📖 ZKIZ Archives

中環在線：中銀小股東哀歌 為了紀念鈔冇咗條命

1 : GS(14)@2012-05-31 01:01:24

http://hk.apple.nextmedia.com/financeestate/art/20120530/16380998

事緣一位叫文先生嘅小股東，由開始發問已經聲震震似想喊咁款。佢提到之前申請中銀紀念鈔，一家人都中晒，鬼咁開心，點知呢件咁開心嘅事，竟然係佢一家人悲劇嘅開始。文先生爸爸因為去中銀攞紀念鈔，過馬路時竟然俾架車撞到，最終不治。講到呢度，文先生已經頂唔順哽咽，在場更加有行家聽到眼濕濕，華華個心都沉咗一沉……
事後，文先生諗住幫佢爸爸攞番張紀念鈔，送佢最後一程，點知中銀話只可以由佢爸爸本人去攞。文先生投訴中銀不近人情，話晒佢以兒子身份去攞，如果中銀知道人哋一家遭逢不幸，係咪應該酌情處理呢？中銀管理層即場叫呢位文先生喺股東大會後留低，話會有員工同佢跟進。
規矩係死嘅，中銀應該畀番小小人情味出嚟，再唔係，送過一張畀文先生，還佢老爸個心願都好嘛。

李華華

---

2 : 肥B(18468)@2012-05-31 15:41:32

時也，命也。

---

3 : 八旗子弟(15368)@2012-05-31 15:48:39

如果係為買黎紀念預上不幸應同情

---

ATV：香港不能冇咗亞視

1 : GS(14)@2014-08-26 22:30:13

■亞視的免費電視牌照明年底到期。資料圖片



【本報訊】通訊局審批亞視續牌申請進入尾聲，本報昨日報道局方極可能建議不予續牌後，亞視昨天發聲明，以豪言壯語反擊不利消息。亞視承諾續牌後加碼注資27億元，更聲言「香港不能冇咗亞視」，勢與港人一同「見證香港民主進程」。


逐一致電傳媒口述聲明


亞視的免費電視牌照明年底到期。本報昨報道，通訊局極可能建議不予續牌，又向亞視發最後通牒，要求盡快遞交補充資料。亞視公關昨晚逐一致電傳媒口述聲明內容，重申對續牌充滿信心。亞視在免費電視牌中期檢討時承諾在2010至15年投放的23億元，現已「差不多」達標，而在2016至21年更會注資27億元，並會向通訊局提供資金證明。亞視形容公司上下一心，充滿拼搏精神，將會繼續秉承「良心路線」，「為觀眾提供高質素節目，見證香港民主進程」。亞視又稱近期推出一系列「大型節目」，包括《感動香港》、《亞洲先生》和《亞洲小姐》等，綜藝資訊節目則有《七百萬人的聲音》、《星光俱樂部》等，也即將推出合拍劇《女神辦公室》，「反映亞視製作方面大大加強力度」。民主黨資訊科技及廣播政策發言人單仲偕質疑，亞視所謂大型節目到底有多少觀眾。他又批評亞視過去投入大量資金仍未能改善節目質素，即使加碼也無濟於事，「唔發牌仲輸少啲」，無謂浪費大氣電波繼續令市民反感。民主黨發聲明，促請特首會同行會尊重通訊局決定，若果局方最終建議不續牌，是符合市民意願，特首會同行會應根據建議否決亞視續牌申請。該黨又批評亞視管理混亂，又不斷重播節目，《ATV焦點》及《關注香港未來》等資訊節目內容嚴重偏頗，並且多次違規，有關罰款更達上限100萬元。該黨同時促請通訊局盡快完成港視再申請免費電視牌的審批，讓市民觀賞高質素節目。




來源: http://hk.apple.nextmedia.com/news/art/20140826/18844720

---

【6s殺到】新iPhone芒貼咪亂買　分分鐘冇咗3D Touch

1 : GS(14)@2015-09-23 02:14:48

自iPhone6s發佈後，大家都關注其3D Touch功能，亦有不少用家擔心貼上芒貼後，會否影響其觸控功能。外國網站3D Techtronics就發了電郵至Apple市場部副經理Philip Schiller，直接問了這個問題，Apple的官方回答就是：「可以，但跟着我們的指引去用！」
Apple的電郵回覆，只是叫記者跟從官網上的指引購買芒貼，亦即不能厚過0.3mm、屏幕同保護膜之間不可以有空隙和芒貼要是可導電物料。其實市面上一般的芒貼很難超過0.3mm厚度，但鋼化玻璃芒貼最厚可達0.6mm，所以大家購買芒貼時要特別留意這點，可以選擇貴少少買官方認證的，以免買回來用不着，嘥錢呀！



Apple的電郵回覆，叫記者跟從官網上的指引購買芒貼。

根據官方指引，芒貼不能厚過0.3mm、屏幕同保護膜之間不可以有空隙和可導電物料。



記者：方健銘





來源: http://hk.apple.nextmedia.com/su ... t/20150922/19304463

---

【蘋果21周年】假如有一日冇咗《蘋果》…

1 : GS(14)@2016-06-21 07:22:51

1995年6月20日《蘋果日報》創報，以嶄新嘅報導及經營手法為業界帶嚟新嘅衝擊，進入咗報業興旺嘅年代。《蘋果》踏入第21個年頭，面對紙媒式微、政治及經營環境轉變，言論及新聞自由收窄，各位讀者，有冇諗過假如有一日冇咗《蘋果》會點？動新聞記者日前走到街頭，訪問一眾《蘋果》讀者「假如有一日冇咗《蘋果》…」，當中阿翹覺得係「香港人嘅損失」；楊先生話「少咗一份屬於香港人嘅傳媒」；陳先生認為「689會為所欲為」；阿朱會可惜「少咗一份最鍾意嘅傳媒」……21歲生日嘅《蘋果》，你又有冇說話想同佢講？採訪：Roy拍攝：廖達燊、Neo





來源: http://hk.apple.nextmedia.com/news/art/20160621/19663367

---

32歲李彩華大變身圓面冇咗權骨平埋

1 : GS(14)@2016-08-19 06:55:50

李彩華（Rain）今年踏入32歲，人越大就越愛打扮，之前仲貼過張自拍照放上網，個樣真係唔同晒，不過就睇得出佢真係對自己好有信心！其實Rain喺00年出道，當時佢顴骨凸出，仲有啲包包面，行清純少女路線。之但係佢05年成為纖體公司代言人，仲同老闆蕭定一傳過緋聞，無耐就開始「脫胎換骨」，不單止瘦身，甚至連樣都開始進化，有傳Rain試過打針瘦面，無論係面形、下巴都慢慢轉變。而Rain北上發展後就越搵越多，仲越嚟越靚，佢嘅化妝技巧都進步咗！唔止濃妝咗，有時仲識變身，試過化妝化到似周汶錡，又有試過似張栢芝，唔怪之得啲朋友叫佢「百變小公主」啦！




來源: http://hk.apple.nextmedia.com/entertainment/art/20160819/19741643

---

浪漫月巴睇90s - 月巴氏 如果香港冇咗信和，你不如一刀捅死我～ 2016年10月14日

1 : GS(14)@2016-10-17 03:51:14

http://www.am730.com.hk/column-333275
借問聲，如果我第時死咗，骨灰可否撒在信和？
1.如果骨灰真的承載著所謂靈魂，與其永遠屈在那些好悶(而且好貴)的骨灰龕場，不如撒在信和，讓我留守信和直到永遠好了。
2.第一次踏足信和，90年代初。當時我好迷高橋由美子，但不知道哪裡可以找到高橋由美子(的Product)，好心同學專誠在某個放學後，帶我去一個我從未去過的商場。
3.WOW，當我一聞到陣除就好肯定咁同自己講：這將會是我餘生都Keep住行的場所。
4.正如食Buffet有既定步驟，我行信和，一樣有。咁多年來，都是先落地庫——90年代的我，習慣先巡視日本Idol的CD和雜誌，當時有三、四間舖頭專售這類產品，我買開的是《Bomb!》(貪佢夠平，又細本，易收藏)，但真正鍾意睇的是《Up To Boy》，顧名思義，就是一本內容專為男孩而設、既健康(Idol們都穿上健康水著)又有益(青春期)身心的雜誌。而真真正正最想睇的其實是《Video Boy》，一本網羅大量一手「愛情動作片」資訊的高級成人影視雜誌，可惜，唔夠膽買囉(不過又真係有買過噃)……這時候，為平息充塞著內心的澎湃鹹意，我會去Comic Box睇美國漫畫。90年代，香港突然興起睇美漫，我唔執輸睇埋一份，但主要睇公仔，啲英文太深。
5.然後上三樓(嚴格來說是二樓，因其中一層是閣樓)——我的頭立即擰向右邊——上到三樓第一間舖頭的櫥窗永恆地展示大批寫真集的火辣封面！天真無邪(就奇)的我從來只敢隔住玻璃，望實那性感迷人風景，始終不敢行入去買番本嚟睇……望夠了望到連自己都覺得唔好意思了，就去中間條巷第二間舖頭，一間叫做「漫畫之森」的舖頭；在這間舖頭，你不會搵到《龍珠》和《叮噹》，而只會搵到花輪和一及丸尾末廣——我第一本(也是最後一本)丸尾末廣漫畫，便在這裡入手。我記得店主(抑或是店員？)是一名文質彬彬四眼青年，幾Nice(現址專售日本雜誌，店主同樣咁Nice)。
6.然後落一層去漫畫市場。那是日本翻譯漫畫最興旺的年代，我當時合共追緊十五套漫畫，同時又不停發掘新書，每次入漫畫市場，都必定跌錢……偶然心血來潮，會去賣明星相的舖頭，選購心愛的蘇慧倫靚相。至於一樓(即閣樓)，我好少行，記憶中，去親，都是為了Book度假屋。90年代過暑假，梗係(男男女女一齊)去Camp啦。
7.有幾年我少去咗(所謂少去，是一星期才捨得去一次)——翻版碟最盛行那幾年。就算去，三樓有一大忽我都專登唔行過去——成大忽都賣三和四仔。Yes，我鹹，但冇呃你，咁多年來我只在其中一間光顧過一次，而且是陪朋友買(朋友找我壯膽)，實在難以置信(到講出嚟都冇人信)。當後來嚴厲打擊翻版，那一大忽舖頭經常落閘，成個Area猶如死城，卻依然殘留著一大陣煙味，散唔去。
8.有人總是說，90年代才是信和最好的時光，如今風光不再；我卻認為，信和根本從來冇所謂風光不風光，而只是一直緊隨潮流，一直是潮流反映和縮影——出面興乜，便自然在信和出現：明星相、翻版碟、格仔舖、Game舖……就連地庫那間專賣日本Idol產品的，現在也因應潮流兼售大量韓星Product。難得是，在被潮流Keep住支配下，場內又總有些比較特立獨行的舖頭能夠繼續開門營業。
9.如果你跟我一樣蒲信和多年，其實已參與了一段發生在香港、但範圍覆蓋日本、台灣、韓國、時間幅度接近三十年的流行文化史。成個香港，唯獨信和，體現了這段歷史。
10.唉！原來已有兩星期冇去信和。信和或許不需要我，但我需要信和，過去的信和煉成了今天的我，這是構成我生命的重要場所。如果香港冇咗信和，你不如一刀捅死我。
(寫這一篇，全因看到一條短片「香港．信和中心と旺角の電気街 1994年　Sino Centre and Mong Kok - Hong Kong 1994」https://www.youtube.com/watch?v=MjBA22yrkZg&feature=youtu.be，附圖統統cap自呢段片)

01：只要你在90年代行過信和，一定見過呢張酒井法子海報(不排除你甚至想據為己有)。
02：一到三樓，頭擰向右，嘩! 便是這一個性感迷人的櫥窗。
03：飯島愛，一個代表了90年代的名字。
04：除了信和，當年銅鑼灣中心和彌敦道近弼街的一幢大廈也有漫畫市場。那時候，港漫興盛，日漫輝煌，美漫新興。


90年代，可能是我們最後的快樂時代。
撰文：月巴氏
facebook: https://www.facebook.com/fatmoonba
blog: http://fatmoonba.blogspot.com/
email: [email protected]

---

懷胎三個月冇咗　鍾淑慧小產

1 : GS(14)@2016-11-21 00:05:01

■鍾淑慧提起現正服兵役的囝囝Justin，都會心痛流淚。



鍾淑慧和老公吳岱融識於微時，並於95年結婚，育有現年19歲的兒子Justin，自此淡出娛樂圈，過着相夫教子的生活。隱退多年的她，最近因老公復出拍劇而人氣急升，早前便接拍了一個美容廣告，並時有媒體邀約訪問。近日鍾淑慧接受周刊訪問，自爆三年前意外有了身孕，但不幸地懷胎僅三個月便小產，大受打擊的她幸得老公陪伴身邊，才得以撫平傷痛。



■鍾淑慧和吳岱融一家三口樂也融融。

■因老公帶挈，鍾淑慧早前復出拍廣告。資料圖片


「心情似坐過山車」

這段婚姻鍾淑慧表示一直不被看好，但經歷多番考驗後，彼此認定廝守終身。47歲的她昨日接受電話訪問，直言小產事件發生了一段日子，不值一提，她說：「嗰次係喺冇心理準備嘅情況下有咗BB，當時覺得好開心，喺咁嘅年紀仲有呢個機會，不過嗰陣接落咗好多工作，仲要去加拿大做騷，於是我臨上機之前去做檢查，發現BB冇咗。」鍾淑慧續說：「嗰一刻好震驚，由唔想到接受，仲好期待，點知最後又冇咗，心情真係好似坐過山車咁，不過呢啲可能係天意，畀你就畀你，唔畀你都冇辦法，呢件事已經過咗去，唔會再諗。」


提當兵囝囝心痛

兒子Justin今年4月在新加坡入營服兵役，鍾淑慧坦言自從收到服役通知信起，每次說到囝囝都心痛得流淚，而Justin每次出營，她都會第一時間返新加坡見面。此外，吳岱融日前接受商台《1圈圈星光背後》訪問，大讚太太鍾淑慧處事成熟：「我嘅愛情觀就係互相遷就，你哄吓我，我哄吓你。」並透露自己早年因推劇而被無綫炒魷，終止合約。採訪：魯吉




來源: http://hk.apple.nextmedia.com/entertainment/art/20161120/19839389

---

起樓冇咗窗？大陸新樓畫上假窗

1 : GS(14)@2017-09-17 17:43:11

根據內地傳媒報道指，黑龍江哈爾濱市一幢新物業，大廈外牆的樓梯間的窗戶都是畫上去的「假窗」，在外牆看到有窗，但室內卻是無窗，讓買家哭笑不得。報道指，一名買家李艷韜，今年3月在讓屋苑一期3號樓買了一個單位，在8月份時，李先生發現整幢物業的樓梯間都無窗口，但數天後再到現場看，發現樓梯間外場牆竟然無中生有地出現了一排排窗口。李先生入伙後竟覺得，樓梯口非常陰暗，往後才發現原來外牆上的窗口是畫上去的，根本就無窗。發展商的設計部經理楊東國表示，在設計施工圖紙上，李先生的那棟樓各單元的樓梯間是一個長方形標誌，上面寫著加壓井。因為用了機械加壓排煙形式，所以沒有窗口，而畫上一個長方形是為了「讓外形上與效果圖更接近。」




來源: http://hk.apple.nextmedia.com/financeestate/art/20170916/20154420

---