📖 ZKIZ Archives

「財自友坊」義助深水埗明哥（二）

網誌分類：股票經
網誌日期：2017-04-29

「財自友坊」於四月初一連兩個星期六順利完成首次舉辦的投資課程，我很開心能夠成為5位課程導師之一。今次活動牽頭的「財叔」，既要負責煩瑣的行政事宜，也要主講其中一節課程，工作量顯然不輕，幸好「財叔」跑慣江湖，見慣世面，各樣問題落在他手上，他都能應付自如，見招拆招。

我就輕鬆得多，不用憂慮各項行政工作，只需連續兩個星六出席活動，負責其中一節為時兩小時的課程。我們幾個Bloggers施展混身解數，為參加者全方位展示各種達致財務自由的方法，包括正確的投資理念、股票投資、物業投資和創業等，務求令參加者覺得課程物有所值，滿載而歸。

我覺得純粹舉辦投資課程沒有特別之處，反而更有意義的事情，便是「財自友坊」把這次舉辦課程的全部收益(扣除行政費)，捐給在深水埗經營「北河同行」飯店的明哥，資助飯店繳交5個月的租金，讓「北河同行」可以幫助區內更多弱勢社群和露宿者。

我於上周日(4月23日)有幸參加了「北河同行」的派飯活動，親身感受到社會上最低層人士的苦況。我們做義工通常只是一次性，明哥卻可以持續多年做義舉，真的很有心和難得，令人敬佩。很難想像社會上會有明哥這類人，無私付出，或者這就是「施比受更有福」的道理吧！

現今香港社會，在樓價高企的環境下，貧富懸殊的問題非常嚴重。假如大家有能力，不妨關心一下社會上有需要幫助的人，幫到人之餘，自己又可以得到快樂，何樂而不為？

【埋身擊】愛心食肆免費派食物　 待用飯券響應者眾　各區都有明哥

1 : GS(14)@2013-07-14 11:33:34

http://hk.apple.nextmedia.com/news/art/20130714/18334017

深水埗　阿伯任食唔收錢

                在深水埗北河燒臘飯店，76歲的退休水手申伯，從口袋裏掏出10元，「畀碗白飯我就得」。飯堂女工說白飯不能堂食，瘦骨嶙峋的申伯沒多餘錢，老闆陳灼明（明哥）見狀，「畀個三餸佢，唔收錢，白飯你自己拎，食到飽為止」。申伯接過熱騰騰的飯菜，第一件事竟是主動打掃飯堂。女工說飯菜快涼了，着申伯快點吃，他卻說：「唔怕，人哋畀飯我食，我幫番佢做嘢。」用膳完畢，又再打掃半小時。
明哥說：「呢種就係互助精神。」原來申伯是熟客，像他這種三餐不繼的人，在深水埗有很多。明哥推出價值22元的三餸飯券，其中社區組織會捐出15元；明哥捐2元，有需要人士只需付5元購買；明哥會鼓勵獲助的人做義工，回饋社區，例如幫獨居長者打掃家居，或者到老人院派水果。他盼望互助模式能推廣到全港，「受過幫助嘅學生哥拎利是錢來買一張飯券，有時仲好過有錢佬捐一億，最重要係心意，社區有好多人需要人關心，佢哋有人幫完又可以幫番人，社會就和諧啦！」

善舉獲同區店舖支持

                每天早上10時許，愛心飯堂已坐無虛席，明哥傳餐、清潔「一腳踢」，又扶拿着枴杖的老人家入座，不時就說「請你食啦」。明哥的最大心願，是區區都有社區飯堂。「我哋好一枝獨秀，好多人諗起派飯捐嘢，就諗起我哋」。記者訪問當日，明哥便收到35箱紅酒，「棉胎、棉被、糖水乜嘢都收過」。
受到明哥感染，深水埗區內的麵包店和糖水店老闆，都響應過明哥的派發行動，「派飯去老人院之餘，都會派糖水、生果、麵包，大家一齊做」。早前桂林街有派米活動，「《蘋果》都話，原來深水埗唔止一個明哥」。明哥還經常受到不同辦學團體及教會聯絡派飯，「試過派足一星期」。
有做社區服務的商店不賺錢，明哥有一套經營妙法，經營到「22蚊3個餸，仲有蟹食」，還能賺取微利。「蟹要幾十蚊一斤好貴，我就同蟹販講，將甩手甩腳嘅賣畀我，10蚊一斤，就有新鮮蟹」。

自學水電維修慳成本

                                    愛心飯堂以廉價飯聞名，每日中午及傍晚時間，就有數十款餸菜供應。明哥更自學水電維修，既是老闆，又做通渠佬。他接受訪問時，一邊維修發熱爐，一邊說：「呢度慳500蚊，嗰度慳300蚊，盡量控制成本。」
今年4月碼頭罷工，DBC聽眾陳小姐向明哥買飯盒，支持碼頭工人。明哥以8折賣出，「有時訂50盒我都照送，1,000蚊仲要包百幾蚊車費，剛夠打和；訂得多，我哋就有得執幾百蚊，拉上補下」。他認為良心商店的路向，是小店在地產霸權盛行下的一種生存方式。「我見過有舖頭賣3、40蚊一個飯，晚晚賣唔晒要倒，都唔畀窮人食，自己又蝕錢，何必？」
明哥的善心獲全城掌聲，但卻試過被受助的露宿者大罵「點解你派飯唔係派錢呀？」明哥笑稱，這是他最難忘的派飯經歷。「唔會擺上心，最緊要幫人」。每月僅支萬多元人工，又經常派免費飯，受訪當日，明哥穿着破爛的衣服，「洗乾淨就得」。身旁的女工答：「老闆好好人，好少使錢，最多係派飯。」
明哥成為深水埗區內名人，亦是年輕人拍照放上社交網站的紅人。明哥沒因而驕傲，反而希望社區不需要有太多明哥。「我做？係幫低下階層，做得幾多得幾多，政府都幫唔晒佢哋」。他認為保民生的責任在政府，不在市民。「我做緊政府做唔到嘅嘢，希望政府多啲推動基層福利，等社區唔使咁多明哥，唔好淨係掛住有錢佬」。孟子游說梁惠王時說過：「黎民不飢不寒，然而不王者，未之有也。」現今香港，仍等待許多個明哥。

---

2 : GS(14)@2013-07-14 11:33:57

http://hk.apple.nextmedia.com/news/art/20130714/18334019



【特稿】
社會企業面對種種經營困難，明哥眼見社企或良心商店一間一間倒閉，連累了基層和露宿者。他正考慮與社區組織聯手推動「區區有社會飯堂」的計劃，第一站試點為深水埗，希望無家者及低下階層嚐到一口溫暖的飯，明哥亦提倡使用天橋底的空間做社區飯堂。
盼政府象徵式收一蚊租

明哥希望「將愛心推而廣之，各區嘅人都可以受惠」。他會以義務顧問身份參與，向社區組織提供經營愛心飯堂的經驗，如「邊度入到平貨、點樣控制成本、點一次過煮咁多人嘅飯」。第一站試點是明哥的「主場」深水埗，但尋找其他地區的地點則存在一定困難，「搵舖位好艱難，出面租舖非常貴，好多商家利字當頭」。
明哥早前向扶貧委員會提議，利用天橋底的空間做社區飯堂。「天橋底好多空置地方，可以有實際用途，想政府畀我用一蚊象徵式去租」。
明哥認為市民最重要的是「有兩餐食」，故希望政府能出手，為有需要的人士送暖。但他表示不會參與經營各區飯堂，認為最大的責任應該留給政府及社區組織。
《蘋果》記者

---

3 : GS(14)@2013-07-14 11:34:13

http://hk.apple.nextmedia.com/news/art/20130714/18334021


上月推出「$12.8餐蛋飯」的銅鑼灣心燒食堂，成功幽了$128的天價餐蛋飯一默，負責人Aska笑言只屬「抽水」，心燒食堂真正要落實的善心搞作，是推出待用飯券，派給有需要人士。
心燒食堂更廣邀區內食肆參與，計劃名為「Happy Friday」，讓貧困及獨居長者老有所「食」，已開始首階段籌款及派飯，期望在未來3個月，參與的食肆在門口張貼「膳有善報」貼紙，長者憑飯券可入內用膳；終極目標是愛心食肆遍地開花，「唔係心燒獨有，亦唔使記得心燒係第一間」。
心燒食堂於大半年前開業，負責人阮浩裕（Aska）與龍家輝（Paul）一硬一軟，Aska火爆，Paul眼淺。Aska心願是「當餐廳有盈利，就要做慈善」。善有善報，心燒得演藝界黃偉文、徐濠縈、黃耀明及盧覓雪等人支持，成為名人飯堂，生意漸上軌道。Aska君子一言，隨即與Paul聯絡聖雅各福群會合作，展開待用飯券計劃。
已籌得七千多元善款

計劃分四階段進行，第一階段會先落區派飯，了解貧困長者的膳食口味，第二階段是廣邀區內食肆參與，由心燒食堂籌款，愛心食肆會在門口張貼標誌，長者憑券用膳，食肆憑券到聖雅各福群會換錢；第三階段為客人自行向食肆購買飯券；第四階段是各區都有愛心食肆。
Paul表示，待用飯券的概念，是參考意大利及台灣的待用咖啡文化，及深水埗明哥的飯券模式，希望客人光顧餐廳之餘，向餐廳捐款，令有需要人士憑待用飯券，到愛心食肆用膳。「當你食餐飯食得開心，不妨諗吓可以平等分享，畀低25蚊，讓有需要人士都有得食」，心燒食堂現已籌得七千多元善款。
心燒食堂日前在聖雅各福群會，為30位長者提供免費的粟米斑腩飯，了解到長者「鍾意多餸，可以分兩餐食」的需要。Paul認為最大的困難是說服食肆參加，「要畀佢哋知道，可以喺飯券寫明繁忙時段提供外賣，非繁忙時間或者落場先招呼堂食，唔會阻住做生意」。灣仔的財記辣蟹一口答應，提供午膳「碟頭飯」。
老闆直言向明哥致敬

聖雅各福群會高級經理郭偉生表示，「老人家有自尊心，要佢哋問人拎飯食會好難受，但有張券喺手，感覺似有畀錢，唔係白食」。他又指灣仔及銅鑼灣區的食肆偏貴，「冇40蚊都好難有飯食」，但食肆於星期日中午人流比較少，不妨利用這段時間照顧貧困的長者。
Aska說，推待用飯券是要向深水埗明哥致敬，亦希望市民養成習慣，「唔係心燒獨有，亦唔使記得係心燒搞出嚟」。計劃以長者為對象，初為人父的Aska表示，有次在藥房門口看見一位老婆婆孤苦無依，他反思：「點解我個女就萬千寵愛，但個老婆婆由細路女變成老人家之後，就無人錫？」他指一頓飯雖是小恩小惠，「有人關心老人家，意義遠多於一盒飯」。
「『家．香港』係做騷」

Paul表示，社會上仍有許多長者未有溫飽，「政府畀3,000幾蚊佢哋，大半數錢都用作交租，每餐得10蚊8蚊食飯」，他認為政府「幫唔晒長者」，「搞乜嘢『家．香港』都係洗太平地做騷」。他謙稱自己不偉大，又指「如果每人都願意多做細微細眼嘅好事，世界會靚好多」。

---

4 : GS(14)@2013-07-14 11:34:40

http://hk.apple.nextmedia.com/news/art/20130714/18334025


熱情冷卻僅日售數張

Maia's Box的待用券面值六元，顧客購買以後，可以轉贈有需要人士，或交店方放置在店面，供人索取及換領麵包。推出初期，反應熱烈，有人一口氣買下數十張。但一個月後，熱情冷卻，現時平均每天只售出數張。
店東趙孝津（Alex）跟區議員了解過，認為該店看來比較高檔，露宿者或拾荒者會「唔夠膽入去，覺得呢啲地方唔啱佢哋」。反而Alex發現，索取待用麵包券的人一半沒有經濟困難：「試過有個着住西裝嘅男士入嚟，又試過有人攞住幾十張待用券。」
為防待用券被濫用，店員曾限制使用者每次只准換領一份，但引起其他顧客批評店方欺負弱小。Alex感到心灰意冷，覺得好人難做。「我哋考慮緊停止，以後將賣剩嘅麵包捐畀食物銀行，咁樣可以更有效咁幫到窮人。」
記者採訪Maia's Box當日，碰巧有一名顧客前來買待用券。她得悉老闆打算停止計劃，表示惋惜。陳小姐希望Alex堅持下去：「做每樣嘢都會有困難，開舖頭唔可以淨係為賺錢，畀多少少愛心，幫到多啲人，嗰種滿足感係用錢買唔到。」

---

隔牆有耳：明哥素菜特別又有營

1 : GS(14)@2015-03-29 11:20:44









中東鷹嘴豆炒飯、東南亞金不換素菜米紙卷、藜麥紅菜頭粥，呢啲素食菜式咁有新意，到底出自邊位星級大廚之手？咪深水埗明哥囉！為咗照顧不同國籍、不同宗教嘅基層人士需要，明哥精心炮製咗一張健康素食菜單，暫時有10款，粥粉麵飯樣樣齊，連麵包都係自家製，講明絕對唔落雞粉、蠔油同味精，肯肯定健康有「營」。噚晚仲特地喺深水埗舖頭搞咗個「明哥飯局」，邀請成班老友齊齊試味，八方有幸成為座上客，先至知道素食原來可以咁有特色！話說明哥曾經向一班南亞裔露宿者派飯，但對方擔心有豬油、口味又唔同而婉拒，激發明哥同夥計鑽研新素菜嘅念頭，仲專登請教南亞裔大廚過兩招。佢透露嚟緊可能會去元朗開社企平價飯堂。





來源: http://hk.apple.nextmedia.com/news/art/20150327/19091743

---

點起廣東歌：敬那些唱過的廣東歌明哥拒絕忘本

1 : GS(14)@2016-03-14 01:44:02

香港的母語是廣東話，每個香港歌手都唱過廣東歌，現在卻要努力為廣東歌掙扎求存！唱了30年歌的黃耀明，希望大家擺個心出來做好歌曲，7、80年代未有內地市場，那時都夠養活自己，明哥疑惑是否現代人變得貪心？賺100元嫌少，要賺1,000元才夠飽！他為唱過的歌驕傲：「我覺得廣東歌唔會失禮大家！」撰文：余燕儀黃耀明，這名字由以前代表達明一派、香港歌手，到現在象徵着撐香港、撐學運、撐民主，關心社會的明哥更關心香港樂壇關心廣東歌，他日前接受本報記者專訪說：「無論廣東歌市場比國語係細幾多，我覺得都要繼續唱，音樂能唔能夠打動人心唔在於語言，在於你做得有幾好，我有信心其實唱廣東話係可以好好。我唱咗30年歌，大部份都係廣東歌，我為做過嘅嘢幾驕傲，我覺得廣東歌唔會失禮大家，我會繼續做，唔代表我唔會唱其他語言，好似國語、英文都係唱，但我唔會放棄廣東話囉。」


■明哥下個月的演唱會，將有大量麗的和亞視經典金曲。

改變屈就自己最悲

越來越多歌手北望賺人仔，間接忽略了香港市場，令廣東歌樂壇變得悲哀，明哥卻說：「其實本來唔悲哀，去大市場賺錢其實好開心，悲哀係我哋要改變自己、屈就自己，令自己唔可以表達想講嘅嘢！我唔覺得去賺人仔嘅同時，係要忘記香港市場，喺文明社會去其他市場做係好正常事，不過而家形勢扭曲，要妥協好多改變好多迎合另一個市場，我唔想話好悲哀，做流行音樂好多時要就市場調整，但係你只可以就咁多（舉起拇指及食指），唔可以就咁多（張開雙手），如果乜都要改變晒，嗰個唔係我嚟，我可以調整，但唔可以完全冇咗自己。」



攞個心去做好音樂

明哥認為要撐起廣東歌，就要擺個心出來做：「唔可以話市場細，就唔擺心做好音樂，7、80年代其實都冇大陸市場，我哋都係咁用心做好香港市場，嗰時收入都夠養活自己，係咪我哋變得太貪心呢？即係賺100蚊唔夠，要賺夠1,000蚊先夠飽呢？其實嗰時賺100蚊都可以食到飯，嗰時都係靠香港市場，不如諗番我哋嗰時係點做音樂。」問明哥還有聽廣東歌嗎？他說：「我聽㗎，當然自己係一個偏心嘅人，因為我係聽西方流行音樂大，仍然覺得喺西方流行音樂得到最多樂趣同養份，但我都支持中文歌支持廣東歌，未必每一張都聽，但而家有串流服務，你會聽得更多。」問到近兩年最鍾意的廣東歌？明哥有點尷尬，笑說：「諗吓先，死！呢兩年都係關心社會嘅事，比較少關心音樂，突然諗起林海峰同容祖兒首歌幾好呀，唔記得咗叫乜名（編按：《黃昏點唱機》）；仲有RubberBand有啲歌幾好，我舊年搞咗個組織文藝復興，資助咗幾個女仔出唱片，其中一個盧敏啲歌好好聽，佢有首歌《初夏》好好，當然喺雨傘運動時，《撐起雨傘》一定記得呢首歌，因為佢記錄咗香港重要時刻。」



■容祖兒和林海峰的《黃昏點唱機》，獲明哥讚賞。

■明哥關心時事少聽音樂，但仍對RubberBand給予肯定。資料圖片

■獨立女歌手盧敏（中）的《初夏》，明哥認為是必聽之作。資料圖片



堅決反對推普滅粵

廣東歌要撐，廣東話更加要撐，明哥堅決反對推普滅粵：「我當然覺得絕對不能接受，呢個係消滅文化嘅手段，如果一個國家嘅官方語言係普通話唔緊要，但我哋呢個地方九成人口都係講廣東話，點解你夾硬要改變呢？我覺得香港一定唔可以改變，咁樣係會自己毀滅自己文化，而粵語係一個好長久嘅文化，一個有智慧嘅政府，應該要包容民族嘅多元性，而唔係毀滅少數民族同文化，我覺得呢個係冇智慧嘅政府。」化妝：Hubei Har髮型：Ivan Lee of Headquarters服裝：Sacai、Boss





來源: http://hk.apple.nextmedia.com/entertainment/art/20160313/19527280

---

提早結業畀明哥YouTuber拍片助好業主散貨

1 : GS(14)@2016-03-24 08:52:02

「崇麗行」老闆謝林為協助「深水埗明哥」陳灼明在大南街經營的「北河點心茶餐廳」月底前遷出舊舖，寧願提前結束自己經營販賣手袋的小店「崇麗行」，事件感動無數港人，其中YouTuber「James占士．甸峰」拍片呼籲港人到場光顧，協助謝先生月底前清貨。長年向基層和露宿者義贈飯菜的「深水埗明哥」陳灼明位於大南街的副店「北河點心茶餐廳」因業主大幅加租被迫遷，幸獲對面街善心業主謝林平租逾千呎舖面，令茶餐廳得以繼續經營。謝先生更寧願提早月尾結束自己經營專售手袋的「崇麗行」，令舖頭可盡早交結給明哥。距離崇麗行結業只剩一星期，但店內仍堆放大量未售出的手袋，YouTuber「James占士．甸峰」深受謝先生的義舉感動，特意拍短片呼籲市民前往光顧幫忙清貨，「人幫你時，你幫人！做乜都好！喺網絡世界上幫到手都總算出咗一分力！」「崇麗行」位於深水埗大南街，James接受《蘋果》訪問時稱，非常欣賞「幕後英雄」謝先生捨己為人的精神，不希望對方因急於交舖給明哥而要「蝕住離場」，日前向謝先生提出拍片幫手宣傳清貨，「不過謝生非常低調，唔係好想接受訪問」。被謝先生婉拒後，James昨日硬著頭皮來到崇麗行，原本打算偷偷拍攝，一再向謝先生道明來意後，對方終欣然讓他們拍攝，「謝生好Welcome、好熱情，真係好感動」。《蘋果》獲James同意轉載片段，長約5分鐘的影片中看到店內仍有不少背囊、手袋等，但Jamse逗留約一小時期間，顧客只得小貓三四隻，其中一款哥爾夫球棍袋仍有過百個存貨，但謝先生仍表現樂觀，笑稱「百零個咋！」令James更加耿耿於懷，「百幾個對佢嚟講可能好少，但賣唔晒只可以攞去捐或其他對方」，他即場買兩個袋撐謝先生，「佢仲送帽畀我添！」謝先生向James表示，明哥十多年來堅持早、午、晚飯盒都是22元一個，如今街外22元想吃早餐都不可能，「所以你話係咪要撐佢吖！」James稱，無論是明哥還是謝先生都值得港人敬重，呼籲大家踴躍前來光顧，令「好人好事」能有好收場，「我只不過用好小嘅力量，希望感染到大家，我都係出一分力啫。」短片昨日上載至「James占士．甸峰」facebook專頁後至晚上已有逾11萬人看過，但他仍希望事件能獲更多人關注，因深信「香港有好多人好有同情心，好有Heart，只不過係睇咩位置去爆發出嚟」。至傍晚，James在facebook直播崇麗行情況，經網上號召後，大批市民到場購物支持，店內大部分手袋都已售罄，但高爾夫球袋仍剩約百個，呼籲大家購買。「崇麗行」地址：深水埗大南街278號





來源: http://hk.apple.nextmedia.com/news/art/20160324/19542961

---

動搞作：派水向草根致敬Kevin Boy明哥高呼：香港加油！

1 : GS(14)@2016-06-06 03:03:14

■KB（右）撐草根撐到去深水埗，更走到經常派愛心飯盒的明哥舖頭互相打氣。攝影：陳順禎


香港地，有人可以打機打到冇停手，但有更多更多的人，靠一雙手養活一家幾口。在ViuTV《晚吹──真PK》中，除褲露股夾乳頭非常出位的李健宏（Kevin Boy），近日除推出新歌向一班靠雙手搵食的香港草根致敬，又走到街頭向清潔工人、補鞋伯伯等送水送紙巾，又親身向深水埗明哥取經，齊齊講聲「香港加油」！撰文：魯吉既是ViuTV《晚吹──真PK》主持、歌手和樂隊LMF鼓手的Kevin Boy，近日推出個人新歌《我最喜愛的香港人》，向一班有骨氣靠自己雙手搵食的香港人致敬。不過，KB不單「得把口」，日前他還與《蘋果動新聞》走勻石硤尾、深水埗和旺角，向一班草根送水送紙巾打氣。



【支持士多】■KB幫襯老士多買水，是支持基層的第一步。

【送水打氣】■KB行了半個九龍西，深入大街小巷為努力工作的香港人送水送紙巾打氣。



士多香港特色

這天，KB專程走到南山邨小士多幫襯伯伯買水買紙巾，他說：「呢啲士多仔係香港比較特色嘅嘢，同埋伯伯係第三代，真係由細做到大，同埋呢啲真係香港人嘅特色，所以特登嚟幫襯番佢。」當日KB先後向廚房師傅、推車伯伯、執紙皮婆婆、清潔工人、地盤工人、補鞋伯伯、的士司機、報紙檔婆婆送水送紙巾打氣偶爾有一、兩位公公婆婆被KB的紋身嚇怕，以為他另有所圖而請食檸檬。
KB還走到深水埗北河燒臘飯店向經常派愛心飯盒的「明哥」陳灼明送水致敬，大讚明哥是隱世英雄，自己全因明哥啟發去做好事。明哥笑說：「做呢啲嘢最緊要用個心去做，自己有幾多力咪幫幾多囉！」最後二人還齊聲講「香港加油！」希望將正能量傳揚開去。



【鼓勵看更】

【深入後巷】


■忙完一日身水身汗，KB送水給雪糕車叔叔後當然要獎勵自己。

幫人開心滿足

忙了一整天的KB，順利完成任務後直呼開心滿足，他說：「開心係做小小嘢送一支水一包紙巾，都可以換嚟一個笑容。我都會叫番多啲朋友留意番呢啲嘢，喺你自己範圍去幫到人已經係好好。大家互相幫忙互相尊重，唔好理你做乜工作乜嘢階層。」但有人被他的紋身嚇親，KB笑說：「都有㗎！但好難怪，始終思想較保守，可能我平時畀人印象都係玩，係整蠱人，今日能夠拍一啲我好想拍嘅嘢，令到人開心，係一件非常滿足嘅事。有時送句『你好嗎？』或者『辛苦晒！』、『加油』咁，已經好足夠，學明哥話齋，最緊要攞個心出嚟！」


■ViuTV節目《晚吹—真PK》作風大膽，無論嘉賓還是主持人KB（右），都要接受大懲罰。電視圖片

整蠱人聞名

現年40歲的李健宏（Kevin Boy），是樂隊LMF鼓手，2011年開始推出網上整蠱人節目《情義兩難全之玩爆你個腎》大受歡迎，連無綫節目《玩嘢王》亦被指是向他偷橋。而一向愛玩的KB，甚至試過街上裸跑，認真癲狂，至近期KB跳入免費電視，與導演火火為ViuTV主持《晚吹──真PK》，大玩露股夾乳頭啜腳指，挑戰電視尺度，並成功出位。





來源: http://hk.apple.nextmedia.com/entertainment/art/20160602/19637106

---

【新蒲崗搵食】女版「明哥」24蚊任食街市自助餐

1 : GS(14)@2016-08-09 07:11:22

有不少熟客幫襯，有時遇上熟客，會主動遞上鹹蛋。



「有些客人說好食，一食便食三四碟，對啊！我可能會蝕本，他們說食得太多想付較多的錢，我說不用，是24元便是24元，你給我多一毫子都不會要，有時我追到一條街都要還給他們。」順豐老闆黃有多。今年65歲的多姐，93年開始在彩虹道街市熟食檔做自助餐，任食廿多碟小菜，盛載的次數不限，由每位10元賣到現在的24元。


採訪當天是大暑，氣溫高達35℃，雖然無冷氣，無裝修，大熱天時仍吸引不少街坊幫襯。現場所見，客人以中老年男人為主，天氣熱，有些甚至干脆赤露上身，散發一陣麻甩味道。「這裏最多幾十歲的公公婆婆幫襯，無所謂啦，我賣得便宜些，我又不高要求，夠出糧給伙計、夠交租便可以了。」雖然是大鑊飯，但堅持差不多賣完先再炒，以住家菜為主，蒸魚有三四款選擇，最受歡迎是即炸咕嚕肉，吃時還香脆，有時還有海鮮提供。不時不食，當日更專登煲了海帶冬瓜糖水，給街坊解暑。每年更會提供免費齋菜，更曾被冠以愛心食店，亦有人說她是女版明哥。雖然舖頭每日營業，工作朝六晚六，但她從未言退。「做到我做不到為止，我們做慣了不做不舒服，賤骨頭是這樣的。好人找不到錢，得個做字，無所謂，做得開心已經夠了！」記者：何嘉茵攝影：鄧鴻欣



任食廿多碟小菜，盛載的次數不限，都只是賣24元。

採訪當天是大暑，專登煲了海帶冬瓜糖水，給街坊解暑。

雖然是大鑊飯，但堅持差不多賣完先再炒，以住家菜為主。



來源: http://hk.apple.nextmedia.com/su ... t/20160808/19727022

---

林耀聲站台　《100毛》莊靚龍出櫃明哥大搞同性婚姻

1 : GS(14)@2016-09-10 13:54:49

黃耀明、立法會議員陳志全、「He He粉紅大使」游學修、林耀聲及奧地利變裝歌手Conchita Wurst昨日在中環，出席名為「一點粉紅2016」記者會。在台上陳志全表示今年是宣佈出櫃後首次參選，依然被香港人選出來當立法會議員，證明同志並不是票房毒藥。即場《100毛》的莊靚龍宣佈出櫃，現場唱出由《Let it be》改寫成的《Let me he》，他透露歌詞是出自老細手筆。


Conchita任大使

明哥在台上成功邀請Conchita擔任粉紅國際大使，對於自己第三年參與活動，明哥希望藉此越來越多人參與，令有關人士修改法例有平權，他說：「到而家性傾向反歧視法都仲未諮詢，有好多歐美國家已有同性婚姻，台灣都開始傾緊。」他表示稍後的活動，新婚的王賢誌及伴侶Kevin Chow已答應出席。



■《100毛》的莊靚龍宣佈出櫃，即場唱出改寫歌《Let me he》以表心聲。

■變裝歌手Conchita Wurst應邀擔任國際大使。

■經常在電影中飾演男同志的林耀聲（右），跟游學修一同現身支持活動。

電影《點五步》的男主角林耀聲，被同志封為男神，他接受訪問時透露今年是第一年參加這個活動，認為很有意義：「社會要有多元化宣傳，等啲人唔好對小眾有誤解。」對於經常演出同志角色，他說：「作為演員要作多方面嘗試，唔驚定型，啲人以為我係同志證明我演得好，亦都冇試過有同志搵我。」女朋友張沛樂（沙律）參加ViuTV美選，林耀聲透露女友近排很忙，所以自己會為女友煮飯打氣，女友亦支持自己出席「一點粉紅」活動，替小眾發聲。採訪：王連連攝影：仇志德




來源: http://hk.apple.nextmedia.com/entertainment/art/20160910/19765926

---

明哥撐場破枷鎖

1 : GS(14)@2016-10-10 04:28:28

何韻詩前晚開騷，當然不能缺少民主鬥士拍檔黃耀明做嘉賓撐場，演唱會中段，突然全場似空襲一樣，出現飛機聲和槍聲，閃燈亂射，之後阿詩換上軍綠色外套坐在爛飛機上面，唱《薩拉熱窩的羅密歐與茱麗葉》和明哥的歌曲《禁色》。阿詩唱《禁色》期間，穿紅色機師服的男人現身，一直面向站在飛機上的阿詩，及至阿詩唱完，紅衫男人才轉身面向觀眾，射燈亮起，他正是觀眾期待的明哥，兩人之後合唱《勞斯．萊斯》。將做足四場嘉賓的明哥，現身為觀眾帶來驚喜，阿詩提到明哥的寓意：「嗰幕係講世界有好多分裂，好多人分你同我係代表世界，或者感情入面都有好多枷鎖，明哥係小王子，代表一啲被封鎖嘅人。」




來源: http://hk.apple.nextmedia.com/entertainment/art/20161009/19795174

---

【齊齊撐派飯】明哥全港義賣飯票　7仔or手機app都買到

1 : GS(14)@2016-11-10 08:03:52

一向善心爆棚，以派飯善舉深入民心的深水埗明哥（陳灼明），其以社企形式運作兼自負盈虧的店「北河同行」開業後，派飯的行動從未停過，繼續遍地開花。最近，他更衝出深水埗，在中環蘭桂坊開設慈善義賣限定店宣揚「北河同行」理念。



限定店內，將會有明哥親自挑選的九款撚手小菜，包括有乾炒牛河、鮮茄蛋飯、涼瓜豆腐飯、粟米斑腩飯及揚州炒飯等，全部慈善飯盒售價為$32，環保飯盒更有蔡瀾題字。市民亦可認購飯票，每張$24。明哥說這次義賣目標，是籌募四萬張飯票的經費，可以足夠一年所需。想撐「明哥」的話，可以由11月16日起至12月15日，在全部7-ELEVEN便利店、deliveroo網站及App，而用Android Pay畀錢的話，Android Pay更會同時捐多$4，齊齊做善事，而飯盒就只在蘭桂芳限定店供應，由17日起，11時30分至下午2時30分有售。「北河同行．蘭桂坊慈善義賣限定店」地址︰蘭桂坊1號地下大堂記者︰黃依情


食家蔡瀾為明哥的九款小菜的菜牌題字。（北河同行facebook圖片）

慈善飯盒每個$32，飯票則每張$24。（北河同行facebook圖片）

明哥的慈善義賣限定店將於11月16日蘭桂坊擺檔。



來源: http://hk.apple.nextmedia.com/su ... t/20161110/19828440

---