健仔自爆始作俑者阿倫反對溫拿解散
1 :
GS(14)@2015-11-02 00:09:06■有指溫拿有成員希望明年演唱會後解散，阿倫暗爆是彭健新。
溫拿樂隊、劉德華、洪金寶、李克勤、崔建邦、陳山聰、張達明、劉偉強、黃伊汶、鄺美雲、孫楠、湯鎮業及杜德偉夫婦等，昨晚在九展出席「藝能集團30周年」晚宴，阿倫媽媽由友人扶住到場。劉德華最近被指因怕囡囡劉向蕙曝光，突然轉讀另一間幼稚園，華仔可能擔心被追問囡囡事，所以影完相即離開。
「唔唱都可以玩」
有指溫拿明年2月舉行完紅館演唱會後會解散，阿倫、鍾鎮濤（阿B）、彭健新和葉智強一齊接受訪問，阿倫先開口說：「我點都唔會講係邊個講，我一開口就反對，其他就唔好講。」阿B說：「總之今日點都唱埋佢。」但阿倫又忍不住爆料：「就算一個人唔開心都唔好，健仔嘅OK仔（狗）剛剛過身係好大打擊。」現年66歲的健仔是溫拿中年紀最大一個，他咿咿一輪後解釋﹕「其實我係輕輕咁掂咗一掂，好多人責罵。」
■譚詠麟的媽媽雖然要撐住枴杖，但精神不俗。
■懷孕4個多月的黃伊汶穿上3吋高踭鞋及窄身裙，要克勤拖住。
阿倫笑說：「有同事提出過，部份經過吓大腦啦，大家一路有畀鼓勵。」阿B認為是一個沉重決定，阿倫直言希望盡快有結論，因為不想個心「梗住梗住」，強調即使最終是否解散都不會影響友誼，阿B說：「都要食，唔唱都可以玩。」陳友要提早離場，他獨自受訪時同樣不贊成解散，他說：「識行識郁識走就應該繼續向前，我好反對，做得幾耐做幾耐。」
■劉德華可能擔心被追問女兒是否轉幼稚園，避談沒有受訪。
■拉姑和鬍鬚Kong一齊到場，表現恩愛。
■何傲兒昨晚陪住老闆林建明一起前來。
■49歲的溫碧霞依然性感，穿上Deep V裝現身。
傲兒碧霞鬥露背
而27歲的何傲兒和49歲的溫碧霞年紀雖然相差近一倍，但昨晚同穿露背裝互撼，傲兒BB與經理人戴夢夢左右傍住老闆林建明進場。而懷孕4個多月的黃伊汶穿上三吋高踭鞋及窄身裙，要克勤拖住出場，她笑說：「為咗呢條裙，只係飲咗湯同吃少許生果。」並說：「飲食有專人睇住，好彩冇暈同作嘔，只係食少咗嘢。」她透露會擇日生B，笑言鍾意生仔：「仔活潑啲，唔似女仔咁嬌柔，但老公就鍾意女，我心目中最多生兩個。」採訪：張俊銘攝影：陳志嵐
來源:
http://hk.apple.nextmedia.com/entertainment/art/20151031/19354351
苑仔自爆虐夫險離婚
1 :
GS(14)@2016-05-21 13:13:37■苑瓊丹於03年被本報拍到與黃乃揚外出。資料圖片
早年長居內地及工作、最近回流返港的53歲苑瓊丹（苑仔），原來早於2004年在美國下嫁年長她10年、經營玻璃生意、身家逾兩億的富商黃乃揚，夫家擁多個商用及店舖物業。一直以來苑仔十分保護個人私隱，鮮有提到感情狀況，不過她上月底接受內地節目《靜距離》訪問時，就毫無保留暢談和老公的相識經過和相處點滴，她又感激老公恩情。苑仔坦言是透過相睇而認識丈夫，又自嘲是惡妻一名，不時對老公大打出手，但老公就是愛受虐，就算她主動提出離婚，老公也處處包容。夫妻關係的轉捩點，是苑仔母親臨終前患病，她要求老公和家人同住，眼見老公悉心照顧母親，從此收斂脾氣，夫妻關係好轉。而苑仔在嫁給黃乃揚之前，曾經與「殭屍道長」林正英拍過拖，並謂喜歡他做事認真。撰文：卓寶花
■苑仔早前受內地傳媒訪問時，大爆私人感情事，一度激動落淚。互聯網圖片
■林正英生前曾與苑仔拍拖。
來源:
http://hk.apple.nextmedia.com/entertainment/art/20160518/19615912