吳岱融曾孖老婆拍三級片超激露下體
1 :
GS(14)@2016-08-19 06:55:46■去年吳岱融與太太鍾淑慧跟兒子Justin慶祝18歲生日，兩父子完全同一餅印。微博圖片
吳岱融當年曾與老婆鍾淑慧拍三級片《替天行道之殺兄》，挑戰三級極限露下體上陣，現在年屆56歲仍保養得宜，吳岱融昨日在電話中笑說：「其實我都keep住做運動，一星期踢兩次波，食嘢方面又會控制吓，間中都有辟穀（不吃五穀）斷食㗎。」吳岱融表示，新劇中飾演黃浩然與傅嘉莉父親，陳煒為其前妻，但黃浩然與傅嘉莉都是他與另外兩位不同太太所生，並非陳煒所出，他笑說：「我個角色都好風流吓，但都係風流而不下流。」
兒子新加坡服兵役
現實生活中，吳岱融與太太鍾淑慧恩愛多年，二人兒子Justin本月底便滿19歲，現於新加坡服兵役。他說：「我係新加坡人，個仔要服兵役，到2018年先至服完，所以我太太咪新加坡、香港兩邊走囉！我一有時間都會返新加坡陪佢哋。」去年鍾淑慧於微博上載夫婦二人與囝囝慶祝18歲生日照片，見Justin跟爸爸吳岱融完全同一個餅印，對此吳岱融笑說：「想話佢唔係我個仔都唔得啦！」
來源:
http://hk.apple.nextmedia.com/entertainment/art/20160819/19741853
回巢拍劇救亡56歲吳岱融辟穀回春
1 :
GS(14)@2016-08-19 06:55:48【喝醉】■陳煒（中）劇中飲到醉醺醺，黃翠如和吳岱融於是扶住她上車。
【中環】無綫近年不止小生花旦缺人，連中坑都缺貨！惟有向舊人招手，56歲吳岱融便被招攬回巢拍劇救亡，日前他與黃翠如、陳煒於中環拍攝新劇《我瞞結婚了》，劇中黃翠如飾演吳岱融與前妻所生兒子黃浩然的老婆，陳煒則是吳岱融另一前妻，跟吳岱融舊情復熾。一行三人於中環太子大廈附近開工，劇情講述陳煒飲到醉醺醺，黃翠如和吳岱融於是齊齊扶她上車。雖然拍攝時只是晚上9時半，但黃翠如未知是否開工踩足一整天，樣子看來極度疲倦，不時擘大口打呵欠，貌似Pokémon GO由喇叭芽進化為口呆花的小精靈。至於一頭銀白髮、型佬味十足的吳岱融，有見天氣又焗又熱，不用埋位時也會第一時間走進大廈大堂涼冷氣。採訪、攝影：徐錦池、魯吉
【消暑】■大熱天時吳岱融等埋位期間，在附近大廈涼冷氣。
【勁攰】■黃翠如開工狂打呵欠，似足小精靈口呆花（小圖）。
來源:
http://hk.apple.nextmedia.com/entertainment/art/20160819/19741649
急減腩肉 57歲吳岱融 踢波狂操
1 :
GS(14)@2016-10-05 05:31:222016-09-21 EW
因為大奸角「高天鷲」，令吳岱融成為《巨輪II》的亮點，事實上，他自去年回歸參演《刀下留人》後，便劇接劇未停過手，但畢竟已年屆五十七歲，又曾經發福至一百八十磅，要長拍長有，惟有努力keep fit。
日前，他便與明星足球隊成員到馬鞍山足球場操波，雖然跑足全場狂追波，但球衣濕透之際，豐厚的腩肉仍隱約可見，要保持型佬樣貌與身形，明顯還有進步空間。
落場爆腩
去年回歸無綫拍劇的吳岱融，雖然已由當年靚仔小生，變成五十七歲銀髮蒼蒼的熟男，但熱愛足球的他，日前仍與一眾明星足球隊成員到馬鞍山足球場操波。負責踢中場位置的他，當日與前鋒黃日華，跟梁漢文和劉浩龍等人對疊，每逢看見對家球員帶波到不遠處，即跑上前搶波，相當落力。
踢至中段時間，雨勢忽然變大，然而吳岱融卻跟大夥兒愈踢愈起勁，衣衫盡濕，令發福的腩肉現形。球賽最終在雙方沒有入波下完場，興致勃勃的他即走到黃日華身旁，談論賽事，又拿着水壺跟對方「碰杯」，似乎十分滿意剛才表現。
斷食收身
其實，在《巨輪II》中飾演大奸角「高天鷲」的吳岱融，九十年代中離開香港幕前後，體重曾試過一百八十磅。「嗰陣我喺星馬搞製作公司，成日要同老闆應酬，又冇做運動，搞吓搞吓，我連行兩級樓梯都氣喘，就開始踢波當做運動。 家每個禮拜都有四場波踢：明星隊、視藝隊、晨㬢，仲有一班我喺大陸住嗰陣踢開嘅波友，另外又會游水、踩單車，流吓汗，真係爭好遠！」
踢波後，他的體重已長期維持在一百六十磅以下，但為了在幕前演出時，能減低福氣十足的肚皮搶鏡程度，踢波以外，他更會進行辟穀斷食來收身。「我試過成個禮拜淨係食生果，唔食其他嘢，又或者七日都唔食任何嘢，淨係飲水，一次可以輕到廿幾磅！對我嚟講，辟穀除咗可以收身減磅，仲可以清理埋身體裏面啲毒素，我覺得好健康。」
心中有火
相比當日同樣是八十年代小生，又年過五十的隊友，關禮傑的鋼條身形比黃日華還要fit。主力前鋒的他，由落場開始，幾乎未見有笑容，視線和身體全程投入在足球上，即使要跟比自己年輕九歲的對家梁漢文搶波，仍見他猶如足球小將上身般，只顧衝呀衝。
操波時表現勇猛，就連完場後，關禮傑仍坐在球場旁邊，繼續做體能練習，提起雙腿狂操腹部運動，其後又張開雙腿成大字馬拉筋，看來十分注重自己的體形。
五十四歲的他，樣貌如吃了防腐劑，身形比年輕時顯得更結實，除了靠踢波keep住，平日閒時亦會經常到健身室做gym，且甚注重飲食，戒吃澱粉質。「我喺呢個圈仲有團火，仲想有代表作，就係呢團火推動我去keep fit同保持健康。」心中有火，做人確係積極啲。
撰文、採訪☆娛樂組 攝影☆何國豪 設計☆李浩然
門口煲煙吹水 吼冇人飆入店吳岱融四圍目及 鬼祟揼骨
1 :
GS(14)@2016-10-15 12:11:44【顯尷尬】■57歲的型佬吳岱融，日前出席完活動後就獨自到按摩店梳乎。DV圖片
【佐敦】曾被封新加坡第一帥哥的吳岱融，現年57歲的他雖然變了白頭佬，但身形依然弗得好瀟灑冇走樣，樣貌更似凍齡越老越有魅力，淡出娛樂圈十多年的他，最近在劇集扮奸角人氣回升；日前單拖駕車到佐敦的水療店，在門外跟泊車職員吹水扯煙，企街等了十多分鐘後，趁途人漸少一支箭鬼祟進入店內，泊車職員更幫他駛走座駕，不知搞乜景轟！
最近吳岱融在劇集《巨輪II》扮演獸父高天鷲，性侵演養女陳凱琳，因超高班的演技被網友激讚一人救全劇，令年過半百的他人氣翻生。本是新加坡人的吳岱融，跟前藝人鍾淑慧結婚20年，兩人育有一名19歲的兒子，近年才復出的他生活低調，日前到西九龍中心出席活動後，約下午2時許，一身戲服look的吳岱融單拖駕車離去。駕着橙色豐田車的吳岱融，初時還以為他返家休息，怎知他卻駛去旺角再落佐敦，其間不時瞄隔鄰的座位似沉思，當他到達佐敦偉晴街，將座駕泊在咪錶位，落車後即點煙喪扯，只見他邊行邊篤手機，之後走到一間水療按摩店門外，其間有途人認出他主動打招呼，吳岱融雖然禮貌回應，但卻笑得有點尷尬。
【泊好車】■吳岱融駕着橙色豐田車駛到佐敦。
【篤手機】■走到一間水療按摩店門外，扯着煙的吳岱融與泊車職員吹水。
【去梳乎】■吳岱融兩頭望，見周圍途人減少後，就飆入按摩店內。
■有網友指曾見過鍾鎮濤及山度士幫襯該水療店。
鍾鎮濤幫襯過
只見吳岱融在店外與泊車職員不停吹水，邊傾邊扯煙，又不時左顧右盼，似乎想視察有否被傳媒追訪，他在店外企足十多分鐘後，直至見街上途人漸少，即一支箭鬼祟飆入店內。奇怪的是，泊車職員待吳岱融入店後，就行去咪錶位駛走他的座駕，記者在門外等了兩個多鐘，都不見吳岱融離去。這間水療店設有桑拿、揼骨等服務，有網友指曾見鍾鎮濤、山度士光顧，是一間正骨場；亦有網友指店內水池設備不錯，但休息室的面積略細，經理招呼很好，幫網友揼骨的湖南女師傅後生靚女：「全程好女友feel，又讚我靚仔，又叫我baby、honey。」
■吳岱融與鍾淑慧結婚20年，兒子今年已19歲。資料圖片
曾遭無綫雪藏
昨日記者致電吳岱融了解，問到是否拍劇辛苦要揼骨鬆一鬆？他表示不方便接受訪問即匆匆收線。昨吳岱融在微博留言：「沒有任何一種品格是可以高枕無憂的。一個人清高，就更要寬容，否則清高就成孤傲。」在新加坡出生的吳岱融生得青靚白淨，當年被傳媒封為「第一帥哥」，87年攻港簽無綫拍劇，與梁朝偉合作《絕代雙驕》扮演花無缺一炮而紅，惟其後吳岱融因私自亮相亞視宣傳新碟，結果觸怒無綫被雪藏，最後更被解約，之後轉戰電影圈拍三級片，與老婆鍾淑慧合作拍《滅門慘案之孽殺》、《替天行道之殺兄》，兩人結婚20年恩愛如昔，去年12月他在微博晒老婆貼面合照，留言：「11月28日是我們結婚二十周年，老婆，謝謝您！」採訪、攝影：黃曉程、朱志聰
來源:
http://hk.apple.nextmedia.com/entertainment/art/20161015/19801121
吳岱融推張致恒上床網民：佢又想對個仔做咩
1 :
GS(14)@2016-10-16 08:20:04講到亂倫劇，大家會諗到邊套？相信就係最近嘅代表作《巨輪II》喇，因為演陳凱琳養父嘅吳岱融，要強姦陳凱琳，嗰場戲真係睇到大家都硬晒....個拳頭，套劇播到o依家陳凱琳都仲未被姦，但之後會點？好難講嘅，不過唔講陳凱琳嘅情節，可以講下另一個疑似強姦嘅情節。是咁的，喺日前嘅《亂倫II》吖...唔係...《巨輪II》先啱，出現咗一幕就係吳岱融鬧張致恒嘅戲，場戲係講張致恒同李佳芯有咗BB，但係做爸爸嘅吳岱融就極力反對，直指李佳芯係性工作者，人人畀錢都可以同佢上床，甚至吳岱融都同李佳芯上過床。呢一段戲吳岱融被網民力讚，讚佢演得好有力，大讚話：「吳岱融，真係超級好戲，唔拎獎就浪費掉。」「巨輪前傳之鷲哥成魔之道。」「佢不嬲都好戲，當年殺兄同何家駒對手戲都勁。」不過因為場戲吳岱融要推張致恒落床，所以有網民睇到就話：「佢又掟個仔上床我以為佢又想對個仔做咩。」「高天鷲連個仔都推上床，佢又想...」「真心愛個仔會上埋個仔？」
來源:
http://hk.apple.nextmedia.com/entertainment/art/20161016/19802485
吳岱融拍劇鬧李佳芯臭X：我收斂咗㗎喇
1 :
GS(14)@2016-10-17 08:09:22一班無綫演員包括蕭正楠、田蕊妮、陳凱琳（Grace）、吳岱融、阮兆祥等人噚日喺商場為劇集《巨輪II》進行宣傳，近日人氣高企嘅「獸父」岱融哥同「女兒」Grace現身時，有觀眾大嗌岱融哥角色名「高天鷲」。岱融哥咁受歡迎，原因係佢喺套劇入面演技實在太出眾，無論係佢個急色樣定係鬧人個時嘅嬲樣，都俾網民大讚。咁太太睇完有咩反應先？岱融哥就話太太讚佢好戲，記者話好多網民都話「強姦」戲唔到肉，岱融哥表示唔可以去太盡，因為會俾人鬧。講到岱融哥用「臭X」來鬧李佳芯，佢話本身都唔想講，但係唔講又唔係嗰回事，所以自己演繹時都收斂咗。講到鄭嘉穎讚Grace做得不錯，Grace就話自己盡力入戲，提到未來奶奶指佢咁快要拍呢啲戲，Grace就話一齊食飯時未來奶奶用擔心嘅眼神望住話佢拍呢啲戲好辛苦，佢就將個波交番俾嘉穎，話角色有大發揮係好事。
來源:
http://hk.apple.nextmedia.com/entertainment/art/20161017/19803550
見朋友冇車位吳岱融企街
1 :
GS(14)@2016-10-18 08:15:23【執車】■吳岱融前日在九龍城等朋友期間打開車尾箱，執拾袋內物件。
【九龍城】現年57歲的吳岱融，最近在無綫劇集《巨輪II》中扮演獸父高天鷲，性侵戲中養女陳凱琳，他的演技備受讚賞，鏡頭前奸到出汁，鏡頭後其實非常率性。吳岱融前日在油塘出席完該劇宣傳後，獨自到停車場取車，雖然角色不討好，但卻因為演技出色，人氣急升，他在停車場被約二十位粉絲包圍，當中不但有16、17歲的後生仔，甚至40、50歲的中年男士，他們發現吳岱融就一擁而上，要求合照及索取簽名，吳岱融全部有求必應，親民地逐一滿足所求，搞了約5分鐘，才駕車離開。
揮手打招呼
之後，吳岱融駕車到了九龍城獅子石道，估計是找咪錶位泊車，但撞正周日假期，全部泊滿，只得停在街邊等候，其間他行去打開車尾箱，更當眾
又似吳秀波！57歲吳岱融靠拉筋回春
1 :
GS(14)@2016-10-19 05:49:1857歲吳岱融喺大台劇《巨輪II》演高天鷺唔知係「奸」定「姦」出人氣，戲份搶過晒「花生仔」蕭正楠，女主角陳凱琳又被彈戲屎，今次真係靠一角孭起救成套劇嘅重任，演技高幾班嘅吳岱融，唔只演得投入，身型keep得幾好，當年有網民話吳岱融似湯鎮業，分唔到二人，不過時至今日，吳岱融似乎保養得更好，網民覺得佢似大陸男神吳秀波，外型一樣咁man……今日有周刊爆吳岱融冇中年發福，多年都有踢波，差唔多每個星期三都會參加明星足球隊嘅操練，當年係志偉搵佢入明星足球隊，吳岱融喺周刊訪問中，就話主要係拉筋，即使已57歲，佢都可以擘一字馬，多得以前喺新加坡服兵役，被派去專門表演畀軍人睇嘅隊伍，每日要拉筋8粒鐘，周刊又問咗隊友黃日華，佢話吳岱融有「晒靴融」之稱，起腳同攞波都踢得比較高。
來源:
http://hk.apple.nextmedia.com/entertainment/art/20161019/19805041
Next Page