湯文亮﹕游議員扑嘢論 為提醒置業者
1 :
GS(14)@2016-10-13 07:45:21【明報專訊】有老友開盤叫我寫游議員的扑嘢論，我話唔係幾好意思，話晒對方是小女孩一名，樣子又標緻，現在更加貴為立法會議員，我唔應該評論，而且游議員講扑嘢都是出於一番好意，目的是叫政府正視問題，誰不知老友加碼再加碼，答應請十多名大家都相識的老友食飯，主角是一條65kg黃旗鮪魚，配角是「十四代同響」，在老友開出盤口之後，我收到其他老友短訊，美其名是問候，其實是畀壓力我。
男講扑嘢 女應說開鑊
老實說，扑嘢兩字出於游議員把口並不適當，如果由游老爸講可以，因為扑嘢應該是男士專用，所以游老媽都沒有講扑嘢，或者講唔出口。會有人問，游老媽或者游議員應該點講，我認為用開鑊就最適當，這是女性專用詞，不過，有人就會懷疑扑嘢就扑嘢，點會分男女？事實上是有分別，如果大家去澳門，用葡語同對方講多謝，首先要知道自己是男抑或是女，男女講多謝都唔同，千祈唔好講錯，會畀人知道根本唔識葡語。
又有人話點解女性要講開鑊，我唔知道幾多年前，有女性告上法庭話遭人拉去開房，法官問，那人在房間對她做了些什麼，那名女子唔好意思，又知道一定要答，於是話開鑊，老一輩傳媒人應該知道這個故事。
籲買納米樓前三思 盡議員責任
游議員今次講到咁白，其實是對那些買納米樓的年輕人提出警告，今日買納米樓可以叫做上車，但買了納米樓之後，扑嘢一定多咗，有可能要結婚，生埋細路，問題就開始浮現，到細路年紀稍大，做父母的想在納米樓扑嘢都唔得。游議員明察秋毫，如斯有遠見，提醒大家在買納米樓之前定必要三思，確實盡了做立法會議員責任。
紀惠集團行政總裁
[湯文亮 敢說亮話]
來源:
http://www.mpfinance.com/fin/dai ... 8439&issue=20161013