.0候選人出嚟，揀邊個都係行番CY鬥爭路線，民主派就唔係玩白票咁簡單，而係爭取其他選委一齊拉倒選舉，重新選過」。另一名民主派選委則直言，已向內地收風人表明，「民主派一定唔會畀票葉劉」，至於林鄭月娥及曾俊華，他估計不同界別有不同選擇，相信各界別最終要由界內民調決定，但他個人認為從他接觸的民主派選委取態，「傾向撐曾俊華多過林鄭」，他認為在民生議題上，林鄭原有更大優勢，爭取民主派支持，但林鄭近年對待民主派及反對者態度，越來越似梁振英，「連一啲社福界選委都講，一見到林鄭就記起佢話官到無求膽自大、好惡咁鬧民主派，同689冇分別，真係好難投佢一票」。周一、三、五刊出季陶
來源:
http://hk.apple.nextmedia.com/news/art/20161230/19881402