演戲活學人與人同理心羅敏莊4歲囡囡七情上面
1 :
GS(14)@2017-08-17 08:12:03【表情趣怪】■現年4歲的陳禛日前獲父母陳國邦與羅敏莊安排，上戲劇班學演戲。
【星二代放暑假】陳國邦與羅敏莊的4歲女兒陳禛前日已開學，而返學前夫婦二人都有安排活動給活潑好動的陳禛參與，包括讓陳禛學演戲。教小朋友演戲是一門學問，要由淺入深，當日教育藝術中心創辦人兼舞台劇導演黃嘉威哥哥教陳禛學戲，先跟陳禛玩叠紙卡及拋波遊戲熱身一輪後，才與陳禛玩扮生果和扮動物。
【拋波熱身】■導師黃嘉威（右）與陳禛玩拋波作熱身，羅敏莊與陳國邦全程陪實。
【醫生短劇】■陳國邦扮演病人，被扮醫生的愛女診症。
建立自信
之後陳禛即場與陳國邦和羅敏莊做醫生短劇，一家三口玩得十分開心。問陳禛可喜歡演戲？她說：「都鍾意，玩吓就鍾意，但真係就麻麻哋。」陳禛表示有在電視欣賞爹哋做戲，問覺得爹哋演出如何時，陳禛即豎起手指公大讚，令陳國邦冧爆。雖然外人眼中陳禛甚有表演天份，但羅敏莊就認為囡囡只是耳濡目染，見父母演出便有樣學樣，並非真的很有天份。至於安排陳禛學演戲，目的亦不是要囡囡入行，而是訓練囡囡的同理心，羅敏莊說：「演員嘅同理心同埋關心人、留意人哋嘅感受係會多啲嘅，呢個係我最想小朋友有，同埋自信啦！好多演員係會好細心留意你嘅所有情緒，就算做朋友，演員係會比較細緻一啲。」
【可愛萌爆】■陳禛表情多多，十分可愛。
■陳禛專心玩叠紙卡，訓練耐性。
情緒訓練
陳國邦亦認同說：「喺學做戲過程會扮好多唔同角色，當你扮演一個俾人欺負嘅人嘅時候，你透過台詞、身體語言，感受到俾人欺負之後，你就唔會咁容易成為一個欺負人嘅人，所以演技課程對一個細路成長係好緊要，無論受傷又好病又好，或者關心人又好，呢啲情緒訓練，平時教學裏邊好難得到。」採訪：魯吉攝影：葉君海場地提供：高雲教育藝術中心
課程四至十四歲
由著名舞台劇導演及演員黃嘉威創辦的教育藝術中心，有為小朋友舉辦「全能戲劇遊戲」課程，透過變化多端及簡單的戲劇遊戲，提升小朋友身體能力和心理質素。戲劇遊戲分4歲至6歲，以及7歲至14歲兩個班別，每個星期一堂，每堂時間分別為40分鐘和一小時，合共七堂的課程學費為1,480元。
想隨時獲得更多親子資訊，快啲like Easy PaMa Facebook啦！
https://goo.gl/1qWM8g
來源:
http://hk.apple.nextmedia.com/entertainment/art/20170817/20123521