恰栢芝迫剃光頭
1 :
GS(14)@2014-09-09 12:50:42■向太爆當年周星馳恰細路女張栢芝（左），要她即刻剃頭等拍戲。
當年張栢芝是中國星旗下藝人，向太踢爆當時周星馳擁有栢芝一部片約快到期，竟致電向公司要求栢芝即刻剃頭，並且半年內不准接其他電影，空出檔期預備拍《少林足球》，向太勞氣說：「嗰陣栢芝接咗好多廣告，你叫佢剃光頭，係有損合約，我哋可能要賠錢㗎。」向太謂當時向周星馳提出商量，就算合約過期，將來都會拍攝，希望可以不讓栢芝剃頭，怎知周星馳竟寫信罵栢芝忘恩負義，要求栢芝賠償350萬元，向太火滾說：「佢只係畀咗5,000訂咋，好似大晒咁，蝦個僆妹，我寫咗封信鬧足佢8張紙，佢好驚我會畀傳媒，所以即刻打嚟話算數。」
來源:
http://hk.apple.nextmedia.com/entertainment/art/20140909/18859975
Stephy願為好劇本剃光頭
1 :
GS(14)@2015-10-20 08:27:06■鄧麗欣在新網劇中需要黐頭套扮光頭，拍攝一場動腦手術的戲份。
鄧麗欣（Stephy）早前為樂視網劇《天才在左瘋子在右》拍攝一場因腦溢血要動腦手術的戲份，需要黐頭套扮光頭，Stephy相當滿意自己的扮相，還不停在片場自拍，她笑說：「我唔係第一次扮光頭，嗰日我影咗好多相，因為覺得自己光頭幾好睇，幾靚。」
Stephy坦言很難為藝術犧牲剃光頭演出，她說：「作為女仔，我而家剪短頭髮都考慮咗好耐，好唔捨得，要剃頭嘅話真係要好大勇氣，但係如果遇到一個好好、自己好鍾意嘅劇本，我係會考慮嘅，始終都係頭髮啫！會生番出嚟，都唔係咁大障礙。」撰文：炎炯炯
來源:
http://hk.apple.nextmedia.com/entertainment/art/20151020/19339581
安志杰為B女剃光頭 父女相O晒嘴勁得意
1 :
GS(14)@2016-11-12 05:55:03Jessica C.同安志杰嘅囡囡Tessa唔經唔覺已經7個月大，Jessica C.呢個新手媽媽湊女似乎有一手，睇到Tessa個樣色眼嘟嘟好鬼可愛，望住你笑個樣，真係甜到暈！一手攬住今世情人Jessica C.、另一隻手攬住前世情人Tessa嘅安志杰，佢好勤力咁UPDATE自己個微博同ig，大方咁分享吓佢同囡囡嘅溫馨時刻。中國人有個傳統，有啲媽咪爹哋喺6個月左右，幫佢哋個BB剃頭，有啲人係為BB整胎毛筆，又有啲人諗住剃咗啲胎毛，等生出嚟啲頭髮靚啲，估唔到一向鬼鬼地嘅安志杰同Jessica C.，亦都跟足呢個傳統，佢哋兩個昨日分別喺微博貼咗Tessa嘅新相，見到佢個新形象，光頭look，同一時間因為工作需要嘅關係，安志杰亦剃咗頭，兩父女同一個光頭look，再加埋同一個笑容，真係好有愛！爹哋留言話：「剪了個跟我女兒一樣的髮型！」媽咪Jessica C亦都話：「Daddy's little girl!」
來源:
http://hk.apple.nextmedia.com/entertainment/art/20161112/19831439
【動畫】大媽染髮變「豬頭」扮靚最終要剃光頭
1 :
GS(14)@2017-01-26 18:22:04臨近新年，許多人都會染髮，準備過年。惟未必人人都適合染髮，如對染髮劑敏感，隨時惹來大禍。湖北武漢57歲的徐大媽近年越來越多白髮，因新年期間要走訪親友家，及參加同學聚會，遂決定去染髮。上星期，她在髮型屋花了6小時又電又染，事後亦十分滿意。豈料翌日起床，徐大媽臉和頸出現如火辣的感覺，頭皮發癢，數天後，整塊臉都腫如皮球般，連眼睛睜不開。更讓她驚訝的事，頭皮開始流出黃水。由於深怕毀容，即時到醫院求診。醫生認為病人是因對染髮劑過敏引起的接觸性皮炎，由於情況嚴重，醫生建議剃光徐婦頭髮，避免皮膚持續受刺激。醫生指，對於本身屬於過敏體質人的來說，皮膚容易對染髮劑內的苯二胺產生過敏反應，導致頭皮、耳、面出現炎症反應，輕者為水腫性紅斑，較重者出現糜爛、滲液。由於洗沖時染髮劑成分會隨水流至頸、肩部位，對皮膚有時也會發生過敏反應。對於染髮的人或以為不過敏就永遠不過敏，其實染髮劑的種類和成份不同，而且不同時期體質不一樣，應要小心處理染髮。《武漢晚報》
來源:
http://hk.apple.nextmedia.com/international/art/20170126/19909567
Next Page